Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.10.2019
ԱԳՆ


Արցախի անվտանգությունը՝ գերակա խնդիր

ԱԳ նախարար Զոհրաբ Մնացականյանի ճեպազրույցը Արցախի լրատվամիջոցներին

–Պարո՛ն նախարար, կներկայացնե՞ք, թե ինչ օրակարգով եք այցելում Արցախ, ինչ հանդիպումներ եք անցկացրել։
–Սա մեր խորհրդակցությունները եւ համագործակցությունը մշտապես ակտիվ պահելու գործառույթներից է։ Մեզ համար սա շատ մեծ նշանակություն ունի, որովհետեւ առիթ է՝ միասին գնահատելու ներկայիս իրավիճակը, միասին խորհրդակցելու եւ ուրվագծելու այն բոլոր քայլերը, որ մենք միասին կատարում ենք։ Սա միասնական աշխատանք է։ Արցախի՝ Լեռնային Ղարաբաղի հիմնախնդրի կարգավորումը վերաբերում է առաջին հերթին Լեռնային Ղարաբաղին, եւ վերջնական որոշումն ու որոշիչ ձայնն այս հարցում պատկանում է Արցախին։ Եվ առանց խորհրդակցելու, առանց միասին աշխատելու մենք չենք կարող որեւէ լուրջ առաջընթաց գրանցել։ Սա էր այցի առաջնային նպատակը։ Սա մշտական գործընթաց է, շարունակական գործընթացի հատվածներից մեկն է։
Շատ շնորհակալ եմ ե՛ւ հանրապետության նախագահին՝ պարոն Սահակյանին, ե՛ւ գործընկերոջս՝ արտգործնախարար Մայիլյանին։ Նաեւ առիթ ունեցա հանդիպել Ազգային ժողովում։ Այդ բոլոր հանդիպումների ընթացքում մենք խոսեցինք ներկայիս դրությամբ մեր կարեւորագույն հարցերի շուրջ համակարգման առումով։ Կարծում եմ՝ արդյունքները շատ հստակ են։ Շնորհակալ եմ, որ մենք կարողացանք հստակեցնել եւ հարստացնել մեր պատկերացումներն ու մեր գնահատականները։
Իհարկե, առիթ ունեցա շնորհավորելու հանրապետության նախագահին, իմ գործընկերներին Արցախի անկախության հռչակման 27—ամյակի կապակցությամբ։ Նաեւ արտաքին գործերի նախարարությունում մեր գործընկերները նշել են նախարարության հիմնադրման 25—ամյակը։ Սա եւս առիթ էր շնորհավորելու մեր գործընկերներին։
Այցի շրջանակներում առիթ եմ ունենալու նաեւ տեսնելու, շփվելու Արցախի հասարակության, հատկապես երիտասարդության հետ։ Գիտեք, որ բոլորիս համար Լեռնային Ղարաբաղը հակամարտություն չէ, Լեռնային Ղարաբաղը մարդիկ են։ Արցախցիները, մարդիկ, կոնկրետ՝ 150 հազար, իրենց անուններով, առօրյայով, իրենց ընտանիքներով, իրենք հոգսերով, իրենց հույսերով, իրենց նպատակներով, ինչպես յուրաքանչյուր ժողովուրդ, կերտում են իրենց ապագան, իրենց կյանքը։
Ցանկանում եմ առավել ընդգծել այն հանգամանքը, որ, երբ խոսում ենք Արցախի անվտանգության եւ կարգավիճակի մասին որպես մեզ համար գերակա խնդիրներ՝ նկատի ունենք մարդկանց։ Շատ եմ սպասում այդ հանդիպմանը, երբ առիթ կունենամ տեսնելու երիտասարդներին՝ Արցախի նոր սերունդը, ինքս զգալ, իմ աչքերով տեսնել, թե ինչպես են իրենք ստեղծում իրենց ապագան։
–Պարո՛ն նախարար, առիթն օգտագործելով՝ խնդրում են նշեք սպասվող զորավարժությունների մասին Ձեր վերաբերմունքը, մանավանդ որ, պոտենցիալ թշնամին, ըստ Ադրբեջանի, լինելու է Հայաստանը։
–Մենք մշտապես ընգծում ենք այն կարեւոր հանգամանքը, որ եթե մենք լրջորեն շարժվում ենք դեպի խաղաղ կարգավորում, իսկ բոլորիս համար դա բացառապես խաղաղ կարգավորում է, բացառապես բանակցությունների միջոցով եւ բացառապես Մինսկի խմբի համանախագահության շրջանակներում, այս կարեւոր գործոնները պրակտիկ առումով ռեալ իրականացման են ենթակա, երբ մենք աշխատում ենք խաղաղությանը նպաստող մթնոլորտի ձեւավորման ուղղությամբ։ Այն, ինչ կատարվել է այս շրջանում, որեւէ կերպ չի նպաստում նման միջավայրի ձեւավորմանը՝ թե՛ հռետորաբանության առումով, թե՛, առավել եւս, գործողությունների առումով։ Սա դատապարտելի է եւ անընդունելի, երբ մենք ունենք լարվածության նշաններ, ունենք խաղաղ բնակիչներին թիրախավորելու գործողություններ։ Սա, բնականաբար, անընդունելի է։
Մենք հստակ նշել ենք, որ թե՛ Հայաստանը, թե՛ Արցախն ունակ են պաշտպանվելու, բայց սա մեր նպատակը չէ։ Մենք պետք է ամեն կերպ խուսափենք ճգնաժամերից, խուսափենք այն իրավիճակից, որ պարզապես կարող է այս տարածաշրջանը բերել աղետի։ Դրանից ոչ ոք ոչ հաղթելու է, ոչ պարտվելու։ Սա պետք է շատ հստակ գիտակցել։ Անընդունելի է, դատապարտելի եւ լրջորեն վնասում է խաղաղ գործընթացին։
–Պարո՛ն նախարար, հստակեցվե՞լ են Ձեր՝ ադրբեջանցի գործընկերոջ հետ հանդիպման մանրամասները։
–Մենք հավատարիմ ենք մնում բանակցային խաղաղ գործընթացին՝ ձեւավորված եւ միջազգային հանրության կողմից ընդունված ձեւաչափի շրջանակներում, որը կոչվում է Մինսկի խմբի համանախագահություն։ Այո՛, սա շարունակական գործընթաց է, այն լինելու է։ Արդեն մեկ անգամ նշել եմ, կրկնեմ, որ հարգում եմ նման գործընթացի մեջ աշխատելու կանոնները, եւ այդ կանոններից մեկը նաեւ համաձայնեցված կերպով հայտարարելն է հանդիպման օրը, ժամը, վայրը։ Վստահ եղեք, որ այդ ամենը կարվի հենց համաձայնեցված ձեւով եւ, բնականաբար, հասանելի կլինի բոլորին։ Շնորհակալություն։

18-09-2018





17-10-2019
Էթնիկ զտումների քաղաքականությունը շարունակվում է
«Թուրք զինվորները դեռ ծարավ են արյան...»

Արմենուհի ՄԵԼՔՈՆՅԱՆ
a.melqonyan@hhpress.am


Չնայած ...


17-10-2019
Երբ դժվար իրացվող գույքը էժան էլ չի վաճառվում
Օտարման ինչ փուլեր է առաջարկում պետգույքի կառավարման կոմիտեն

Արմենուհի ...


17-10-2019
Գայթակղությունները բազում էին, իսկ ինքը մենակ էր
Տիգրանը պատրանքներ չուներ, այլ ստեղծում էր պատրանքներ
 
Թադեւոս ԽԱՉԱՏՐՅԱՆ
t.khachatryan@hhpress.am




17-10-2019
Սիրիահայերի հնարավոր վերադարձը Հայաստան կանխատեսելի է
Ամեն ինչ արվելու է մեր հայրենակիցների պատշաճ ընդունելության ...


17-10-2019
Թարգմանությունը՝ որպես մշակույթ եւ լեզվի մարզանք
Հայ ժողովուրդն իրավամբ պարծենալու տեղ ունի աշխարհում

Հայ ...


17-10-2019
Անհրաժեշտ փորձ ձեռք բերելու հրաշալի հարթակ
«Գիտական աստիճաններ. դեպի եվրոպական ստանդարտներ»

Լիանա ՍԱՐԳՍՅԱՆ
l.sargsyan@hhpress.am


Բարձրագույն կրթության ...


17-10-2019
«Երբ ասում ենք ինովացիա, առաջին հերթին պետք է նկատի ունենանք մտքի, մտածողության ինովացիա, որը եւ իրականում փոխում է աշխարհը»
Վարչապետը մասնակցել է «Գլոբալ ինովացիոն ֆորումի» բացմանը

Վարչապետ ...



17-10-2019
Համանախագահները հանդիպել են Արցախի ղեկավարի հետ
Երեւանյան քննարկումները շարունակվել են ...

17-10-2019
Աղջիկ չունենալու վատ սովորույթը տեղի է տալիս
Հայաստանը դեռեւս սեռով պայմանավորված ...

17-10-2019
...Ասադը նույնպես վայելում է ՌԴ նախագահի աջակցությունը
Թուրքիայի նախագահը Մոսկվա է գնալու՝ ...

17-10-2019
Հաջողությունը պետք է վաստակել
Հայաստանի ֆուտբոլի ազգային հավաքականը, ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO