Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

21.05.2019
ԱՅԼՔ...


Օրինակելի եւ կայացած

ՄԻՊ-ի փորձը խոշտանգումների կանխարգելման ոլորտում լավագույններից է

Երեկ Երեւանում մեկնարկել է խոշտանգումների կանխարգելման ոլորտում մարդու իրավունքների պաշտպանի 10—ամյա գործունեությանը նվիրված միջազգային երկօրյա համաժողովը։ Միջոցառմանը մասնակցելու համար Հայաստան են ժամանել հյուրեր շուրջ 50 երկրներից ու միջազգային կազմակերպություններից։ «Մարդու իրավունքների պաշտպանը՝ որպես կանխարգելման ազգային մեխանիզմ Մարդու իրավունքների եվրոպական դատարանում երրորդ կողմ է հանդես գալիս ընդդեմ Հայաստանի քննվող գործով, Եվրոպայի խորհրդի նախարարների կոմիտե է ներկայացնում հատուկ դիրքորոշումներ, որոնք ուղղված են Հայաստանի կողմից ՄԻԵԴ վճիռների կատարման անկախ գնահատականներին։ Մենք հատուկ կարծիքներ ենք ներկայացնում Սահմանադրական դատարան, որոնք դարձյալ ուղղված են խոշտանգումների կանխարգելման ոլորտում մարդու իրավունքների պաշտպանությանը»,–համաժողովի բացման ժամանակ նշել է ՀՀ մարդու իրավունքների պաշտպան Արման Թաթոյանը։
Երկօրյա համաժողովը նպատակ ունի ներկայացնել հայաստանյան կանխարգելման ազգային մեխանիզմի տասնամյա գործունեության ձեռքբերումներն ու փորձը, ինչպես նաեւ քննարկել մարտահրավերները, որոնց բախվում են տարբեր երկրների կանխարգելման ազգային մեխանիզմները։ «Անցյալ 10—ամյակի ընթացքում մարդու իրավունքների պաշտպանի համապատասխան ստորաբաժանման աշխատակիցների հետեւողականության եւ նախաձեռնողականության արդյունքում վեր են հանվել ազատությունից զրկման վայրերում առկա մի շարք համակարգային եւ կոնկրետ անձանց վերաբերող խնդիրներ, որոնք իրենց արտացոլումն են ստացել ինչպես մարդու իրավունքների պաշտպանի՝ որպես կանխարգելման ազգային մեխանիզմի տարեկան եւ հատուկ զեկույցներում, այնպես էլ պետական մարմիններին ուղղված նամակներում»,–ելույթում ասել է ՀՀ գլխավոր դատախազ Արթուր Դավթյանը։ Նա բարձր է գնահատել ոլորտում պաշտպանի հետ համագործակցությունը եւ ընդգծել, որ նախորդ տարի որոշ քրեական գործեր հարուցվել են մարդու իրավունքների պաշտպանի՝ որպես կանխարգելման ազգային մեխանիզմի շրջանակում իրականացված մշտադիտարկման արդյունքում հայտնաբերված առերեւույթ հանցագործությունների վերաբերյալ։
ՀՀ արդարադատության նախարարի պաշտոնակատար Արտակ Զեյնալյանը եւս նշել է, որ երկու կառույցների միջեւ ձեւավորվել է կառուցողական եւ մարդակենտրոն գործունեության մթնոլորտ, որի արդյունքում շահում է մարդն ու իրավունքը։
Նախարարի պաշտոնակատարը վերահաստատել է կառավարության կամքը մարդու իրավունքների պաշտպանության արդյունավետ, գործուն քաղաքականության մշակման եւ իրականացման առումով, ինչպես նաեւ հավաստել, որ վատ վերաբերմունքի ցանկացած դրսեւորման կանխարգելումը եւ անպատժելիության դեմ պայքարի ամրապնդումն առաջնահերթություններն են։ Արտակ Զեյնալյանը տեղեկացրել է, որ խոշտանգումների կանխարգելման հիմնահարցի շրջանակում նախատեսվում է մշակել խոշտանգում կատարած անձանց նկատմամբ համաներման, ինչպես նաեւ այդ արարքի անպատժելիությանը հանգեցնող այլ համարժեք միջոցներ կիրառելու արգելք նախատեսող իրավական ակտի նախագիծ, ներդրվելու է հարցաքննությունների տեսաձայնագրման ինստիտուտ, ինչպես նաեւ կատարելագործվելու է խոշտանգումից տուժած անձանց փոխհատուցման կառուցակարգը։
Միջոցառմանը ներկա մարդու իրավունքների նախկին պաշտպան Արմեն Հարությունյանը կարեւորել է, որ Արման Թաթոյանի գործունեությունը Եվրոպայի խորհուրդը օրինակելի է համարում, ինչը խոսում է կառույցի կայացած լինելու մասին։
Միջոցառմանը բացման խոսքով հանդես են եկել նաեւ Երեւանում Եվրոպայի խորհրդի գրասենյակի ղեկավար Նատալյա Վուտովան, Հայաստանում Եվրոպական միության պատվիրակության ղեկավար, դեսպան Պյոտր Սվիտալսկին, ՄԱԿ—ի խոշտանգումների կանխարգելման ենթակոմիտեի Եվրոպայի տարածաշրջանային թիմի ղեկավար տիկին Մարի Ամոսը։
Երկօրյա միջազգային համաժողովը կստեղծի փորձի փոխանակման հարթակ տարբեր երկրներից ժամանած մարդու իրավունքների ազգային հաստատությունների, կանխարգելման ազգային մեխանիզմների, ինչպես նաեւ ոլորտի տեղական եւ միջազգային հեղինակավոր կազմակերպությունների մասնակցությամբ։

29-11-2018





18-05-2019
Շինարարության վերելքն անխուսափելի է
Մեկնարկեց ամենամյա միջազգային մասնագիտացված տարածաշրջանային խոշորագույն ցուցահանդեսը

Քանի ...


18-05-2019
Միասնականները կմեկնարկեն հունիսի 4-ին
Դիմորդների թիվը նախորդ տարվա համեմատ կրկնակի աճել է



18-05-2019
Գինու ակցիզային հարկի նվազեցումից մինչեւ այլ հարկերի կրճատում
Պատգամավորներն օրենսգրքի վերաբերյալ ներկայացնում են առաջարկներ

Հարկային օրենսգրքում ...


18-05-2019
21-րդ դարը հայերի դարն է
Արմեն Սարգսյանը մասնակցել է «Համագործակցության գլոբալ համակարգի փլուզման ...


18-05-2019
«Մինչեւ ընկալումը չփոխվի, ոչ մի բան չի փոխվի»
Կառավարությունում քննարկվել են գերակա ոլորտում ներդրումային ծրագրերին տրվող ...


18-05-2019
Վարչապետը հանդիպում է ունեցել ռուսական առաջատար ԶԼՄ-ների ներկայացուցիչների հետ
Վարչապետ Նիկոլ Փաշինյանը կառավարությունում հանդիպում է ունեցել Հայաստանում գտնվող ...



18-05-2019
Մխիթարյանի շուրջ կրքերը թեժանում են
Հենրիկ Մխիթարյանը, ամենայն ...

18-05-2019
Շուրջ մեկ տարի ընդմիջումից հետո բախումները վերսկսվել են
Երեկ Գերմանիայի, Բելգիայի եւ Քուվեյթի պահանջով ...
USD
EURO
RUR
GEL
Եղանակը Երևանում
գիշերը +14... +16
ցերեկը +27... +29

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO