Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.12.2018
ԼՂՀ


Ավելացել է կապիտալ ներդրումների պետական պատվերը

Նախատեսված գումարի չափն այդ մասով աննախադեպ է

Խորհրդարանի վերջերս կայացած նիստում պատգամավորները հավանության արժանացրին քաղաքաշինության նախարարության կապիտալ ներդրումների պետական պատվերը 3 մլրդ 300 մլն դրամով ավելացնելու վերաբերյալ օրենքի նախագծին։
Հատկանշական է, որ ընթացիկ տարվա սկզբին կառավարության որոշմամբ հաստատված կապիտալ ներդրումների պետական պատվերը կազմում է 14 մլրդ 200 մլն դրամ։ Հաշվի առնելով որոշ շինությունների շահագործման առաջնահերթությունները, նախարարության առաջարկությամբ, ծրագիրը երկու անգամ փոփոխության ենթարկվեց եւ նախատեսված գումարը ավելացավ եւս 850 մլն դրամի չափով։ Վերջին փոփոխությունից հետո 2018թ. կապիտալ ներդրումները փաստորեն կկազմեն 18 մլրդ 350 մլն դրամ, ինչը, գերատեսչության ղեկավար Կարեն Շահրամանյանի խոսքով, աննախադեպ է, ու սկսած 2008 թվականից՝ նման չափով կապիտալ ներդրումների ծրագիր կառավարության կողմից չի նախատեսվել։ Ըստ նախարարի՝ «հատկացվող նոր գումարների հաշվին հնարավոր կլինի ավարտին հասցնել կիսատ մնացած մի շարք կարեւոր ծրագրեր եւ լուծում տալ շինարարության բնագավառում առկա հրատապ խնդիրներին»։
Անդրադառնալով պետական բյուջեով տնտեսված գումարներին՝ Կ. Շահրամանյանը օրինաչափ է համարում, որ հարկային մուտքերի հաշվին տարեվերջին ավելացվում է կապիտալ ներդրումների պետական ծրագիրը, քանի որ պատերազմից հետո ոլորտում հսկայական ծավալի աշխատանք է կուտակվել։ Նրա հավաստմամբ, «3 մլրդ 300 մլն գումարն ուղղվելու է տարվա ընթացքում տարաժամկետ վճարման պայմանով բնական աղետների հետեւանքով հասցված վնասների վերացմանը եւ շինարարության ոլորտում կատարվող այլ աշխատանքների դիմաց վճարումներին»։ Ընդ որում, հատկացված գումարի մի զգալի մասը (2 մլրդ 140 մլն դրամ) կօգտագործվի ճանապարհների կառուցման եւ վերանորոգման, մայրաքաղաքի փողոցների բարեկարգման, ինչպես նաեւ առաջնագծում կատարված ինժեներական աշխատանքների ֆինանսավորման նպատակով։
Այդ համատեքստում կարեւորելով Ստեփանակերտի փողոցների բարեկարգման անհրաժեշտությունը, գերատեսչության ղեկավարը նշեց, թե առաջնահերթությունը հաշվի է առնվում՝ նախապես «ձեռքի տակ ունենալով» քաղաքապետարանի կողմից տրամադրված ցուցակները։ Այդ ուղղությամբ վերջին տարիներին մեծածավալ աշխատանքներ են իրականացվել։ Նրա խոսքով, 2019թ. եւս քիչ փողոցներ են ընդգրկված կապիտալ ներդրումների ծրագրում։ Կ. Շահրամանյանը հավելեց, թե քայլեր են ձեռնարկվում 5—6 տարվա ընթացքում մայրաքաղաքի փողոցները (այդ թվում՝ նաեւ ծայրամասային) բարեկարգ դարձնելու համար։
Նախարարը կապիտալ շինարարության պատվերի շրջանակում է դիտարկում եւ բնակավայրերի ջրամատակարարման աշխատանքների ֆինանսավորման խնդիրը։ Այդ նպատակով կծախսվի 150 մլն դրամ։ Ներկայումս հանրապետության մի շարք բնակավայրերում, այդ թվում՝ Մարտունու շրջանի Վարանդա, Հերհեր, Ծովատեղ, Ասկերանի շրջանի Դաշուշեն, Քռասնի, Այգեստան գյուղերում կառավարության եւ «Հայաստան» համահայկական հիմնադրամի համաֆինանսավորմամբ ընթանում են ջրային ցանցի կառուցման աշխատանքները։
Գերատեսչության պատասխանատուն ըստ ոլորտների եւ ուղղությունների մատնանշելով պետբյուջեից կապիտալ ներդրումների պետական պատվերի գումարների ծախսման առաջնահերթությունները, անդրադարձ կատարեց այս տարի ուժեղ քամու եւ կարկտահարման հետեւանքով մայրաքաղաքում առավել տուժած բազմաբնակարան շենքերի եւ առանձնատների տանիքների վերականգնման խնդրին։ Աղետի հետեւանքով հասցված վնասը հիմնականում վերացվել է։ 92 մլն դրամ կտրամադրվի այդ աշխատանքների դիմաց գոյացած պարտավորությունների մարմանը, 100 մլն դրամ էլ կուղղվի «հանրապետությունում՝ պահանջված շինանյութերի տրամադրման ծրագրին»։
260 մլն դրամ գումար է նախատեսվում տրամադրել ճանապարհների բարեկարգման, սպասարկման, սանմաքրման, կանաչապատման, ջրամատակարարման աշխատանքներ իրականացնելու նպատակով։ Առանձնակի ուշադրություն կդարձվի Ստեփանակերտ—Գորիս եւ Մարտակերտ—Վարդենիս ավտոճանապարհի սպասարկմանը՝ հատկապես ձմռան ամիսներին, «հաշվի առնելով որոշ տարածքներում՝ բարդ ռելիեֆի առկայությունը»։
Դավիթ ՄԻՔԱՅԵԼՅԱՆ

14-11-2018





15-12-2018
Մեր երկիրը մերժել է հանձնել հինգ շրջանները
Լուկաշենկոն պատմել է Նիկոլ Փաշինյանից ներողություն խնդրելու մասին



15-12-2018
«Հայերն ինձ մեծ հույս ներշնչեցին մարդ էակի նկատմամբ»
Վիրխինիա Մենդոսան իր համար բացահայտել է զարմանահրաշ երկիր ...


15-12-2018
ԵԱՏՄ երկրները միջազգային բյուրո են ստեղծում
Ավիացիոն պատահարներն ու լուրջ միջադեպերը քննելու համար

Հայաստանի ...


15-12-2018
Հայաստանի ֆինանսական համակարգը գնահատվել է կայուն
ԿԲ-ն այս տարվա համար մոտ 5 տոկոս տնտեսական ...


15-12-2018
Նվիրատվությունների գումարն ավելացել է
Սակայն ավելի կարեւոր էր «Հայաստան» հիմնադրամի նկատմամբ վստահությունը ...


15-12-2018
Կառավարությունը կաջակցի
Վարչապետի պաշտոնակատար Նիկոլ Փաշինյանն ընդունել է Հայաստանում Չեխիայի արտակարգ ...


15-12-2018
Նիկոլ Փաշինյանը հեռախոսազրույց է ունեցել Ջասթին Թրյուդոյի հետ
Վարչապետի պաշտոնակատար Նիկոլ Փաշինյանը հեռախոսազրույց է ունեցել Կանադայի վարչապետ ...



15-12-2018
Մանուկների աչքերով
«Արմենպրեսը», Խնկո Ապոր գրադարանը եւ ...

15-12-2018
Անցյալից զրկված ժողովուրդն ապագա ունենալ չի կարող
Հովհ. Շարամբեյանի անվան ժողովրդական ...

15-12-2018
Երեւանը պաշտոնապես Գինեսի ռեկորդակիր է
Աշխարհի ամենամեծ գաթայի ռեկորդը ...
USD
EURO
RUR
GEL
Եղանակը Երևանում
գիշերը +2... +4
ցերեկը +13... +15

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO