Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.07.2019
ՀԱՍԱՐԱԿՈՒԹՅՈՒՆ


Գեղեցկությունը տեսնելու հիանալի ընդունակություն ուներ

Մարտին Շահբազյանի ժպիտը միշտ կմնա նրան ճանաչողների հոգում

Իր աշխատանքային գործունեության քառորդ դարը Հայաստանի Հանրապետության վաստակավոր լրագրող, լուսանկարիչ Մարտին Շահբազյանը նվիրեց «Արմենպրես» լրատվական գործակալությանը։ Փորձն ու հմտությունները հետագայում ներդրեց հանրապետության ղեկավարների անձնական լուսանկարչի պատասխանատու պաշտոնում՝ միշտ բարձր գնահատականի արժանանալով պրոֆեսիոնալիզմի ու բանիմացության համար։
Երեկ Նոր Նորքի Ս. Սարգիս եկեղեցում վաստակավոր լուսանկարչի հոգեհանգիստն էր։ Նրան հրաժեշտ տալու համար այստեղ էին հարազատները, գործընկերները, պաշտոնյաներ, տարբեր բնագավառների ներկայացուցիչներ։ Առիթը, ցավոք, տխուր էր, եւ մտերիմներից շատերը պարզապես չէին կարողանում հարկավոր բառերը գտնել։ Ամեն դեպքում արտահայտվողներ եղան։
Զավեն Սարգսյան, լուսանկարիչ, Փարաջանովի տուն—թանգարանի տնօրեն.    
–Հավերժ հիշատակ իրեն։
Կոլեգաներ էինք եւ բնական է, որ նույն կյանքով էինք ապրում։ Մարտինը բնավորությամբ հանգիստ, զուսպ մարդ էր, իր գործում՝ պրոֆեսիոնալ։ Նա ավագ ընկեր էր մեզ համար, որից սովորում էինք։ Լավ օրինակ էր նաեւ երիտասարդների համար եւ պատրաստ օգնելու նրանց։ Նման մարդկանց ներկայությունը կարեւոր է քաղաքում, վարպետի, որը կարող է ուղղություն տալ, թերությունը նշել։ Սա բոլոր մասնագիտությունների համար է կարեւոր, բայց լուսանկարչության դեպքում առավել։ Այսօր բոլորը լուսանկարում են հեռախոսներով, բայց վարպետներ քիչ կան։
Նախկինում լուսանկարիչների մասին չէր խոսվում։ Այսօր մարդիկ սկսել են գնահատել լուսանկարչի դերը։ Փաստագրությունը ստեղծում են լրագրողներն ու լուսանկարիչները։ Ափսոս դեռ չկա այն տեղը՝ լուսանկարչության թանգարանը, որի բացման մասին բոլորս երազել ենք եւ խոսել։ Դա երկրի կոնկրետ ժամանակաշրջանի պատմությունն է։
Վլադիմիր Մարգարյան, շինարարների միության պատվավոր անդամ.
–Վաղուց եմ ճանաչում Մարտինին, հասակակիցներ էինք։ 34—35 տարեկանից ընկերություն ենք արել, շատ բան սովորել միմյանցից։ Նեղություն չէր տալիս ոչ մեկին։ Ինձ համար ծանր էր լսել նրա մահվան բոթը։ Շատ մեծ ցավով ենք հրաժեշտ տալիս նրան։ Ցավակցում եմ ընտանիքին եւ բոլոր ընկերներին։
Հատուկ վերաբերմունք ուներ շինարարների հանդեպ։ Տիկին Մանյան (Մ. Շահբազյանի կինն է–խմբ.) «Երարտշին տրեստի» կադրերի վարչության պետն էր։ Գիտեր մեր դժվարությունները։ Մենք առաջիններից էինք, որոնց ցույց էր տալիս իր լավագույն աշխատանքները։ Շինարարների միության անդամները նույնպես խոր ցավ են ապրում նրա մահվան կապակցությամբ։
Էդիթ Սողոմոնյան, ազգականուհի.
–Յուրահատուկ ճաշակի տեր մարդ էր, գեղեցկությունը տեսնելու հիանալի ընդունակություն ուներ։ Նա կարողանում էր գեղեցիկը տեսնել անգամ այն կադրում, որը մյուսները խոտան էին համարում։ Անվերապահ նվիրված էր իր աշխատանքին։ Եվ այսօր կարող ենք տեսնել նրա անցած ճանապարհը իր տեսախցիկի շնորհիվ։
Ընտանիքին նվիրված անձնավորություն էր։ Թեեւ հիվանդ էր վերջին շրջանում, բայց անտրտունջ էր տանում, երբեք նրան բողոքելիս չենք տեսել։ Գիտեր փոքրի հետ ուրախանալ, անսահման նվիրված էր թոռնիկներին, ծոռներին եւ օգնում էր նրանց անընդհատ նորը բացահայտելու։ Հարազատները գնահատում էին նրա էներգիան, նվիրվածությունը եւ այն, որ իր անձնական կարիքները մի կողմ դրած՝ ժամանակ էր տրամադրում մյուսներին։ Նույնիսկ չեմ կարողանում անցյալով խոսել նրա մասին, որովհետեւ դեռ չենք հավատում, որ այլեւս ողջ չէ։
Շատ հյուրասեր էր, սիրում էր ճոխ հյուրասիրություններ կազմակերպել։ Բոլոր ծննդյան հավաքույթներին, խնջույքներին իր ճամփորդությունների մասին պատմություններ, զավեշտալի իրավիճակներ էր հիշում, ամեն անգամ՝ նորը, եւ անհնար էր նրան չլսել։ Սիրում էր եւ կարողանում էր ուշադրության կենտրոնում լինել։
Լ. Մ.
Լուսանկարը՝ Մարտին ՇԱՀԲԱԶՅԱՆԻ
(«Արմենպրես», արխիվ)

30-11-2018





19-07-2019
Զբոսաշրջության ոլորտը համալիր կարգավորման կարիք ունի
Երկրի գովազդի համար անհրաժեշտ է ավելի մեծ բյուջե

Լուսինե ...


19-07-2019
Ինչն է նպաստում ամռանը ինֆեկցիաների աճին
Այս սեզոնին նպատակահարմար է հրաժարվել կրեմային տորթերից, դրսում ...


19-07-2019
«Ֆորդիզմի» այբուբենը
Ամերիկացի նշանավոր գործարար Հենրի Ֆորդը (1863–1947) հիշվում է ամենից ...


19-07-2019
Առաջնայինը որակն է ու լավ ընդունելությունը
Ի՞նչ իրավիճակ է հայաստանյան զբոսաշրջային ոլորտում

Թամարա ՄՈՒՐԱԴՅԱՆ
t.muradyan@hhpress.am


Ռուս—վրացական ...


19-07-2019
Հյուրընկալվել է ՀՀ նախագահի մոտ
Հանրապետության նախագահ Արմեն Սարգսյանը երեկ հյուրընկալել է մասնավոր այցով ...


19-07-2019
Հանձնել են հավատարմագրերը
Հանրապետության նախագահ Արմեն Սարգսյանին երեկ իր հավատարմագրերն է հանձնել ...


19-07-2019
Նիկոլ Փաշինյանը հյուրընկալել է Գլեդիս Բերեջիկլյանին
Վարչապետ Նիկոլ Փաշինյանը հյուրընկալել է Ավստրալիայի Նոր Հարավային Ուելս ...



19-07-2019
Սուրբ հացը մեր սեղանի, մեր հոգու կանչն է
Թադեւոս ԽԱՉԱՏՐՅԱՆ
t.khachatryan@hhpress.am



19-07-2019
Կայծակից ճաքել է Գանձասարի Ս. Հովհաննես եկեղեցու գմբեթը
Ծածկասալերը 1-1,5 սանտիմետր իրարից հեռացել ...

19-07-2019
Սեւանա լճում լողալն անվտանգ է
Կառավարության նիստում պարզաբանումներ են ...

19-07-2019
Իսկ ինչո՞ւ է այդպես
Շաբաթն առայժմ հաջող չի դասավորվում հայրենի թիմերի ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO