Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.05.2019
ԶԱՆԱԶԱՆ


Նա կենդանի հանրագիտարան է՝ նստած խոսափողի առջեւ

Այսպես է բնութագրել Ալբերտ Ասատրյանին ֆրանսիական մամուլը

Ալբերտ Ասատրյան անունը այսօր հանրածանոթ է Փարիզի համայն հայությանը, որ հաղորդակից է «ԱՅԲ — FM» ձայնասփյուռին։ Այստեղ նա է հնչեցնում հայերեն հաղորդաշարերը։ Ա. Ասատրյանը մասնագիտությամբ լեզվաբան—մանկավարժ է, թարգմանիչ, հասարակական, մշակութային գործիչ։ Ծնվել է Թբիլիսիում, ավարտել է ԵՊՀ բանասիրական ֆակուլտետի ռոմանագերմանական բաժինը։ 2000–ից տեղափոխվել է Փարիզ։ Փաստորեն, նա արդեն վեց տասնամյակ է՝ ռադիունկնդրի անտեսանելի, բայց հարազատ զրուցակիցն է։
Թբիլիսիում հայկական ռադիոյի խոսնակ հաղորդավար էր 1958— 2000 թվականներին։ «Միաժամանակ աշխատում էի Պետրոս Ադամյանի անվան պետական թատրոնում որպես գրական բաժնի վարիչ եւ ներկայացումներում երաժշտական ձեւավորող. նաեւ՝ զուգահեռաբար դասավանդում էի գերմաներեն եւ անգլերեն հայկական մի շարք դպրոցներում»,–մեզ հետ զրույցում հիշեց նա։ Իսկ ինչպես եղավ, որ տեղափոխվեց Ֆրանսիա։ «Տեղափոխվելս, իհարկե, անսպասելի ստացվեց։ Պատճառն այն էր, որ հայկական ռադիոհաղորդումները փակելու մասին որոշում եղավ։ Դե, ի՞նչ պիտի անեի, իրավիճակը թելադրեց, որ տեղափոխվեցի Ֆրանսիա։ Մտադրությունս էր՝ եթերում հնչեցնել եւ մոռացությունից փրկել հայոց գրականության, թատրոնի, երաժշտարվեստի այն ոսկե գանձերը, որոնցով հարուստ է մեր ողջ մշակույթի պատմությունը։ Պատմություն, որին ծարավ են սփյուռքում ապրող մեր հայրենակիցները»,–ասաց մեր հայրենակիցը։
Հետաքրքրվեցինք, թե ինչ հաճախականությամբ են եթեր տրվում հաղորդումները եւ ինչ բնույթի են դրանք։ «Սփյուռքահայ ունկնդիրների համար շաբաթական երկու անգամ ենք հաղորդումներ տալիս, երեքշաբթի օրը եթերում հնչում է «թատերական ժամը», իսկ հինգշաբթի օրը ձայնասփռվում է գրական երաժշտական «Մարգարիտներ հայ քնարերգության» հաղորդումը։ Այս երկու հաղորդաժամերում եթերում հնչում են մեր պոեզիայի գոհարները՝ անտիկ շրջանից մինչեւ մեր օրերը, այն ստեղծագործությունները, որոնք ժողովրդին հոգեհարազատ են»,–նշեց ռադիոհաղորդավարը։
Նա ընդգծեց, որ ուղիղ եթերում հնչեցվում են թատրոնի, գրականության, երաժշտության, մեծերի կյանքի ու ստեղծագործական գործունեության վերաբերյալ մեկնաբանություններ։ Դրանք դրվագներ են, որոնք օրինակելի են ունկնդրի համար, նրանց մեջ հայրենասիրական զգացմունքներ են արթնացնում, ճիշտ վերաբերմունք դաստիարակում անցյալի նկատմամբ։
Ա. Ասատրյանին մեր օրերում հուզող կարեւոր խնդիրներից է մայրենի լեզվի անաղարտությունը պահպանելը։ Հատկապես հեռուստատեսությունն ու ռադիոն, որ զանգվածային սփռում ունեն, պետք է հետեւեն եթերի լեզվին, հայեցի խոսք հնչեցնեն. «Չէ՞ որ ունեինք մեծն Փափազյանի, Խորեն Աբրահամյանի, Բաբկեն Ներսիսյանի, Սոս Սարգսյանի, Մետաքսյա Սիմոնյանի հայերենը։ Ինչո՞ւ չշարունակել նրանց ավանդները»։
Ճանաչված հաղորդավարը անձնապես մտերիմ է եղել Արամ Խաչատրյանի, Մարտիրոս Սարյանի, Վիլյամ Սարոյանի, Շառլ Ազնավուրի, Ավետիք Իսահակյանի, Գուրգեն Ջանիբեկյանի, Հովհաննես Չեքիջյանի, Դերենիկ Դեմիրճյանի, Հովհաննես Շիրազի, Գոհար Գասպարյանի, Սիլվա Կապուտիկյանի, Գառզուի եւ այլ մեծերի հետ։
«Ալբերտ Ասատրյանը գրականության գործիչներին իրար միացնող մի յուրատեսակ կամուրջ է»,–այսպես է գրել Վիլյամ Սարոյանը։
Գեղանկարիչ Մինաս Ավետիսյանը գրել է. «Նա մեր մշակույթը բարձրացնող գործիչ է»։
Իսկ ֆրանսիական մամուլը գրել է. «Նա կենդանի հանրագիտարան է՝ նստած խոսափողի առջեւ»։
Ա. Ասատրյանը պատիվ է համարում նման խոսքերի արժանանալը՝ համարելով դրանք իր վեց տասնամյակների աշխատանքային կենսագրության կարեւոր գնահատականները։ Ապա հպարտությամբ նշում է, որ հայրենիքում արժանացել է երեք ոսկե մեդալի՝ ՀՀ սփյուռքի նախարարության, ՀՀ մշակույթի նախարարության եւ ՀՀ թատերական գործիչների միության կողմից։ Բացի այդ, Վրաստանի մշակույթի նախարարության կողմից պարգեւատրվել է «Աշխատանքի արիություն» մեդալով եւ պատվոգրով։
Իսկ հայրենիքի հետ կապը պահպանո՞ւմ է, թե՞ ինքն էլ է իրեն արդեն սփյուռքահայ զգում։ Մեր հարցին ի պատասխան նշեց, որ վերջին տարիներին Հայաստանում հաճախակի է լինում, իսկ գալուց անմիջապես հետո էլ այցելում է Կոմիտասի անվան զբոսայգու պանթեոն։
«Պանթեոնում իմ բոլոր—բոլոր մտերիմներն են՝ բացի Կոմիտասից։ Ես յուրաքանչյուրի շիրմին մի ծաղիկ եմ դնում եւ մտովի նրանց հետ խոսում։ Այնքա՜ն բան ունեմ նրանց պատմելու։ Գիտե՞ք, ես խորունկ ցավ եմ ապրում, երբ հիշում եմ Թիֆլիսի Խոջիվանքի գերեզմանատան վայրագ ավերումները… Պոլսի շիրմատանը այցելել եմ Պետրոս Դուրյանի, Կահիրեում՝ Սիրանույշի շիրիմներին եւ ծաղկեփնջեր խոնարհեցրել»,–ասաց նա։
Լուսինե ԹՈՓՈՒԶՅԱՆ

22-11-2018





21-05-2019
Անկախ դատական համակարգի կայացումը այլընտրանք չունի
Դրան կարող է նպաստել նաեւ դատավորներին «vetting»-ի ենթարկելը



21-05-2019
Բերձորը միացումի կենտրոնն է
1992 թվականի մայիսի 18–ին ազատագրվեց Լաչին, այժմ Բերձոր քաղաքը։ ...


21-05-2019
Դատավորները համազգեստից դուրս կգա՞ն
Դատական համակարգը առանց ժողովրդի վստահության կշարունակի խոչընդոտել արդարադատությունը



21-05-2019
Հետաքրքրված են տնտեսական կապերի խորացմամբ
Երկկողմ հանդիպումներ Ղազախստանում

Աշխատանքային այցով Ղազախստանում գտնվող Հայաստանի ...


21-05-2019
Քննարկել են կենսաթոշակային բարեփոխումներին վերաբերող հարցեր
Վարչապետ Նիկոլ Փաշինյանը երեկ ընդունել է Հայաստանում գործող 2 ...


21-05-2019
Վարչապետն ընդունել է Հարվարդի համալսարանի Քենեդիի անվան կառավարման դպրոցի ուսանողներին
Վարչապետ Նիկոլ Փաշինյանն ընդունել է Հարվարդի համալսարանի Քենեդիի անվան ...


21-05-2019
Վկայականներ «Փոքրիկ հրեշտակներին»
Մեր եկեղեցու ԱՄՆ Արեւմտյան թեմի շաբաթօրյա դպրոցները ուսումնական տարին ...



21-05-2019
Միջին Արեւելքի զարգացումները վտանգավոր ընթացք են ստանում
ԱՄՆ-Իրան փոխհարաբերություններում վերջին ...

21-05-2019
Հայկական լոլիկի ամերիկյան ցեցը
10 հեկտար փորձադաշտում կամ մենք կհաղթենք, ...

21-05-2019
Գենետիկ կոդի մեջ Նարեկացին մեր այցեքարտն է աշխարհում
Վարդատոն՝ նվիրված տիեզերական ...

 
21-05-2019
Հայաստանը պատրաստվում է միջազգային մրցաշարերի
«Գոլդ ջիմի» գավաթի խաղարկությամբ Հայաստանում ...
USD
EURO
RUR
GEL
Եղանակը Երևանում
գիշերը +14... +16
ցերեկը +27... +29

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO