Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.02.2019
ԱՌՈՂՋԱՊԱՀՈՒԹՅՈՒՆ


Շտապօգնության ամբողջ ավտոպարկը վերազինվեց նոր սերնդի մեքենաներով

Չինաստանը միջազգային բարեգործական խոշորագույն ծրագիր իրագործեց Հայաստանում

Վարչապետի պաշտոնակատար Նիկոլ Փաշինյանը եւ տիկին Աննա Հակոբյանը երեկ ներկա են գտնվել Չինաստանի Ժողովրդական Հանրապետության կողմից Հայաստանի Հանրապետությանը նվիրաբերված շտապ բուժօգնության 200 ավտոմեքենայի հանձնման արարողությանը։ Միջոցառմանը ներկա են եղել նաեւ ՀՀ առողջապահության նախարարի պաշտոնակատար Արսեն Թորոսյանը, տրանսպորտի, կապի եւ տեղեկատվական տեխնոլոգիաների նախարարի պաշտոնակատար Հակոբ Արշակյանը, Հայաստանում Չինաստանի արտակարգ եւ լիազոր դեսպան Թիան Էրլունը եւ այլք։
«Առողջապահության ոլորտում համագործակցությունը հայ—չինական համագործակցության կարեւոր մասն է, եւ չինական կողմը կարեւորում է Հայաստանի առողջապահության զարգացումը։ 2011 թվականից Հայաստանին նվիրաբերված շտապօգնության 88 ավտոմեքենաները կարեւոր դերակատարություն ունեցան առողջապահության զարգացման եւ շտապ բուժօգնության ծառայությունը բարելավելու գործում։ Այս ծրագրով այժմ նոր սերնդի շտապ բուժօգնության 200 ավտոմեքենա ենք նվիրաբերում»,–ասել է Չինաստանի դեսպանը։ Նա տեղեկացրել է, որ հայկական շահառու կազմակերպությունների աշխատակիցներին շտապ բուժօգնության մեքենաներն ու դրանցում տեղակայված սարքավորումները ներկայացնելու նպատակով Չինաստանից Հայաստան է ժամանել մասնագետների խումբ։ Արդյունքում, մոտ 350 բժիշկ, բուժքույր եւ վարորդ անցել են մասնագիտական վերապատրաստում։ «Չնայած այն հանգամանքին, որ մեր երկու երկրները հեռու են գտնվում իրարից, մեր ժողովուրդների բարեկամությունը դարերի պատմություն ունի։ Չինաստանի աջակցությունը Հայաստանին իրականացվում է անշահախնդիր։ Համոզված եմ, որ Չինաստանն ու Հայաստանը կշարունակեն համագործակցությունը տարբեր ոլորտներում, եւ հայ—չինական կապերը կլինեն շարունակական ու ամուր»,–ասել է դեսպանը։
Չինաստանի կողմից Հայաստանին տրամադրված շտապօգնության 200 ավտոմեքենայից 65—ը ռեանիմոբիլ է, 135—ը՝ գծային շտապօգնության մեքենա։ Արսեն Թորոսյանը նշել է, որ նվիրաբերված մեքենաները հագեցած են ժամանակակից սարքերով, օժանդակ պարագաներով, ինչն էլ ավելի կհեշտացնի բուժանձնակազմի աշխատանքը՝ միաժամանակ այն դարձնելով ավելի որակյալ եւ արդյունավետ։ «Մեքենաների հագեցվածությունը թույլ կտա անգամ ծանր հիվանդներին տեղում ցուցաբերել բժշկական օգնություն՝ նվազեցնելով մահացության դեպքերը»,–ասել է նախարարի պաշտոնակատարը՝ տեղեկացնելով, որ կառավարության որոշմամբ շտապօգնության մեքենաները բաշխվել են ամբողջ հանրապետությունով մեկ։ 49 մեքենա տրամադրվել է Երեւանի շտապօգնության ընկերությանը, 10 մեքենա՝ Երեւանի բժշկական կենտրոններին, 131—ը՝ մարզերին։
«Ուզում եմ շեշտել, որ Չինաստանի հետ այս համագործակցությունը ոչ թե պարզապես առողջապահական ոլորտին է առնչվում, այլ խոսում է երկկողմ քաղաքական հարաբերությունների բարձր մակարդակի մասին։ Չինացի մեր գործընկերները ավտոմեքենաների տրամադրման գործընթացը կազմակերպել են մեծ պատասխանատվությամբ՝ նախքան մեքենաների բաշխումը վերապատրաստելով բժիշկներին ու բուժքույրերին»,–հավելել է Արսեն Թորոսյանը։
Պատասխանատուները Նիկոլ Փաշինյանին մանրամասն ներկայացրել են շտապ բուժօգնության ավտոմեքենաների հնարավորություններն ու դրանցում առկա տեխնիկական միջոցները։
Լրագրողների հետ ճեպազրույցում «Շտապ բժշկական օգնություն» ծառայության տնօրեն Թագուհի Ստեփանյանն ասել է, որ նվիրատվության շնորհիվ թարմացվել է շտապօգնության ողջ ավտոպարկը։
«Մեքենաներից 49—ը կսպասարկի Երեւանը։ Դրանք բոլորն էլ հագեցած են նորագույն տեխնիկայով, դեֆիբրիլյատորներով»,—ասել է Ստեփանյանը՝ ընդգծելով, որ նոր մեքենաների շնորհիվ կհեշտացվի եւ կարագացվի շտապօգնության աշխատանքը։
«Եթե առաջ սրտի կանգ արձանագրվելու դեպքում պարտադիր անհրաժեշտ էր վերակենդանացման բրիգադ, որը թվով 10—ն էր, ապա այսօր դրա անհրաժեշտությունը չկա։ Նոր մեքենաներից յուրաքանչյուրը կարող է հիվանդին արագ հասցնել բուժհաստատություն»,–նշել է նա։

18-10-2018





20-02-2019
ԵՄ-Հայաստան առեւտրաշրջանառությունն աճել է 19 տոկոսով
Արտահանման դյուրացմանը նպաստել է նաեւ GSP+ համակարգը

Եվրամիության ...


20-02-2019
Պատմական նստաշրջանը անհրաժեշտություն էր
Բաքուն ի զորու չէր կասեցնելու համաժողովրդական շարժումը

Արցախյան ...


20-02-2019
Ներդրողին պետք է հուշել
Թափոնների վերամշակումից մինչեւ արեւային էներգետիկա հնարավորություններ կան

Այս ...


20-02-2019
Թումանյանական շունչն ամենուր է
Գրքերի ցուցահանդես-վաճառք Երեւանի մետրոպոլիտենի «Երիտասարդական» կայարանում

Հայ մեծանուն ...


20-02-2019
«Հեքիաթի դեսպանները»՝ մանուկներին
Մանկապատանեկան գրքի երեւանյան 15—րդ հոբելյանական ցուցահանդես—վաճառքն ավանդույթի համաձայն միտված ...


20-02-2019
«Թումանյանը՝ մեր աչքերով»
Ազգային գրադարանը միջոցառումներով հագեցած տարի կունենա

Հայաստանի ազգային ...


20-02-2019
Շվեյցարիայի դեսպանը՝ ԱԺ-ում
Հայաստանի օրենսդիր մարմնի ղեկավար Արարատ Միրզոյանը երեկ ընդունել է ...



20-02-2019
Հանցագործություն՝ պետական մակարդակով
Բուդապեշտում Գուրգեն Մարգարյանի ...

20-02-2019
Ցուցադրություններ նոր տեխնոլոգիաներով
Մատենադարանը ցուցանմուշները ...

20-02-2019
Ամենայն հայոց բանաստեղծի «այցը» Գանձասար
Արցախում եւս տրվել է թումանյանական ...

 
20-02-2019
ՖԻԴԵ-ն խստացնում է պահանջները
Շախմատի միջազգային ֆեդերացիան վերանայել է ...
USD
EURO
RUR
GEL
Եղանակը Երևանում
գիշերը 0... -2
ցերեկը +2... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO