Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.06.2019
ԼՂՀ


Ադրբեջանը ցեղասպան պետություն է

Գիտաժողով՝ նվիրված Բաքվի հայերի ջարդերի 100—րդ տարելիցին

Հաշվի առնելով պատմական այն իրողությունը, որ հարեւան երկրի իշխանությունների կողմից այսօր առավել ընդգծված, բացահայտ ձեւով շարունակվում է հայ ժողովրդի, մասնավորապես՝ Արցախի բնակչության նկատմամբ իրականացվող թշնամական քաղաքականությունը, Ստեփանակերտում հրավիրված միջազգային գիտաժողովում, որ նվիրված է Բաքվի ջարդերի 100—րդ տարելիցին, գրեթե բոլոր ելույթներում այդ միտքն է ընդգծվել՝ աշխարհասփյուռ համայն հայությանը, քաղաքակիրթ երկրների ղեկավարներին, միջազգային հանրությանը կոչ անելով համախմբել ուժերը բռնությունների դեմ եւ անհաշտ պայքար մղել մարդկությանը սպառնացող ծանր հանցագործությունների նկատմամբ։
Միջազգային գիտաժողովը, որ կազմակերպվել էր ՀՀ գիտությունների ազգային ակադեմիայի պատմության ինստիտուտի, Արցախի գիտական խորհրդի եւ «Սանկտ Պետերբուրգի հայկական ազգային մշակութային կազմակերպություն» հասարակական կառույցի նախաձեռնությամբ եւ «Բաքու. 1918թ. հայերի ցեղասպանության շարունակությունը» խորագիրն էր կրում, մասնակցում էին ճանաչված գիտնականներ, ցեղասպանագետներ, քաղաքագետներ ու պատմաբաններ, փորձագետներ, հասարակական գործիչներ ինչպես Հայաստանից եւ Արցախից, այնպես էլ արտերկրից, մասնավորապես՝ ԱՄՆ—ից, Ռուսաստանից, Լեհաստանից, Ֆրանսիայից, Մեծ Բրիտանիայից, Գերմանիայից։
«Այս տարի լրանում է Բաքվի հայկական ջարդերի 100—րդ տարելիցը,–լրագրողների հետ ճեպազրույցում նշեց ցեղասպանագետ Վահան Բաբախանյանը։–Մեր նպատակն է հանրության լայն շերտերին իրազեկել այն սարսափելի եղեռնագործության մասին, որն իր անմարդկային դաժանությամբ ու հայատյացությամբ չէր զիջում 1915—ին Արեւմտյան Հայաստանում իրականացված ցեղասպանությանը։ Այդ ամենին պետք է տեղյակ լինի միջազգային հանրությունը, ինչ կատարվել է պատմության ընթացքում ու Ադրբեջանի կողմից շարունակվում է նաեւ այսօր, խստորեն պիտի դատապարտել դահիճների կողմից հայության դեմ ծրագրված ոճրագործությունը, ինչը Բաքվում փորձում են կոծկել։ Ցինիկություն է նման ծանր հանցանքը «խուլիգանություն» որակելը, ինչը միայն մի անուն ունի՝ ցեղասպանություն»։
Նրա խոսքով՝ Սանկտ Պետերբուրգում հայ համայնքի կողմից գործնական քայլեր են արվում ցեղասպանության հարցերով զբաղվող միջազգային կառույցների հետ համագործակցությունն ընդլայնելու ուղղությամբ։ Այդ հարցում Վ. Բաբախանյանը կարեւորում է նաեւ գրողների եւ լրագրողների դերը՝ «Հայկական հարցի, այդ թվում՝ 1900—ականների սկզբներին եւ դարավերջին Բաքվում իրականացված հայերի ջարդերի թեման լայնորեն արծարծելու տեսանկյունից»։
Արցախի իշխանությունների անունից ողջունելով գիտաժողովի մասնակիցներին՝ իր զեկույցում խորհրդարանի փոխնախագահ, պատմական գիտությունների դոկտոր, պրոֆեսոր Վահրամ Բալայանը մասնավորապես անդրադարձավ 1920թ. Շուշիում մուսաֆաթների կողմից իրականացված հայերի ջարդերին, ինչն անասելի ծանր հետեւանքներ ունեցավ «բերդաքաղաքի ժողովրդագրական պատկերի կտրուկ փոփոխման առումով»։ Կարեւորելով նման գիտաժողովների կազմակերպումը տեղեկատվական պատերազմի ներկա ժամանակներում՝ պատմաբանը գտնում է, որ «համախմբված, առավել ճկուն եւ սթափ պիտի գործել տեղեկատվական դաշտում»։ Նրա համոզմամբ՝ սփյուռքը եւս շահագրգիռ է այս հարցում, հետեւաբար «հայ ժողովուրդը միասնաբար հանդես գալու պարագայում, անկասկած, շոշափելի հաջողություններ կարձանագրի հայատյացության դեմ պայքարում»։
ԱՀ մշակույթի, երիտասարդության հարցերի եւ զբոսաշրջության նախարար Լեռնիկ Հովհաննիսյանը գիտաժողովում հանդես եկավ «1917—1921թթ. Արցախի էթնոժողովրդագրական գործընթացները» թեմայով զեկուցմամբ, իսկ «Արեւելք» վերլուծական կենտրոնի վերլուծաբան Կարեն Սիրունյանի ելույթում շոշափվեցին քննարկվող խնդրի հետ կապված արդիական մի շարք հարցեր։ Արցախի գիտական կենտրոնի ղեկավար Ստեփան Դադայանն էլ ընդգծելով գիտաժողովի քաղաքական նշանակությունը՝ ուշագրավ մի դիտարկում արեց։ Ըստ բանախոսի, Ադրբեջանը 100 տարի առաջ իր «կազմավորումը» նշանավորեց Բաքվի հայերի կոտորածներով։ «Շարունակելով իր հայատյաց քաղաքականությունը՝ նաեւ հետագա տարիներին նա միշտ փորձում է տիրանալ հայ ժողովրդի նյութական եւ հոգեւոր—մշակութային հազարամյա արժեքներին, նրա հարստությանը, որ մարդիկ տքնանքով արարել են իրենց պատմական հայրենիքում»,–ասաց Ս. Դադայանը։
Քաղաքագետ Ալեքսանդր Մանասյանն իր ելույթում այն միտքը շեշտեց, որ «Ադրբեջանը ցեղասպան պետություն է, եւ հանցագործին բնորոշ այդ կեցվածքը պիտի իր հստակ արտացոլումը գտնի նրա քաղաքական կերպարում»։
Դավիթ ՄԻՔԱՅԵԼՅԱՆ
Ստեփանակերտ

20-09-2018





22-06-2019
Ակնկալվում էր առավել սուր հայտարարություն
ԼՂ խնդիրը տարածաշրջանային զարգացումների համատեքստում է

Լուսինե ՄԽԻԹԱՐՅԱՆ
l.mkhitaryan@hhpress.am


Հունիսի ...


22-06-2019
Անկայունության դրսեւորումներ հարեւան երկրում
Հայաստանը՝ արագ փոփոխվող միջազգային օրակարգի դեմ հանդիման

Արմենուհի ՄԵԼՔՈՆՅԱՆ
a.melqonyan@hhpress.am




22-06-2019
Պետություն
Մի այլ տարբերակ էլ հուշում է Քսենոփոնը

Թադեւոս ԽԱՉԱՏՐՅԱՆ
t.khachatryan@hhpress.am




22-06-2019
Ֆրիդրիխ Գուստավ Էմիլ Մարտին Նիեմոլլեր
Ֆրիդրիխ Գուստավ Էմիլ Մարտին Նիեմոլլեր (1892—1984)՝ գերմանացի աստվածաբան եւ ...


22-06-2019
Ինչ—որ մի թշվառական բեմադրություն կար Սունդուկյանի թատրոնում
(Լեւոն Ներսիսյան. Դասախոսություններ)

...Մի փոքրիկ բան պատմեմ ձեզ, ...


 
22-06-2019
Նրանք
Դարավերջի «այցելուներս»՝ ինձ քուն թե արթմնի հանգիստ չտվող մտավորականների ...


22-06-2019
Բացարձակ օբյեկտիվիզմ անհնար է
Գրականագետ, գեղագետ, դերասան, դասախոս Լեւոն Ներսիսյանի (1931-1999) դասախոսություններից




22-06-2019
Բռնություն ընտանիքում ու կանանց հանդեպ
Համապատասխան մարմինների գործառույթներն ...

22-06-2019
«Ոսկե ծիրանի» քաղաքականությունը փոխվել է
Նաեւ թուրքական ու ադրբեջանական ֆիլմեր՝ ...

22-06-2019
«Բրուտ արտ» սիմպոզիումը՝ Շուշիում
Ամառային տարաբնույթ մշակութային միջոցառումների ...

22-06-2019
Մարզավիճակը հաջողության հույս է ներշնչում
Հայաստանի մարմնամարզիկներն ավարտելով թբիլիսյան ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO