Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.09.2019
ՀԱՍԱՐԱԿՈՒԹՅՈՒՆ


Հազարամյա իղձերի իրականացման առաջին 27 տարին

Համայն հայությունն այսօր նշում է Հայաստանի անկախ հանրապետության հռչակման տոնը

«Համաձա՞յն եք, որ Հայաստանի Հանրապետությունը լինի անկախ, ժողովրդավարական հանրապետություն՝ ԽՍՀՄ կազմից դուրս»։ 1991 թ. սեպտեմբերի 21—ին նշանակված հանրաքվեի ժամանակ հայ ժողովուրդը պետք է պատասխաներ այս հարցին։ Երկմտանքի կամ կասկածամտության տեսանելի դրսեւորումներ չկային։ Սիրո ու համերաշխության ոգին թեւածում էր ամենուր։ «Էն ո՞ր ոչուփուչը վեր կկենա ու «ոչ» կասի իր արյան շրջանառությանը, իր աչքի լույսին, իր արդար հացին, իր պետականության հիմքերին, իր թոռների ու թոռնթոռների մարդավայել կյանքին։ Աստված չանի, եթե հանկարծ գտնվի մի այդպիսինը. մեր ամբողջ ազգի այտերն ամոթից պիտի շիկնեն։
ԱՅՈ—ն մեր կռիվն է մեզ հետ, աշխարհի հետ, ճակատագրի հետ։ Կռվում ենք՝ ուրեմն կանք ու լինելու ենք։ Լինելու ենք ազատ ու անկախ...»,— մեր ընդհանուր ոգեւորությունը բանաձեւեց բանաստեղծ Համո Սահյանը։
Եվ եղավ այն, ինչ ակնկալվում էր։ Հանրաքվեին մասնակցելու իրավունք ունեցող քաղաքացիների 94 տոկոսը «այո» ասաց Հայաստանի անկախությանը։ «Այո» ասաց երկու հարյուր անկախ պետությունների շարքում ու նրանց համահավասար գոյավարելու իր իրավունքին։
Հաջորդ օրը հրապարակվեց ՀՀ Գերագույն խորհրդի դիմումը հայ ժողովրդին. «Ազատության ճանապարհին մեզ սպասում են նոր փորձություններ, դա ամենօրյա քննություն է լինելու մեզ համար։ Պահպանենք մեր ոգեւորությունը, բայց համակվենք իրապաշտությամբ, շարունակենք մնալ երազող, բայց սթափ դատողությամբ»։
Սեպտեմբերի 23—ին արդեն ՀՀ Գերագույն խորհուրդը, ամփոփելով հանրաքվեի արդյունքները, Հայաստանի Հանրապետությունը հռչակեց անկախ պետություն։
Դրանից մեկ տարի առաջ՝ 1990թ. օգոստոսի 23—ին ընդունվել էր ՀՀ Անկախության հռչակագիրը. «Հայկական ԽՍՀ Գերագույն խորհուրդը, արտահայտելով Հայաստանի ժողովրդի միասնական կամքը, գիտակցելով իր պատասխանատվությունը հայ ժողովրդի ճակատագրի առջեւ համայն հայության իղձերի իրականացման եւ պատմական արդարության վերականգնման գործում, ելնելով մարդու իրավունքների համընդհանուր հռչակագրի սկզբունքներից եւ միջազգային իրավունքի հանրաճանաչ նորմերից, կենսագործելով ազգերի ազատ ինքնորոշման իրավունքը, հիմնվելով 1989 թվականի դեկտեմբերի 1—ի «Հայկական ԽՍՀ—ի եւ Լեռնային Ղարաբաղի վերամիավորման մասին» Հայկական ԽՍՀ Գերագույն խորհրդի եւ Լեռնային Ղարաբաղի Ազգային խորհրդի համատեղ որոշման վրա, զարգացնելով 1918 թվականի մայիսի 28—ին ստեղծված անկախ Հայաստանի Հանրապետության ժողովրդավարական ավանդույթները, խնդիր դնելով ժողովրդավարական, իրավական հասարակարգի ստեղծումը
ՀՌՉԱԿՈՒՄ է անկախ պետականության հաստատման գործընթացի սկիզբը»։
Այդպիսով, անկախության գործընթացի սկիզբը հասավ իր տրամաբանական հանգրվանին՝ անկախ պետության հռչակմանը։ Եվ արդեն 27 տարի Հայաստանի քաղաքացիները առաջ են շարժվում իրենց ընտրած դժվարին, խորդուբորդ, բայց պատվաբեր ու արժանապատիվ ճանապարհով։
Այսօրվա Անկախության տոնը առաջինն է «թավշյա» հեղափոխությունից հետո։ Այն կնշվի լավատեսության, միասնականության ավելի դրական մթնոլորտում։ Տեղի կունենան բազմաթիվ միջոցառումներ՝ հանդիսավոր նիստերից մինչեւ համերգներ, ցուցահանդեսներ։ Առաջիկայում ունենք բազմաթիվ անելիքներ, պատասխանատու համապետական եւ միջազգային միջոցառումներ, որոնց արդյունավետ իրականացումը կդառնա մեր անկախ պետականության ամրապնդման հերթական քննությունը։

21-09-2018





21-09-2019
Ինքնիշխան պետության ձեռքբերումներն ու մարտահրավերները
Ինչ է սովորեցնում մեզ անկախության արդեն 28 տարվա ...


21-09-2019
Անկախության բանաձեւը
Ո՞րն է պետություն կառուցելու մեր տեսլականը

Լուսինե ՄԽԻԹԱՐՅԱՆ
l.mkhitaryan@hhpress.am


1988-90 ...


 
21-09-2019
IPSE DIXIT
Ամբոխի հոգեբանության ուսումնասիրությունը ցանկալի է դիտվում գործնական առումով, բայց ...


21-09-2019
Տղամարդկանց հագուստ
Սմոքինգ
Բարձրաշխարհիկ պաշտոնական միջոցառումների ժամանակ (օրինակ՝ երեկոյան ընդունելությունների) նախընտրությունը ...


21-09-2019
Պատմության նոր էջ
Ժամանակին Մոսկվայում մի հայ ուսանողի քննությանը հարցրել էին. «Ի՞նչն ...


21-09-2019
Անկախության խորհուրդը պետության համար
Եվ անկախության՝ քաղաքացու ընկալումը

Յուրաքանչյուր դպրոցական գիտի, թե ...


21-09-2019
Ու եղավ այնպես, ինչպես չէր եղել արդեն քանի դար
Հայաստանն անկախացավ ժողովրդի գրեթե միաձայն քվեով

Թամարա ՄՈՒՐԱԴՅԱՆ
t.muradyan@hhpress.am


«Անկախության ...



21-09-2019
Տնտեսական հեղափոխության ընկալումներն ու իրագործումը
Որքանով է այն պահանջված, եւ որոնք են դրա ...

21-09-2019
Ու եղավ այնպես, ինչպես չէր եղել արդեն քանի դար
Հայաստանն անկախացավ ժողովրդի գրեթե ...

21-09-2019
Իմ թանձրացական անկախությունը
Այն ինձ համար եթերային երազանք ...

21-09-2019
Անկախության սպորտը. անմոռանալի ապրումների պահեր
Հայաստանի անկախության 28 տարիներին ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO