Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.08.2019
ՄԱՐԶԵՐ


Բուժմիավորումը՝ գործել–չգործելու խնդրի առաջ

Տնօրենը հորդորում է հրաժարվել տարածքը սեփականաշնորհելուց

Գյումրիի թիվ 1 պոլիկլինիկան, որն իրականացնում է բուժսպասարկում շուրջ 17 հազար բնակչի շրջանում, այսօր շենքը պահելու խնդրի առջեւ է հայտնվել։ Այս բուժհաստատությունը առավել հասանելի, բարեկեցիկ ու արդի դառնալու փոխարեն, հնարավոր է նույն տարածքում դադարեցնի գործունեությունը։ Խնդիրն ի՞նչն է։ «ՀՀ»–ն զրուցեց Գյումրու թիվ 1 պոլիկլինիկայի տնօրեն Այվազ Սուքիասյանի հետ։
Պոլիկլինիկայի տարածքը համայնքային է, պոլիկլինիկան այն վարձակալել է Գյումրիի քաղաքապետարանից, որի դիմաց տարեկան 400.000 դրամ է փոխանցում համայնքի բյուջե։ 1000 քառակուսի մետր մակերեսով պոլիկլինիկան 60—ից ավելի սենյակ ունի։ Տնօրենն ասում է՝ պետք չէ նոր շենքի մասին մտածել, եթե քաղաքապետարանը իրենցից վարձավճար չվերցնի, ապա այդ գումարով կկարողանան պոլիկլինիկան վերանորոգել։ Տարեկան վարձավճարը քիչ գումար չէ, եւ կկարողանան առկա խնդիրները լուծել։
Կառույցը, որը կանխարգելիչ բուժսպասարկում է ապահովում, երկու մասնաշենք ունի։ Առաջինը թվագրվում է դեռեւս 1888—ով, երկրորդը՝ 1924—ով։ Շուրջ մեկդարյա պատմություն ունեցող այս բուժհաստատությունը, տնօրենի մատնանշմամբ, եղել է Հայաստանում առաջին բուժմիավորումներից մեկը։ Շենքը վթարային է, սակայն վթարայնության աստիճանը այնուամենայնիվ թույլ է տալիս որակյալ բուժսպասարկում իրականացնել։ Տնօրենը ցավով է պատմում՝ ենթակառուցվածքները հին են, տանիքից կաթում է, պատուհանները վատթար վիճակում են եւ կաթոցներից պատերն են վնասվում, խոնավանում։
Այն գտնվում է քաղաքի սրտում, եւ մի շարք ներդրողներ քանիցս ցանկացել են տարածքը սեփականաշնորհել, սակայն տնօրեն Այվազ Սուքիասյանի մշտական պայքարի արդյունքում շենքը մնացել է կանգուն։ Բազմիցս դիմել են պատկան մարմիններին՝ շենքը կարգի բերելու, նոր գործիքակազմով համալրելու կոչով, սակայն ապարդյուն։ Դժվարությամբ, բայց կարողանում են առկա կադրային ներուժով բնակչության առողջական հոգսը թեթեւացնել։ Ինչպես բոլոր բուժամբուլատորիաներում, այստեղ եւս ամբուլատոր բոլոր ծառայությունները կան՝ ռենտգեն սարքավորումից սկսած մինչեւ ուլտրաձայնային հետազոտություն, սակայն բոլոր սարքավորումները հին են, ստիպված են եղել ռենտգեն ապարատը մի քանի անգամ վերանորոգել, որը թեպետ իր հնամաշությանը, ճշգրիտ է աշխատում։
Աշխատակազմում 66 հոգի են, որքան էլ աշխատանքային պայմանները նպաստավոր չեն, այդուհանդերձ հաստիքացուցակով նախատեսված բոլոր նեղ մասնագետներն ունեն, որոնք, ի դեպ, բոլորն էլ արհեստավարժ են։
Ինչ վերաբերում է դիմելությանը եւ գանգատների գերակշռությանը, ապա, Այվազ Սուքիասյանի տեղեկացմամբ, գերակշռող են սիրտ—անոթային հիվանդություններից, օնկոհիվանդություններից եւ շաքարային դիաբետից բողոքող պացիենտները։ Ցուցաբերվում է ամբողջ ծավալով ամբուլատոր—պոլիկլինիկական բուժօգնություն, ինչպես նաեւ առաջին անհետաձգելի բուժօգնություն, որից հետո մասնագետների կողմից ուղեգրվում են համապատասխան բժշկական կենտրոններ։
Բուժմիավորումը 1924 թվականից տեղակայված է քաղաքի պատմական միջուկում։ Տնօրենն անդրադառնալով նաեւ բուժհիմնարկների մասնավորեցման մասին հաճախ հնչող հայտարարություններին, նեղսրտեց, որ օրը 24 ժամ լարված մթնոլորտում են, թե այսօր մի պոլիկլինիկան կփակեն, մյուս օրը՝ մյուսը։ Ըստ նրա, մասնավոր պոլիկլինիկաների դեպքում միանշանակ տուժելու է հասարակ քաղաքացին, որն անվճարունակ է, կոռուպցիոն ռիսկերն էլ մեծանալու են։ Նա նաեւ ասաց, որ իրենց կատարողականը շատ հաճախ նախատեսվածից ավելին է լինում, սակայն պետական բյուջեի վճարումը կատարվում է անհամաչափ, անհամապատասխանություն է առաջ գալիս, որի պատճառով էլ առաջանում է դեֆիցիտ։
Սակայն այժմ վարձավճարի պարտք է կուտակվել ֆինանսական միջոցների սղության պատճառով։ Տնօրենն առաջարկում է պետական միջոցներով հնարավորության դեպքում մեկ անգամ նորմալ շենքային պայմաններ ապահովել ու սարքավորումներով զինել պոլիկլինիկաները. տեխնիկան բարոյապես, ֆիզիկապես մաշված է։ Ըստ նրա՝ տեխնիկայի դարում այս հարցը անմիջականորեն մարդկանց առողջությանն է առնչվում։
Լուսինե ՆԱԶԱՐՅԱՆ

22-11-2018





01-08-2019
Ինչպե՞ս դառնալ ներդրող
Բնակելի շենքի կառուցապատման գործընթացից կարելի է շահույթ ստանալ ...


01-08-2019
«Աշխարհս առանց իշխանութեան չի կառավարուիր»
Մկրտիչ Ա Վանեցի Ամենայն հայոց կաթողիկոսը (1820–1907) համոզված էր, ...


01-08-2019
Հնարավոր չէ առանց պատժվելու այլասերել բառերը
Թադեւոս ԽԱՉԱՏՐՅԱՆ
t.khachatryan@hhpress.am


Կամյուին կարելի է համարել 20-րդ դարի ...


01-08-2019
Արեւայրուք ստանալ բակում «բուրդ չփխելո՞վ», թե՞ լողափին
Հանգստի ամեն տեսակ էլ կարող է լավագույնը լինել

Թամարա ...


01-08-2019
Թավշյա հեղափոխությունը բացառապես ներքին խնդիր էր
ՀՀ ԱԳ նախարար Զոհրաբ Մնացականյանի հարցազրույցը Մարշալի հիմնադրամին



01-08-2019
Թարմ մսի սպանդանոցային ծագման պահանջ՝ այսօրվանից
Տեսչական մարմինը մշտադիտարկում է սկսում հանրային սննդի կետերում

Արմենուհի ...


01-08-2019
Ժամանակ ու սերունդներ կապող մարդ-մշակույթ էր
ՀՀ ժողովրդական արտիստ, բեմադրիչ Երվանդ Ղազանչյանի վախճանը մեծ ...



01-08-2019
Եղիշե Չարենցը պաշտում էր Արեւելքը
Վաղը բանաստեղծի տուն-թանգարանում կբացվի ...

01-08-2019
Այվազովսկուց մինչեւ Սալվադոր Դալի
Ի՞նչ են սովորում ՀԱՊ-ի ամառային ...

01-08-2019
Արոտների ջրարբիացումից՝ ճանապարհների վերակառուցում
Ի՞նչ խնդիրներ են լուծվում Ամասիա ...

01-08-2019
Մեդալներն արդեն նշմարվում են
Եվրոպայի երիտասարդական առաջնությանը ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO