Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.11.2019
ԿԱՌԱՎԱՐՈՒԹՅՈՒՆ


Երեւանը հատուկ տեղի ունի փարիզցիների սրտում

Նիկոլ Փաշինյանը հանդիպել է Փարիզի քաղաքապետ Անն Իդալգոյի հետ

Աշխատանքային այցով Ֆրանսիայում գտնվող վարչապետ Նիկոլ Փաշինյանը հանդիպում է ունեցել Փարիզի քաղաքապետ Անն Իդալգոյի հետ։ Հանդիպման սկզբում զրուցակիցները երկուստեք գոհունակությամբ են փաստել, որ դիվանագիտական հարաբերությունների հաստատումից ի վեր երկու երկրների միջեւ հաստատվել են առանձնաշնորհյալ հարաբերություններ, որոնք կրում են սերտ բարեկամական ու գործընկերային բնույթ։
Հանրապետության վարչապետը եւ Փարիզի քաղաքապետն ընդգծել են գործընկեր մայրաքաղաքների միջեւ զարգացող ու ամրապնդվող համագործակցության կարեւորությունը։
Նիկոլ Փաշինյանը համոզմունք է հայտնել, որ հայ—ֆրանսիական համագործակցությունը շարունակական կլինի, ինչն անպայման կտա իր պտուղները։ «Հայաստանի նոր ղեկավարությունը նպատակադրված է ոչ միայն պահպանել հայ—ֆրանսիական հարաբերությունների ներկայիս մակարդակը, այլեւ նոր շունչ ու դինամիկա հաղորդել երկկողմ համագործակցության օրակարգին»,–ասել է վարչապետը՝ կարեւորելով Երեւանի եւ Փարիզի քաղաքապետարանների միջեւ օրեցօր ամրապնդվող համագործակցությունը, որում մեծ է տիկին Իդալգոյի անձնական ներդրումը։ Կառավարության ղեկավարը հավելել է, որ տեղյակ է երկու քաղաքապետարանների միջեւ գրեթե ամենօրյա կապի, ինչպես նաեւ Երեւանի հետ լավագույն փորձը կիսելու Փարիզի պատրաստակամության մասին։ Վարչապետի խոսքով՝ աշխարհի ամենալավ կառավարվող քաղաքներից մեկի՝ Փարիզի փորձը արժեքավոր է բոլոր բնագավառներում։ Նիկոլ Փաշինյանը հույս է հայտնել, որ Երեւանի նոր քաղաքապետի հետ կառուցողական երկխոսություն կհաստատվի, եւ համագործակցության կոնկրետ արդյունքներ կարձանագրվեն։ Նշելով, որ այս տարի տոնվելու է մայրաքաղաք Երեւանի 2800—ամյակը՝ վարչապետը վերահաստատել է Անն Իդալգոյին Հայաստան այցելելու հրավերը՝ լինի դա Երեւանի 2800—ամյակի միջոցառումներին, թե իրեն հարմար մեկ այլ առիթով։
Անն Իդալգոն եւս կարեւորել է հայ—ֆրանսիական կապերի շարունակական զարգացումն ու խորացումը եւ դրվատանքով խոսել Փարիզի հայկական համայնքի մասին՝ ընդգծելով, որ համայնքի բազմաթիվ ներկայացուցիչներ իրենց գործունեությամբ ամենատարբեր բնագավառներում մեծ հաջողությունների են հասել եւ զգալի ներդրում ունեն քաղաքի զարգացման գործում, ինչպես նաեւ հասարակական, քաղաքական կյանքում։ Փարիզի քաղաքապետը հիացմունքով է արտահայտվել նաեւ «Թումո» ստեղծարար տեխնոլոգիաների կենտրոնի մասին՝ վարչապետին տեղեկացնելով, որ նախատեսում են ընթացիկ տարում հայկական նախագիծ հանդիսացող «Թումոյի» օրինակով կենտրոն ստեղծել Փարիզում, որը կդառնա երկկողմ բարեկամության եւս մի կամուրջ։ Անն Իդալգոն տեղեկացրել է ստարտ—ափերին Փարիզի քաղաքապետարանի կողմից ցուցաբերվող օժանդակության ծրագրերի մասին եւ պատրաստակամություն հայտնել այս ոլորտում փորձի փոխանակում իրականացնել Երեւանի քաղաքապետարանի հետ։ «Երեւանը հատուկ տեղի ունի փարիզցիների սրտում, եւ մենք շահագրգռված ենք էլ ավելի ամրացնել Հայաստանի մայրաքաղաքի հետ կապերը»,–ասել է Անն Իդալգոն։
Հանդիպումից հետո Փարիզի քաղաքապետարանում, ի պատիվ Հայաստանի Հանրապետության վարչապետի այցելության, տեղի է ունեցել ընդունելություն, որին ներկա են եղել հայ համայնքի ներկայացուցիչներ։ Ընդունելության ժամանակ վարչապետ Նիկոլ Փաշինյանը եւ քաղաքապետ Անն Իդալգոն հանդես են եկել ելույթներով։
Փարիզի քաղաքապետ Անն Իդալգոն իր ելույթում, մասնավորապես, նշել է. «Մեծարգո պարոն վարչապետ, սիրելի Նիկոլ Փաշինյան, ուրախությամբ եմ ողջունում Ձեզ եւ տեսնում, որ ֆրանսահայ համայնքի բազմաթիվ ծանոթ դեմքեր կան այստեղ։ Շատ ուրախ եմ հյուրընկալելու Ձեզ եւ շնորհակալություն եմ ուզում հայտնել, որ արձագանքեցիք հրավերին։ Անկեղծորեն ուրախ եմ, որ Փարիզի եւ Հայաստանի միջեւ բարեկամությունը խորն է։ Մենք ունենք ընդհանուր անցյալ եւ ընդհանուր ապագա, որը պետք է կառուցենք։ Ներկան այն երիտասարդությունն է, որ ոտքի կանգնեց Ձեզ հետեւելու համար, ոտքի կանգնեց ժողովրդավարության համար եւ իր ապագայի համար, եւ խաղաղ քայլերթն է, որը Ձեզ Գյումրիից Երեւան բերեց, եւ խաղաղ քամին է, որ փչում է Ձեր երկրում։ Այսօր կա մի սերունդ, որ կիսում է Ձեր հսկայական պատասխանատվությունը։ Այսօր մեզ միավորում է երիտասարդությունը, ընդամենը մի քանի օրից Փարիզում կբացվի «Թումո» կենտրոն, ինչում Ձեր երկիրը ներշնչեց մեզ։ Դա հնարավորություն կտա հազարավոր փարիզցիների պատրաստվել թվային ստեղծագործության մեջ՝ բարության, հարգանքի եւ վստահության մթնոլորտում։ Մենք շատ աշխատեցինք եւ ընտրել ենք Փարիզի մի գեղեցիկ մշակութային հաստատություն, որի տնօրենին, ինչպես նաեւ Մարի Լու եւ Բեկոր Փափազյաններին, ցանկանում եմ ողջունել, որ ընդունեցին այս մարտահրավերը։ Մենք ունենք ներկան ու ապագան միասին կառուցելու մարտահրավեր, պետք է բազմապատկենք ծրագրերը եւ համատեղ կյանքի կոչենք։ Գիտեմ, որ մենք ցանկանում ենք կառուցել ավելի ժողովրդավար, ավելի արդար, ավելի նորաստեղծ հասարակություններ։ Պարոն վարչապետ, գիտեմ, որ Դուք էլ գիտեք պայքարի գինը։ Եկեք միասին հասնենք մեր նպատակներին»։
Վարչապետ Նիկոլ Փաշինյանն իր հերթին նշել է. «Հարգելի տիկին քաղաքապետ, հարգելի հայրենակիցներ, սիրելի ներկաներ, մեծ պատիվ է ինձ համար այսօր այստեղ հանդես գալ ձեր առաջ՝ Փարիզի քաղաքապետի ներկայությամբ, այս պատմական շենքում։ Քանի որ տիկին Իդալգոն իր ելույթում մի քանի անգամ հիշատակեց վերջերս Հայաստանում տեղի ունեցած իրադարձությունները, ես ինձ իրավունք կվերապահեմ մի քանի զուգահեռներ անցկացնել եւ այսօրվա հանդիպումը տեղավորել տեղի ունեցողի համատեքստում։ Հայաստանում տեղի ունեցած հեղափոխությունն, ըստ էության, սկսվեց Ֆրանսիայի հրապարակից, որի կենտրոնում տեղադրված է Ռոդենի գլուխգործոցներից մեկը, որը Ֆրանսիան նվիրել է Հայաստանին։ Մեր հանրահավաքները տեղի էին ունենում այդ քանդակի շուրջ, եւ ամեն անգամ օրվա մեջ մի քանի անգամ զգուշացնում էի, որ այս արձանը արվեստի գլուխգործոց է, եւ մեր մեծագույն խնդիրը ոչ միայն իշխանափոխություն անելն է, այլեւ այնպես անել, որ այդ գլուխգործոցը չվնասվի։ Եվ իհարկե, ամեն անգամ ելույթ ունենալով Ֆրանսիայի հրապարակում, Ռոդենի գլուխգործոցի կողքին ելույթ ունենալիս ես հիշում էի այն բոլոր պատմությունները, որ կապված են աշխարհում տեղի ունեցած տարբեր հեղափոխությունների հետ։ Եվ համաշխարհային հեղափոխությունների ամենախոշոր կենտրոններից մեկը հանդիսացող Ֆրանսիայի անունը կրող հրապարակում ես ինձ հաշիվ էի տալիս, թե ինչքան մեծ առաջընթաց են բերել մարդկությանը տարբեր հեղափոխությունները, բայց միեւնույն ժամանակ ինձ հաշիվ էի տալիս, թե ինչքան մեծ տառապանքներ են բերել մարդկանց այդ հեղափոխությունները։ Եվ Ֆրանսիական հեղափոխության, եւ բոլոր հեղափոխությունների պատմությունը վերհիշելով՝ շատ հստակ խնդիր ձեւակերպվեց մեր առաջ՝ անել այնպիսի հեղափոխություն, որը կբերի առաջընթաց, կբերի փոփոխություններ, կբերի նոր հնարավորություններ, որը կբացառի մարդկանց տառապանք բերելու նոր ալիքը։ Եվ մենք հստակ ձեւակերպեցինք մեր խնդիրը. մեր հեղափոխությունը պետք է լինի ոչ թե տառապանքի, ոչ թե հաղթածների եւ պարտվածների, այլ սիրո եւ համերաշխության։ Եվ մեզ հաջողվեց իրականացնել սիրո եւ համերաշխության հեղափոխություն, անել հեղափոխություն հանուն քաղաքացիների երջանկության, ազատության ու առանց որեւէ մեկին տառապանք պատճառելու։ Ես կարծում եմ, որ այս հեղափոխության գաղափարը եւ այն փաստը, որ «Թումո» կենտրոն է բացվելու Փարիզում, Մոսկվայում, Լիբանանում, Տիրանայում, Բեռլինում, ցույց է տալիս նոր Հայաստանի առանցքային բովանդակությունը։ Մենք մի երկիր ենք, որն ուզում է եւ կարող է կարեւոր ու օգտակար մասնակիցը լինել մարդկության եւ քաղաքակրթության առաջընթացի, իր նպաստը բերել մարդկային կյանքն ավելի ազատ, ավելի երջանիկ, ավելի հանդուրժող, ավելի քաղաքակիրթ դարձնելու համար։ Եվ մենք քայլում ենք այս ճանապարհով, ամեն օրվա հետ ավելի վստահ ենք քայլում այդ ճանապարհով, եւ, ըստ էության, մենք քայլում ենք»։

15-09-2018





21-11-2019
Երբ հակամարտություններն են ազդեցության լծակներ փնտրում միմյանց դեմ
Ինչպես կազդեն տարածաշրջանային այլ բախումները Հայաստանի վրա

Արմենուհի ՄԵԼՔՈՆՅԱՆ
a.melqonyan@hhpress.am




21-11-2019
Արցախում հավերժացրել են բարերարի ու հայրենասերի հիշատակը
Լեւոն Հայրապետյանի բրոնզաձույլ կիսանդրին՝ մայրաքաղաք Ստեփանակերտի սրտում

Դավիթ ՄԻՔԱՅԵԼՅԱՆ
d.miqayelyan@hhpress.am




 
21-11-2019
«Կնկան էրիկը մարդն է, մարդուն էրիկը պարտքն է»
Պարտքի չարաղետ դերի մասին ավելի սպառիչ երեւի դժվար է ...


21-11-2019
Արմենպրեսի «բրենդը»
«Արմենպրեսը», ավելի ստույգ՝ «Հայհեռագործը» կամ ՀՀԳ-ն, մինչ Արտավազդ Խաչիկյանն ...


21-11-2019
Առաքիչի մեքենան
Սկզբում գրեցի վերնագիրն ու մի պահ ընկա հիշողությունների գիրկը...
«Երբ ...


21-11-2019
Հայաստանում ու Հայաստանից դուրս
Սիմֆոնիկ նվագախումբը հանդես կգա համերգներով

Հայաստանի պետական սիմֆոնիկ ...


21-11-2019
Աշխարհին ցույց կտա, թե որքան խորն են մեր արմատները
Օպերային երգիչ Ադամ Բարրոն Հայաստանում կներկայացնի իր նոր ...



21-11-2019
Առաջնային սնունդ. ինչպես տարբերել անորակը որակյալից
Երբ արտադրողը կարողանում է տարբեր ...

21-11-2019
Առեւտրի վայրերը պետք է անվտանգ լինեն
Կրկին «Բարեկամություն» ստորգետնյա ...

21-11-2019
Իրանը մեղադրում է ԱՄՆ-ին եւ Իսրայելին
Բենզինի գնի նկատելի բարձրացումը, իհարկե, ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO