Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.06.2019
ԵՐԵՎԱՆ


Նորարար եւ օպտիմալ լուծումներ են մշակվում

«Կլիմաթոն Երեւան» հաքաթոնը նվիրված է բնապահպանական եւ էներգետիկ կառավարման բարելավմանը

Երեւանի քաղաքապետարանի աջակցությամբ եւ «Կայուն էներգիայի զարգացման հիմնադրամի» նախաձեռնությամբ մեկնարկել է կլիմայական խնդիրների լուծմանն ուղղված «Կլիմաթոն Երեւան» հաքաթոնը։
Ինչպես տեղեկացրին Երեւանի քաղաքապետարանի տեղեկատվության եւ հասարակայնության հետ կապերի վարչությունից, երկրորդ տարին անընդմեջ անցկացվող ծրագրի նպատակն է մշակել նորարար եւ օպտիմալ լուծումներ՝ բարելավելու քաղաքի բնապահպանական եւ էներգետիկ կառավարումը, որոնք վերջնարդյունքում կնպաստեն քաղաքի օդի մաքրությանը։
Միջոցառման հանդիսավոր բացմանը Երեւանի քաղաքապետարանի աշխատակազմի զարգացման եւ ներդրումային ծրագրերի վարչության պետ Տիգրան Սարգսյանը, կարեւորելով կլիմաթոնի անցկացումը, նշել է, որ բնապահպանական մարտահրավերների մասին գլոբալ հաքաթոնը միաժամանակ անցկացվում է աշխարհի 45 երկրի 104 քաղաքում։ Յուրաքանչյուր քաղաք հաստատում է իր կլիմայական մարտահրավերը, որից հետո մասնակիցները 24 ժամվա ընթացքում մշակում են լուծումներ։
«Վերջին տարիներին Երեւանի քաղաքապետարանը միջազգային տարբեր կառույցների հետ համագործակցությամբ պարբերաբար նախաձեռնում եւ իրականացնում է կլիմայի փոփոխությունները մեղմելուն ուղղված միջոցառումներ։ Այս տարի հաքաթոնին մասնակցում են շուրջ 40 ծրագրավորման եւ տվյալների վերլուծության մեջ հմուտ երիտասարդներ ու պատանիներ, ինժեներներ, երիտասարդ գիտնականներ եւ նորարարներ ու պարզապես կրեատիվ մտածողություն ունեցող մարդիկ»,–նշել է Տիգրան Սարգսյանը։
«Բնակլիմայական խնդիրները միայն քաղաքային իշխանությանը չեն, այլեւ յուրաքանչյուրինը՝ անկախ տարիքային սահմանափակումից, ուստի մեր նպատակն է մեր համաքաղաքացիներին ներգրավել քաղաքի բնապահպանական խնդիրների լուծման գործընթացին։
Եվ պատահական չէ, որ այս տարի հաքաթոնն անցկացվում է «Մաքուր օդ Երեւանին» կարգախոսով։ Վստահ ենք, որ ինչպես նախորդ տարի, այս տարի եւս կլինեն նորարարական հետաքրքիր մտքեր»,–նշել է «Կայուն էներգիայի զարգացման հիմնադրամի» գործադիր տնօրեն Նվեր Ստեփանյանը։
Հրավիրված փորձագետները հաքաթոնի ընթացքում ներկայացրել են քաղաքի էներգետիկ կառավարման, բնապահպանական եւ կլիմայական մարտահրավերներն ու դրանց լուծումների հիմնական ուղղությունները։
Այնուհետեւ մասնակիցները բաժանվել են թիմերի եւ լուծումներ մշակել։ «Կլիմաթոն Երեւանի» արդյունքները կամփոփվեն 24 ժամ անց։ Լավագույն գաղափարների հեղինակները հնարավորություն են ստանալու զարգացնել իրենց առաջարկներն ու դրանք կիրառել մայրաքաղաքում։

27-10-2018





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO