Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.08.2019
ԳԻՏՈՒԹՅՈՒՆ


Տեխնոլոգիական վերելքի հուսալի ճանապարհ

Տեղի է ունեցել «Ինժեներական քաղաքի» հիմնարկեքի արարողությունը

Երեւանի Բագրեւանդի փողոց 21/1 հասցեում դեկտեմբերի 1—ին տեղի ունեցավ «Ինժեներական քաղաքի» հիմնարկեքի պաշտոնական արարողությունը, որին մասնակցեցին ՀՀ առաջին փոխվարչապետի պաշտոնակատար Արարատ Միրզոյանը, տրանսպորտի, կապի եւ տեղեկատվական տեխնոլոգիաների նախարարի պաշտոնակատար Հակոբ Արշակյանը, Ինժեներական ասոցիացիայի խորհրդի նախագահ Արամ Սալաթյանը, Ձեռնարկությունների ինկուբատոր հիմնադրամի (EIF) տնօրեն Բագրատ Ենգիբարյանը, ծրագրի աջակից Համաշխարհային բանկի ներկայացուցիչները։
Արարողությանը ներկա էր նաեւ ՏՏ ոլորտում համաշխարհային ներդրման համար ՀՀ պետական մրցանակի այս տարվա դափնեկիր, «Նեյշնլ Ինսթրումենթս» ընկերության համահիմնադիր Ջեյմս Թրուշարդը, տեղեկացրին ՀՀ տրանսպորտի, կապի եւ տեղեկատվական տեխնոլոգիաների նախարարության լրատվական ծառայությունից։
Առաջին փոխվարչապետի պաշտոնակատարը ողջունեց «Ինժեներական քաղաք» ծրագիրը եւ շնորհավորեց բոլորին մեծ իրադարձության՝ ծրագրի պաշտոնական մեկնարկի կապակցությամբ։ «Ուզում եմ հատուկ շնորհավորել «Նեյշնլ Ինսթրումենթսի» հայաստանյան թիմին եւ անձնապես Արամ Սալաթյանին, ում հետեւողական ջանքերի շնորհիվ ծնվեց միտք, դարձավ ծրագիր եւ հետագայում, տարբեր գերատեսչություններով անցնելով, ի վերջո այսօր կյանքի է կոչվում։
Բարձր տեխնոլոգիաների ոլորտը գլխապտույտ արագությամբ է զարգանում, եւ մենք շահեկան դիրքերում ենք նրանով, որ ԽՍՀՄ—ից ժառանգած լավ դպրոց ունենք այս ոլորտում։ Պիտի առավելագույն ջանքերը գործադրենք, որ կարողանանք տեմպը պահել, եւ ես հավատում եմ, որ համատեղ ուժերով կհաջողենք»,–ասաց Արարատ Միրզոյանը։
Ջեյմս Թրուշարդը նույնպես շնորհավորեց տեխնոլոգիական հանրությանը ծրագրի մեկնարկի առիթով։ «Ինժեներական քաղաքը» Հայաստանի համար հաջորդ քայլն է կառուցելու համաշխարհային մակարդակի բարձր տեխնոլոգիական ենթակառուցվածքներ։ Հայերն արդեն հաջողակ են ոլորտում, եւ սա մեծ հնարավորություն է ավելի արագ անցնելու տեխնոլոգիական վերելքի ճանապարհը»,—նշեց Ջեյմս Թրուշարդը։
Խոսքը ներկաներին ուղղելով՝ Հակոբ Արշակյանն ասաց. «Ինժեներական քաղաք ասելով՝ հասկանում եմ ձեզ՝ պայծառ, խելացի, աշխարհի մակարդակով խնդիրներ լուծող, գիտահետազոտող հայ մասնագետներին։ Առանց այդ մարդկանց, դատարկ շենքերը ոչ ոքի պետք չեն լինելու։ Մնացեք մեր հողի վրա ամուր, շարունակեք աշխատել, եւ պետությունն այդ ճանապարհին ձեր կողքին է կանգնելու»։
EIF տնօրենը, շնորհակալություն հայտնելով Համաշխարհային բանկին ծրագրին աջակցելու համար, նշեց, որ այս ծրագրի հաջողության հանդեպ վստահությունը պայմանավորված է այսօր ինժեներական ոլորտում գրանցված մեծ հաջողություններով։
«Ծրագրի իրականացման արդյունքում կանխատեսվում է 1500 բարձրակարգ մասնագետների պատրաստում եւ վերապատրաստում, 2000 նոր աշխատատեղերի ստեղծում, առնվազն 20 կազմակերպությունների հիմնում»,–մանրամասնեց Բագրատ Ենգիբարյանը։
Կառուցապատման մեկնարկի հուշապարկուճը տեղադրեց առաջին փոխվարչապետի պաշտոնակատար Արարատ Միրզոյանը։
Պաշտոնական արարողությունից հետ դոկտոր Թրուշարդը դասախոսություն կարդաց «Նեյշնլ Ինսթրումենթս Հայաստանի» աշխատակիցների, Երեւանի տարբեր բուհերի ուսանողների համար։ Այնուհետեւ շրջայց կատարեց «Ինժեներական քաղաքի» առաջին բնակիչների՝ «Նեյշնլ Ինսթրումենս Հայաստանի» գրասենյակում։

04-12-2018





01-08-2019
Ինչպե՞ս դառնալ ներդրող
Բնակելի շենքի կառուցապատման գործընթացից կարելի է շահույթ ստանալ ...


01-08-2019
«Աշխարհս առանց իշխանութեան չի կառավարուիր»
Մկրտիչ Ա Վանեցի Ամենայն հայոց կաթողիկոսը (1820–1907) համոզված էր, ...


01-08-2019
Հնարավոր չէ առանց պատժվելու այլասերել բառերը
Թադեւոս ԽԱՉԱՏՐՅԱՆ
t.khachatryan@hhpress.am


Կամյուին կարելի է համարել 20-րդ դարի ...


01-08-2019
Արեւայրուք ստանալ բակում «բուրդ չփխելո՞վ», թե՞ լողափին
Հանգստի ամեն տեսակ էլ կարող է լավագույնը լինել

Թամարա ...


01-08-2019
Թավշյա հեղափոխությունը բացառապես ներքին խնդիր էր
ՀՀ ԱԳ նախարար Զոհրաբ Մնացականյանի հարցազրույցը Մարշալի հիմնադրամին



01-08-2019
Թարմ մսի սպանդանոցային ծագման պահանջ՝ այսօրվանից
Տեսչական մարմինը մշտադիտարկում է սկսում հանրային սննդի կետերում

Արմենուհի ...


01-08-2019
Ժամանակ ու սերունդներ կապող մարդ-մշակույթ էր
ՀՀ ժողովրդական արտիստ, բեմադրիչ Երվանդ Ղազանչյանի վախճանը մեծ ...



01-08-2019
Եղիշե Չարենցը պաշտում էր Արեւելքը
Վաղը բանաստեղծի տուն-թանգարանում կբացվի ...

01-08-2019
Այվազովսկուց մինչեւ Սալվադոր Դալի
Ի՞նչ են սովորում ՀԱՊ-ի ամառային ...

01-08-2019
Արոտների ջրարբիացումից՝ ճանապարհների վերակառուցում
Ի՞նչ խնդիրներ են լուծվում Ամասիա ...

01-08-2019
Մեդալներն արդեն նշմարվում են
Եվրոպայի երիտասարդական առաջնությանը ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO