Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

19.02.2019
ԱՌՈՂՋԱՊԱՀՈՒԹՅՈՒՆ


Բարելավվել են ցուցանիշները

Երեւանում բացվել է ՁԻԱՀ—ի ԿՀԿ հիմնանորոգված նոր լաբորատորիան

Արդեն 30 տարի է, ինչ դեկտեմբերի 1—ը ողջ աշխարհում նշվում է որպես ՁԻԱՀ—ի դեմ պայքարի համաշխարհային օր։ Հայաստանը եւս անմասն չի մնում, եւ օրվա շրջանակներում տեղի են ունեցել բազմաբնույթ միջոցառումներ, որոնց նպատակը խնդրի նկատմամբ հասարակության լայն շերտերի ուշադրությունը հրավիրելը, իրազեկումը եւ կանխարգելման աշխատանքներում նոր կազմակերպություններ, անհատներ ներգրավելն է։
ՁԻԱՀ—ի դեմ պայքարի համաշխարհային օրվա շրջանակներում բացվել է ՁԻԱՀ—ի կանխարգելման հանրապետական կենտրոնի հիմնանորոգված նոր լաբորատոր ենթակառուցվածքը, որին մասնակցել են առողջապահության նախարարի պաշտոնակատար Արսեն Թորոսյանը, ՀՀ—ում Ռուսաստանի Դաշնության արտակարգ եւ լիազոր դեսպան Սերգեյ Կոպիրկինը եւ ՀՀ—ում ՄԱԿ—ի մշտական համակարգող Շոմբի Շարփը։
«Հանրապետությունում եզակի այս կառույցը ՄԻԱՎ վարակի վերջնական լաբորատոր ախտորոշում իրականացնող ռեֆերենս լաբորատորիա է, որտեղ իրականացվում են ՄԻԱՎ վարակով պացիենտների իմունային կարգավիճակի որոշում, ինչպես նաեւ կլինիկալաբորատոր, կենսաքիմիական, ախտորոշիչ եւ բուժման համար անհրաժեշտ մի շարք այլ ցուցանիշների որոշման, նաեւ ուղեկցող վարակների հայտնաբերմանն ուղղված հետազոտություններ»,–ողջունելով միջոցառման մասնակիցներին՝ ասել է Արսեն Թորոսյանը եւ հաջողություն մաղթել անձնակազմին ամենօրյա պատասխանատու աշխատանքում։
Հանրապետությունում 2018 թվականի դեկտեմբերի 1—ի դրությամբ գրանցվել է ՄԻԱՎ վարակի 3300 դեպք, լրագրողների հետ ճեպազրույցում այս մասին ասաց ՁԻԱՀ—ի կանխարգելման հանրապետական կենտրոնի տնօրեն Սամվել Գրիգորյանը։
Նրա խոսքով՝ վերջին տարիներին հանրապետությունում բարելավվել են վարակի հայտնաբերման ցուցանիշները։ «ՄԻԱՎ—ով ապրող մարդկանց հաշվարկային թվից 75 տոկոսն ունի ախտորոշում։ Սա բավական լուրջ ձեռքբերում է, եւ 2020 թվականին մենք այդ թիվը հասցնելու ենք միջազգային ցուցանիշի՝ 90 տոկոսի»,–ասաց նա՝ հավելելով, որ Հայաստանը ՄԻԱՎ—ի հայտնաբերման եւ բուժման արդյունավետության ցուցանիշներով վստահորեն մոտենում է միջազգային ցուցանիշներին։
Գրիգորյանը նշեց, որ ներկայում 1820 ՄԻԱՎ վարակով հիվանդ ՁԻԱՀ—ի կանխարգելման հանրապետական կենտրոնում ստանում է հակառետրովիրուսային բուժում, որն անվճար է։ Կենտրոնում բուժում ստացողներից ավելի քան 20—ը օտարերկրացիներ են։ «Հայաստանը տարածաշրջանի այն եզակի երկրներից է, որը տրամադրում է նման բուժում»,– ասաց կենտրոնի ղեկավարը՝ ընդգծելով, որ ՄԻԱՎ վարակի տարածվածությունը մեծահասակ բնակչության շրջանում 0,2 տոկոս է, որը 4 անգամ ավելի ցածր է միջին տարածաշրջանային ցուցանիշներից։
«Սա պայմանավորված է իրականացվող միջոցառումների արդյունավետությամբ։ Որեւէ խոցելի խմբում ՄԻԱՎ վարակի տարածվածությունը չի գերազանցում 5 տոկոսը, ինչը եւս բացառիկ ցուցանիշ է ետխորհրդային երկրների համեմատ։ Արդեն երրորդ տարին է մենք պահպանում ենք Առողջապահության համաշխարհային կազմակերպության կողմից տրված ՄԻԱՎ—ի վերացումը մորից երեխային փաստող հավաստագիրը։ Երկար տարիներ է, որ մեզ մոտ բացառված է դոնորական արյան միջոցով վարակի փոխանցումը»,–նշեց նա։
ՄԻԱՎ վարակի արձանագրված դեպքերի ընդհանուր կառուցվածքում գերակշռում են արական սեռի ներկայացուցիչները՝ 2288 մարդ, իգական սեռի ներկայացուցիչների մոտ արձանագրվել է վարակի 1012 դեպք։
ՄԻԱՎ վարակի 57 դեպք արձանագրվել է երեխաների մոտ։ ՄԻԱՎ—ով վարակվածների մոտ կեսը ախտորոշման պահին եղել է 25—39 տարիքային խմբում։
ՀՀ—ում ՄԻԱՎ վարակի փոխանցման հիմնական ուղիներն են հետերոսեքսուալ ճանապարհը եւ թմրամիջոցների ներարկային օգտագործման միջոցով վարակումը։

04-12-2018





19-02-2019
Հայաստանը՝ գիտական կենտրոն
ՀՀ նախագահի հանդիպումները Մյունխենում

Աշխատանքային այցով Գերմանիայի Դաշնային ...


19-02-2019
Ես եղել եմ, կա՛մ, կլինեմ հար ու հավետ, ի՛նչ կա որ
Թումանյանը շարունակելու է ապրել ամբողջ հայության համար

Այսօր ...


19-02-2019
Թումանյանը եւ մանուկների աշխարհը
Հովհաննես Թումանյանը հայ դասական մանկագրության անսպառ լուսատուն է, որ ...


19-02-2019
Տիեզերքի Ճամփորդը
Համազգային տոն է այսօր։ Ազգովի հոբելյան ամենամեծի, ամենից ազգայինի, ...


19-02-2019
Ամենահզոր զենքը բանաստեղծական տաղանդն ու գրիչն են
Թումանյանի հասարակական գործունեությունը եւ նրա նկատմամբ քաղաքական հետապնդումները



19-02-2019
Շռայլ նվերի դիմաց՝ էժան փոխհատուցում
Ինչպես ենք մոտակա 2 տարում մեր երկրում պայքարելու ...


19-02-2019
Ծաղկեպսակ՝ բանաստեղծի արձանին
Հ. Թումանյանի ծննդյան 150-ամյակի կապակցությամբ գրողի՝ Ազատության հրապարակում գտնվող ...



19-02-2019
Հայաստանը կարող է դառնալ ժողովրդավարության կղզյակ
Ընտրական օրենսգրքի փոփոխությունների ...

19-02-2019
Բնավորության հիմնարար գիծը ճշմարտասիրությունն էր
Արթուր Մկրտչյանն այսօր կդառնար 60 ...

19-02-2019
Սիրիայում քրդերը հայտնվել են երկընտրանքի առջեւ
Օրերս Սոչիում Սիրիայի հիմնահարցին նվիրված եռակողմ՝ ...

19-02-2019
Երկու ամիս անց այս ցուցանիշները չեն բավարարի
Հայաստանի ծանրամարտի առաջնության արդյունքները ...
USD
EURO
RUR
GEL
Եղանակը Երևանում
գիշերը 0... -2
ցերեկը +2... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO