Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.08.2019
ԿՐԹՈՒԹՅՈՒՆ


Մեկնարկել է «Հմտություններ բիզնեսի համար, բիզնես՝ հմտությունների համար»

Միջազգային համաժողովն իր աշխատանքները շարունակում է նաեւ այսօր

Երեւանում երեկ մեկնարկել է «Հմտություններ բիզնեսի համար, բիզնես՝ հմտությունների համար» մասնագիտական կրթության եւ ուսուցման (ՄԿՈՒ) միջազգային համաժողովը, որը կազմակերպել են ՀՀ կրթության եւ գիտության ու ԳԴՀ տնտեսական համագործակցության եւ զարգացման դաշնային նախարարությունները (BMZ)՝ Գերմանիայի միջազգային համագործակցության ընկերության (ԳՄՀԸ/GIZ) կողմից իրականացվող «Մասնավոր հատվածի զարգացում եւ մասնագիտական կրթություն ու ուսուցում Հարավային Կովկասում» ծրագրի շրջանակում։ Համաժողովին մասնակցել են ՀՀ կրթության եւ գիտության նախարարի տեղակալ Արեւիկ Անափիոսյանը, ՀՀ—ում Գերմանիայի Դաշնային Հանրապետության փոխդեսպան Քլաուս Վենդելբերգերը, Հայաստանի, Գերմանիայի, Ավստրիայի, Նիդերլանդների, Ռուսաստանի, ԱՄՆ—ի հանրային եւ մասնավոր հատվածները ներկայացնող պատվիրակներ եւ խոսնակներ։
Մինչ համաժողովի մեկնարկը հյուրերը ծանոթացել են ՄԿՈՒ հաստատությունների ուսանողների աշխատանքների ցուցադրությանը։
Ողջունելով միջոցառման մասնակիցներին՝ ԿԳ նախարարի տեղակալ Արեւիկ Անափիոսյանը շնորհակալություն է հայտնել ՀՀ—ում Գերմանիայի դեսպանատանը, GIZ կազմակերպությանը եւ ԿԳ նախարարության աշխատակազմին՝ նման կարեւոր եւ ներկայացուցչական միջազգային համաժողով կազմակերպելու համար։ «Շատ տպավորված եմ՝ ներկայացված տաղավարներում ծանոթանալով ուսումնարանների եւ քոլեջների մեր սաների հրաշալի աշխատանքներին, որը մեզ հնարավորություն է տալիս մեկ անգամ եւս հասկանալ, թե որքան կարեւոր է մասնագիտական կրթության եւ ուսուցման ոլորտը մեր կյանքում։ Ուրախ եմ տեղեկացնել, որ ՀՀ կրթության զարգացման ռազմավարությունում նախնական եւ միջին մասնագիտական կրթության ոլորտը մեծ եւ կարեւոր դեր ունի, մասնավորապես, այն ընդգրկված է ռազմավարական ծրագրային հայեցակարգերում, ինչպես նաեւ հենակետային ոլորտ է հանդիսանում միջազգային համագործակցության շրջանակներում։ Վերջին վեց ամսվա ընթացքում, ինչ նոր կառավարությունը ներկայացված է ԿԳ նախարարությունում, տվյալ ոլորտը համակարգող նախարարի տեղակալ Հովհաննես Հովհաննիսյանի եւ նախնական եւ միջին մասնագիտական կրթության վարչության պետ Արտակ Աղբալյանի ջանքերի շնորհիվ գործատուների հետ արդեն կնքվել է երկու համաձայնագիր, որը կրելու է շարունակական բնույթ։ Գործատուների հետ համագործակցության համատեքստում առանձնակի է նաեւ դուալ կրթության ներդրումը, որը շատ կարեւոր է շրջանավարտների գիտելիքների, հմտությունների եւ կարողությունների զարգացման տեսանկյունից։ Այսօր մենք դուալ կրթության ներդրման լավ փորձ ունենք, որը եւս շարունակական է լինելու։ Ավելին, մենք մտածում ենք ՄԿՈւ այս փորձը ինչ—որ ժամանակ տարածել նաեւ բարձրագույն կրթության ոլորտի վրա։ Համաձայն Հայաստանի աշխատաշուկայի վերաբերյալ վերջերս հրապարակված մի հետազոտության՝ աշխատաշուկայում իրենց տեղը չգտած շրջանավարտները պահանջվածից առավել կրթություն ունեն, քան ակնկալում են գործատուները։ Եվ սա մտահոգիչ փաստ է, հետեւաբար մենք կարիք ունենք բարձրացնել ՄԿՈՒ դերը հասարակական ընկալումների մակարդակում, դիմորդներին ուղղորդել դեպի այն մասնագիտությունները, որոնք կարելի է ձեռքբերել նաեւ ՄԿՈՒ ոլորտում։ ԿԳ նախարարությունը կարեւորում է նաեւ ՄԿՈւ զարգացումը՝ ըստ ՀՀ մարզերի զարգացման հնարավորությունների, այսինքն՝ մարզերը տնտեսական զարգացման ինչպիսի պոտենցիալ եւ ուղղվածություն ունեն, որպեսզի այնտեղ զարգացնենք համապատասխան ՄԿՈՒ հաստատություններ եւ մասնագիտություններ»,–նշել է Արեւիկ Անափիոսյանը՝ համաժողովի մասնակիցներին մաղթելով արդյունավետ աշխատանք։
Լիագումար նիստի ընթացքում քննարկվել են մի շարք թեմաներ. դուալ ՄԿՈՒ—ն՝ հանուն կանաչ եւ ներառական տնտեսության, ՄԿՈՒ եւ թվայնացում, ընդհանրական հմտություններ՝ շարունակական կրթության համար եւ ձեռնարկատիրական հմտությունների զարգացում։ Զուգահեռ նիստերի ժամանակ ներկայացվել են շնորհանդեսներ՝ ՀՀ եւ միջազգային փորձագետների, հանրային եւ մասնավոր հատվածի ներկայացուցիչների կողմից։
Համաժողովն իր աշխատանքները կշարունակի նաեւ այսօր։

29-11-2018





01-08-2019
Ինչպե՞ս դառնալ ներդրող
Բնակելի շենքի կառուցապատման գործընթացից կարելի է շահույթ ստանալ ...


01-08-2019
«Աշխարհս առանց իշխանութեան չի կառավարուիր»
Մկրտիչ Ա Վանեցի Ամենայն հայոց կաթողիկոսը (1820–1907) համոզված էր, ...


01-08-2019
Հնարավոր չէ առանց պատժվելու այլասերել բառերը
Թադեւոս ԽԱՉԱՏՐՅԱՆ
t.khachatryan@hhpress.am


Կամյուին կարելի է համարել 20-րդ դարի ...


01-08-2019
Արեւայրուք ստանալ բակում «բուրդ չփխելո՞վ», թե՞ լողափին
Հանգստի ամեն տեսակ էլ կարող է լավագույնը լինել

Թամարա ...


01-08-2019
Թավշյա հեղափոխությունը բացառապես ներքին խնդիր էր
ՀՀ ԱԳ նախարար Զոհրաբ Մնացականյանի հարցազրույցը Մարշալի հիմնադրամին



01-08-2019
Թարմ մսի սպանդանոցային ծագման պահանջ՝ այսօրվանից
Տեսչական մարմինը մշտադիտարկում է սկսում հանրային սննդի կետերում

Արմենուհի ...


01-08-2019
Ժամանակ ու սերունդներ կապող մարդ-մշակույթ էր
ՀՀ ժողովրդական արտիստ, բեմադրիչ Երվանդ Ղազանչյանի վախճանը մեծ ...



01-08-2019
Եղիշե Չարենցը պաշտում էր Արեւելքը
Վաղը բանաստեղծի տուն-թանգարանում կբացվի ...

01-08-2019
Այվազովսկուց մինչեւ Սալվադոր Դալի
Ի՞նչ են սովորում ՀԱՊ-ի ամառային ...

01-08-2019
Արոտների ջրարբիացումից՝ ճանապարհների վերակառուցում
Ի՞նչ խնդիրներ են լուծվում Ամասիա ...

01-08-2019
Մեդալներն արդեն նշմարվում են
Եվրոպայի երիտասարդական առաջնությանը ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO