Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.12.2018
ՄԱՐԶԵՐ


Զարմացնելու բան միշտ էլ կգտնվի

Սյունիքը զբոսաշրջիկների համար նոր փորձառություններ ու հետաքրքիր զբաղմունքներ է ստեղծում

Սյունիքի բարձրադիր լեռներն ու դարերի պատմություն ունեցող հուշարձանային կոթողները դեռեւս բավարար չեն զբոսաշրջիկների ներկայությունը Սյունիքում երկար ժամանակով ապահովելու համար։ Այդ իսկ պատճառով «Իմ Հայաստան» ծրագիրը տարբեր փորձառություններ է մշակում, որոնք հյուրերի համար նոր հետաքրքրություններ են ստեղծում։
Զբոսաշրջիկները Սյունիքի մարզ այցելելիս արդեն հնարավորություն ունեն ականատեսը ու մասնակիցը լինել այլ հետաքրքիր զբաղմունքների, ինչպիսիք են կավագործությունը, բնական բրդից թել ստանալու ընթացքը, բատիկի վարպետաց դասեր անցնելը եւ այլն։ Զբոսաշրջիկներին «Սիսիան կերամիքսում» դիմավորում են ամուսիններ Վահագնը ու Զառան, ովքեր ներկայացնում են կավագործությունն ու բատիկի նկարչությունը։ Զբոսաշրջիկները ցանկության դեպքում վճարում են որոշակի գումար ու ինքնուրույն զբաղվում կավագործությամբ կամ բատիկի նկարչությամբ։ Ընտանիքի երեք դուստրերը նույնպես օգնում են զբոսաշրջիկներին յուրացնելու խեցեգործության նրբությունները։
«Զբոսաշրջիկները մեծ ոգեւորությամբ են զբաղվում կավագործությամբ։ Նրանց հետաքրքրում է, թե հազարամյակներ առաջ ինչպես են պատրաստվել այդքան հետաքրքիր կժերը, կճուճները եւ այլ իրեր»,–մեզ հետ զրույցում ասաց Վահագն Համբարձումյանը։
Ամուսինները 2018 թվականին մեկնել են Սմիթսոնյան ֆոլկլայֆ փառատոնին՝ ներկայացնելու Հայաստանի մշակույթը, որտեղից էլ զբոսաշրջիկների մի քանի խմբեր՝ հետաքրքրվելով հայկական մշակույթով, այցելել են Հայաստան։ Վարպետաց դասերի միջոցով զբոսաշրջիկներին սովորեցնում են բատիկի վրա նկարել, կավից բաժակներ, ափսեներ ու զարդեր պատրաստել՝ «Սիսիան կերամիքս» եւ «Աստրե» բրենդներով։
Այնուհետեւ «Շինուհայրի կանանց կենտրոնում» զբոսաշրջիկներին հնարավորություն է ընձեռվում մասնակցելու բրդից թել եւ թելից տարատեսակ այլ իրեր պատրաստելու գործընթացին։ «Բրդից կարպետ» ծրագիրը նաեւ սոցիալական նախաձեռնություն է «Գորիսի կանանց զարգացման ռեսուրս կենտրոն» հիմնադրամի կողմից, որը նպատակ ունի Շինուհայր եւ հարակից համայնքների կանանց համար ստեղծել կայուն եկամտի հնարավորություններ։
«Հյուրերին հետաքրքրում է մաքուր բրդից այլ պարագաներ ստանալու մշակույթը։ Նրանք զգուշությամբ ու մեծ ոգեւորությամբ «բուրդ են գզում սանդերքի վրա»։ Բացի այդ՝ իմանալով, որ բարձերը, ծածկոցները պատրաստված են հենց այդ բրդից, շահագրգիռ են դառնում գնել»,–ընդգծեց կենտրոնի տնօրեն Ռուզաննա Տոռոզյանը։
Փորձելով թանգարանային վայրերին այլ կոլորիտային երանգներ հաղորդել՝ Ակսել Բակունցի տուն—թանգարանի տնօրինությունը զբոսաշրջիկների համար թանգարանի այգում թեյախմություն է կազմակերպում՝ հյուրասիրելով Գորիսի մեղրն ու ընկույզը, ներկայացնում է Գորիսի մշակույթը, թանգարանի պատմությունը եւ այլ ուշագրավ զրույցներ։
Իսկ ակտիվ զբոսաշրջության սիրահարներն արդեն մի քանի տարի է, ինչ ամենագնաց մեքենաներով բարձրանում են Ուխտասար։ Լեռան անվան վերաբերյալ մի քանի վարկածներ կան։ Մի մասը պնդում է, որ լեռն այդպիսի անուն է ստացել, որովհետեւ մարդիկ բարձրանալով լեռան գագաթ՝ զոհեր են մատուցել, երկրպագություններ կատարել։ Իսկ ըստ մյուս վարկածի՝ լեռն Ուղտասար է անվանվել, որովհետեւ գագաթը նման է եղել ուղտի սապատի։ Նաեւ ասում են, որ այդ տարածքով է անցել Մետաքսի ճանապարհը, ու մարդիկ չիմանալով սարի կլիմայական պայմանների մասին՝ ձմռանը փորձել են քարավանով անցնել այդ ճանապարհով, սակայն ուղտերը խեղդվել են խորը ձյան մեջ, ու այդ պատճառով վայրն անվանվել է Ուղտասար։
Այն ծովի մակարդակից բարձր է 3300 մետր։ Լեռան գագաթին կից մի քանի վայրերում խառնարաններ կան։ Այդտեղ է գտնվում նաեւ Ուղտասար անունով լիճը, որտեղ ամռան օրերին լողանում են զբոսաշրջիկները։ Լեռան լանջերին հարյուրավոր կիլոմետրեր ձգվող տարածքով մեկ սփռված են իծագիր փորագրությունները։
«Նման ժայռապատկերներ կարելի է տեսնել Հայաստանի մի շարք այլ վայրերում, օրինակ՝ Ծղուկի շրջակա լեռներում (Մեծ Քարախաչ), Վարդենիսի լեռնաշղթայում, Եղեգիսի աղբյուրների մոտ (Վարդենիս լեռ), Արփայում (Խաչասար), Որոտան գետի կիրճում (Դավագյոզ լեռ) եւ այլուր։ Դրանց բոլորին բնորոշ հատկանիշներն են՝ միեւնույն բարձրությունը ծովի մակերեւույթից (3000–3300 մ), պատկերագրությունը (իկոնոգրաֆիան) եւ տեղանքը, տեղակայվածությունը սառցե լճերի մոտ, որոնք ժամանակին համեմատաբար տաք ջրեր են ունեցել, քան այսօր»,—ընդգծեց զբոսավար Ալլա Երեմյանը։
Լեռ բարձրանալու ճանապարհին են գտնվում նաեւ հրաբխային մի քանի խառնարաններ։ Դրանցից նշանակալի է «Փերիի վարսեր» կամ «Քարե ծով» խառնարանը։ Անունը ստացել է այն պատճառով, որ նմանվում է քարե ծովի կամ ինչպես տեղացիներն են ասում՝ փերիի վարսերի։
Սոնա ՄԿՐՏՉՅԱՆ

02-10-2018





15-12-2018
Մեր երկիրը մերժել է հանձնել հինգ շրջանները
Լուկաշենկոն պատմել է Նիկոլ Փաշինյանից ներողություն խնդրելու մասին



15-12-2018
«Հայերն ինձ մեծ հույս ներշնչեցին մարդ էակի նկատմամբ»
Վիրխինիա Մենդոսան իր համար բացահայտել է զարմանահրաշ երկիր ...


15-12-2018
ԵԱՏՄ երկրները միջազգային բյուրո են ստեղծում
Ավիացիոն պատահարներն ու լուրջ միջադեպերը քննելու համար

Հայաստանի ...


15-12-2018
Հայաստանի ֆինանսական համակարգը գնահատվել է կայուն
ԿԲ-ն այս տարվա համար մոտ 5 տոկոս տնտեսական ...


15-12-2018
Նվիրատվությունների գումարն ավելացել է
Սակայն ավելի կարեւոր էր «Հայաստան» հիմնադրամի նկատմամբ վստահությունը ...


15-12-2018
Կառավարությունը կաջակցի
Վարչապետի պաշտոնակատար Նիկոլ Փաշինյանն ընդունել է Հայաստանում Չեխիայի արտակարգ ...


15-12-2018
Նիկոլ Փաշինյանը հեռախոսազրույց է ունեցել Ջասթին Թրյուդոյի հետ
Վարչապետի պաշտոնակատար Նիկոլ Փաշինյանը հեռախոսազրույց է ունեցել Կանադայի վարչապետ ...



15-12-2018
Մանուկների աչքերով
«Արմենպրեսը», Խնկո Ապոր գրադարանը եւ ...

15-12-2018
Անցյալից զրկված ժողովուրդն ապագա ունենալ չի կարող
Հովհ. Շարամբեյանի անվան ժողովրդական ...

15-12-2018
Երեւանը պաշտոնապես Գինեսի ռեկորդակիր է
Աշխարհի ամենամեծ գաթայի ռեկորդը ...
USD
EURO
RUR
GEL
Եղանակը Երևանում
գիշերը +2... +4
ցերեկը +13... +15

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO