Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.06.2019
ԱՌՈՂՋԱՊԱՀՈՒԹՅՈՒՆ


Եթե արդյունավետություն, ապա ստուգումներ

Ու դրանք կշարունակվեն՝ անկախ սեփականության ձեւից

Որտե՞ղ է պատկերացնում իրեն առողջապահության նախարարի պաշտոնակատար Արսեն Թորոսյանը ընտրություններից հետո։ «Հայաստանի Հանրապետությունում»,—երեկ կառավարության նիստից հետո լրագրողների հետ զրույցում ասաց նա՝ հավելելով, որ նոր կառավարության ձեւավորման ժամանակ այդ հարցին նոր միայն պատասխան կտրվի։
Այնուհետեւ շեշտեց. «Ես պատրաստ եմ ծառայել ՀՀ—ին որեւէ կարգավիճակով»։
Իսկ առողջապահության նախարարի պաշտոնը չի՞ գրավել իրեն այս ընթացքում։ «Ինձ ընդհանրապես պաշտոնները չեն գրավում»,—ասաց նա։ Իր աշխատանքին էլ գնահատական չտվեց՝ օգտվելով իր՝ «համեստ մնալու իրավունքից»։
Կրկին գանք առողջապահական հիմնարկներում չարաշահումների դեպքերին եւ կրկին մեջբերենք նախարարի պաշտոնակատարի խոսքերը. «Նպատակը արդյունավետ կառավարման հիմք դնելն է, ոչ թե ինքնանպատակ չարաշահումներ հայտնաբերելը»։ Ասաց ու հակիրճ խոսեց ստուգումների ընթացքից. «Կարող եմ ասել, թե որոնցում ենք արդեն ստուգումներ անցկացրել՝ օնկոլոգիականում հիմա ենք անում, վնասվածքաբանականում արել ենք, ճառագայթաբանականում հենց հիմա քրեական գործի շրջանակներում արվում է եւ այլն։ Ես միշտ ասել եմ, որ սեփականության ձեւը կապ չունի. եթե պետության կողմից տրված միջոցների արդյունավետությունն ենք ուզում ուսումնասիրել, ապա մենք ուսումնասիրում ենք՝ անկախ սեփականության ձեւից»։
Ստուգումները շարունակվելու են։

Միակները պետական համակարգում կգործեն

Ի միջի այլոց, նկատենք, որ երեկ գործադիրի որոշմամբ «Ֆանարջյանի անվան ուռուցքաբանության ազգային կենտրոն» ՓԲԸ—ն եւ «Ճառագայթային բժշկության ու այրվածքների գիտական կենտրոն» ՓԲԸ—ն հանվեցին 2017—2020 թթ. մասնավորեցման ցանկից։ Երկուսն էլ, ըստ Արսեն Թորոսյանի, պետք է այդ ցանկից հանել։
Առաջինի՝ ուռուցքաբանականի պարագայում պատճառը հետեւյալն է. հաշվի առնելով վերջինիս ծավալները՝ հանրապետությունում օնկոլոգիական հիվանդությունների աճը, ինչպես նաեւ այն հանգամանքը, որ ներկայումս պոտենցիալ ներդրողներ ու կազմակերպությունը ձեռքբերողներ չկան, առավել նպատակահարմար է, որ «նշված պրոֆիլի ու ծավալների կազմակերպությունը գործի պետական համակարգում եւ վերջինիս հնարավոր ու ցանկալի զարգացումները անմիջականորեն համակարգվեն եւ ուղղորդվեն պետության կողմից»։
Երկրորդի՝ «Ճառագայթային բժշկության եւ այրվածքների գիտական կենտրոնի» պարագայում պատճառը հետեւյալն է. այդ կենտրոնը հանրապետական նշանակության գործառույթներ ունի, մասնավորապես այրվածքային եւ ճառագայթային հիվանդություններ ունեցող անձանց բժշկական օգնություն ու սպասարկում տրամադրող միակ մասնագիտական ուղղվածության հիմնարկն է, որտեղ տարեկան բուժվում է շուրջ 550—600 քաղաքացի։ Կենտրոնն իր պրոֆիլով միակն է ՀՀ—ում, ուստի պետք է գործի պետական համակարգում, եւ վերջինիս հնարավոր ու ցանկալի զարգացումները անմիջականորեն համակարգվեն եւ ուղղորդվեն պետության կողմից։
Հարց է ծագում. եթե ներդրողներ լինեն, կմասնավորեցվի՞, թե՞ էլի հաշվի կառնվի միակը լինելու գործոնը։ Դատելով Արսեն Թորոսյանի խոսքերից՝ եթե լինեն էլ, ապա ամբողջովին գուցե չմասնավորեցվի. «Համապատասխան ներդրողների ի հայտ գալու պարագայում, նշված կազմակերպությունների զարգացման հեռանկարներից ելնելով, նախատեսվում է կիրառել «պետություն—մասնավոր ներդրող» համագործակցության ձեւաչափը»։
Վերջում հավելենք խնդրո առարկայի շուրջ փոխվարչապետի պաշտոնակատար Մհեր Գրիգորյանի նկատառումը նիստում. «Խնդիր չկա, հանենք մասնավորեցման ցուցակից, բայց մենք պայմանավորվել էինք, որ եթե հանում ենք, պետք է ծրագիր ներկայացնել այդ ընկերությունների հետագա զարգացման հետ կապված։ Որովհետեւ ժամանակին, երբ որոշվել է ընդգրկել ցուցակում, պատճառն այն է եղել, որ այդ ընկերությունները շատ վատ են կառավարվում»։
Արմենուհի ՄԵԼՔՈՆՅԱՆ

16-11-2018





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO