Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.05.2019
ԼՂՀ


«Իմ սեր, իմ հայրենիք»

Այս խորագիրն է կրում բերդաքաղաքում բացված ցուցահանդեսը

Երեկ Շուշիի կերպարվեստի թանգարանում դարձյալ տոնական տրամադրություն էր։ Իսկ խանդավառվելու առիթը հավաքվածներին, արվեստի սիրահարներին ընձեռել էին Երեւանի Խ. Աբովյանի անվան մանկավարժական համալսարանի կուլտուրայի ֆակուլտետի գեղարվեստական լուսանկարչության բաժնի ուսանողները՝ նախագծի հեղինակ, ՀՀ արվեստի վաստակավոր գործիչ Սամվել Սեւադայի գլխավորությամբ։
Ցուցահանդեսին ներկայացված էր 12 հեղինակի շուրջ 70 աշխատանք։ Ներկա էին ԱՀ մշակույթի, երիտասարդության հարցերի եւ զբոսաշրջության նախարար Լեռնիկ Հովհաննիսյանը, հանրապետության նախագահի խորհրդական, ակադեմիկոս Գրիգորի Գաբրիելյանցը, Երեւանի Խ. Աբովյանի անվան պետական համալսարանի ամբիոնի վարիչ, պրոֆեսոր Ռուբեն Երզնկյանը, Շուշիի Գյուրջյանի անվան կիրառական ինստիտուտի եւ Ա. Խաչատրյանի անվան հումանիտար քոլեջի ուսանողները, Ստեփանակերտի եւ բերդաքաղաքի արվեստասեր հասարակության ներկայացուցիչներ։
Բացման խոսքում Շուշիի պետական թանգարանի տնօրեն, արվեստաբանական գիտությունների թեկնածու Լուսինե Գասպարյանը, արժեւորելով եւ պահանջված համարելով «Իմ սեր, իմ հայրենիք» խորագրով լուսանկարչական ցուցահանդեսում ներկայացված գործերը, ընդգծեց «հեղինակների գեղագիտական ընկալումների թափանցիկությունն ու երեւույթների բազմազանությունը, որոնք տեւական տպավորություն են թողնում այցելուների վրա, նրանց հաղորդակից դարձնելով արարող, երկիրը շենացնող մարդկանց առօրյային, հայրենիքի լուսավոր ներկային ու ապագային»։
Լեռնիկ Հովհաննիսյանը, ողջունելով աբովյանցիների նախաձեռնությունը, համոզմունք հայտնեց, որ «շնորհաշատ ուսանողները՝ ապագա լուսանկարիչները, դատարկաձեռն չեն գնա բերդաքաղաքից եւ անպայման կհավերժացնեն Շուշիի ու նրա շրջակա հարուստ բնաշխարհի եւ պատմական հուշարձանների, հնությունների, աշխատասեր ու ստեղծագործ մարդկանց մասին «պատմող» առավել ուշագրավ դրվագները»։ Նրա խոսքով. «Ցուցադրվող լուսանկարներից յուրաքանչյուրը համահունչ է խորագրին եւ վկայում է ուսանողների սերը հայրենիքի նկատմամբ։ Լուսանկարներ, որոնցում կյանքն է հորդում եւ ամփոփված է երկրի պատմությունը, այստեղ ապրող մարդիկ են՝ իրական գույներով, կենսախինդ ու երազկոտ տրամադրությամբ»։
Շնորհակալություն հայտնելով ջերմ ու ոգեւորիչ խոսքերի համար, նախագծի գեղարվեստական ղեկավար Սամվել Սեւադան վստահեցրեց, որ 2019—ին արցախյան լուսանկարների առավել մեծ «խմբաքանակով» կներկայանան արվեստասերներին։ «Հուզմունքով եւ սրտացավությամբ ենք նախապատրաստվել այս ցուցահանդեսին՝ ձգտելով մեր հնարավորությունների սահմաններում «լուսաբանել» իրական կյանքն ու մարդկային փոխհարաբերությունները, ռեալիստական լուծումներով ներկայացնել մեր կյանքի ինչպես դրական, այնպես էլ բացասական կողմերը։ Իսկ թե այդ ամենը որքանով է հաջողվել մեր համալսարանի ապագա լուսանկարիչներին, թող դատի հանդիսատեսը»,–ասաց Ս. Սեւադան։
Ըստ ծրագրի հեղինակի, իրենք մտադիր են ցուցահանդեսով շրջել Հայաստանում եւ Արցախում։
Դավիթ ՄԻՔԱՅԵԼՅԱՆ
Ստեփանակերտ

17-11-2018





21-05-2019
Անկախ դատական համակարգի կայացումը այլընտրանք չունի
Դրան կարող է նպաստել նաեւ դատավորներին «vetting»-ի ենթարկելը



21-05-2019
Բերձորը միացումի կենտրոնն է
1992 թվականի մայիսի 18–ին ազատագրվեց Լաչին, այժմ Բերձոր քաղաքը։ ...


21-05-2019
Դատավորները համազգեստից դուրս կգա՞ն
Դատական համակարգը առանց ժողովրդի վստահության կշարունակի խոչընդոտել արդարադատությունը



21-05-2019
Հետաքրքրված են տնտեսական կապերի խորացմամբ
Երկկողմ հանդիպումներ Ղազախստանում

Աշխատանքային այցով Ղազախստանում գտնվող Հայաստանի ...


21-05-2019
Քննարկել են կենսաթոշակային բարեփոխումներին վերաբերող հարցեր
Վարչապետ Նիկոլ Փաշինյանը երեկ ընդունել է Հայաստանում գործող 2 ...


21-05-2019
Վարչապետն ընդունել է Հարվարդի համալսարանի Քենեդիի անվան կառավարման դպրոցի ուսանողներին
Վարչապետ Նիկոլ Փաշինյանն ընդունել է Հարվարդի համալսարանի Քենեդիի անվան ...


21-05-2019
Վկայականներ «Փոքրիկ հրեշտակներին»
Մեր եկեղեցու ԱՄՆ Արեւմտյան թեմի շաբաթօրյա դպրոցները ուսումնական տարին ...



21-05-2019
Միջին Արեւելքի զարգացումները վտանգավոր ընթացք են ստանում
ԱՄՆ-Իրան փոխհարաբերություններում վերջին ...

21-05-2019
Հայկական լոլիկի ամերիկյան ցեցը
10 հեկտար փորձադաշտում կամ մենք կհաղթենք, ...

21-05-2019
Գենետիկ կոդի մեջ Նարեկացին մեր այցեքարտն է աշխարհում
Վարդատոն՝ նվիրված տիեզերական ...

 
21-05-2019
Հայաստանը պատրաստվում է միջազգային մրցաշարերի
«Գոլդ ջիմի» գավաթի խաղարկությամբ Հայաստանում ...
USD
EURO
RUR
GEL
Եղանակը Երևանում
գիշերը +14... +16
ցերեկը +27... +29

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO