Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.07.2019
ԱՅԼՔ...


Ընդունե՞լ գույքը որպես նվիրատվություն

Կառավարությունը կսպասի իրավապահ մարմինների եզրակացությանը

Մաքսային ծառայության նախկին ղեկավար Արմեն Ավետիսյանին եւ Երկրապահ կամավորականների միության նախկին նախագահ Մանվել Գրիգորյանին պատկանող գույքի նվիրատվության համար նախ պետք է համապատասխան դիրքորոշում լինի իրավապահ մարմինների կողմից, որից հետո կառավարությունը հանձնարարական կտա, եւ նոր միայն կսկսվի գործընթացը։ Երեկ այս մասին գործադիրի նիստից հետո լրագրողների հետ զրույցում ասաց պետական գույքի կառավարման կոմիտեի նախագահ Նարեկ Բաբայանը։
Այժմ «Գոլդեն փելես» հյուրանոցի (Արմեն Ավետիսյանի գույքը) հետ կապված ընթացակարգն է մշակվում, որից հետո կառավարության որոշման համապատասխան նախագիծ կներկայացվի։ Դրական եզրակացության պարագայում կմտնի կառավարություն եւ կընդունվի նվիրատվություն ընդունելու մասին որոշումը։ Նոտարական ընթացակարգերից հետո մասնավոր հյուրանոցը կհամարվի պետական գույք։
Ն. Բաբայանի խոսքով, երկու անձանց գույքի վերաբերյալ էլ համապատասխան վարույթն իրականացնող իրավապահ մարմնի եզրակացությունը կարեւոր է, քանզի չի բացառվում՝ տվյալ գույքը ապօրինի ճանապարհով է ձեռք բերվել։ Սակայն, մյուս կողմից, ըստ նրա, կառավարությունն ինքն է այդ քաղաքական որոշումը կայացնում՝ հաշվի նստելով կամ չնստելով իրավապահ մարմնի եզրակացության հետ։
Իսկ ժամկետների առումով, ինչպես ասաց բանախոսը, հյուրանոցն ավելի արդյունավետ է նվեր ընդունել հիմա, քան դատական պրոցեսի ավարտին սպասել, որ կարող է մեկ կամ ավելի տարիների հասնել։ Եթե ապօրինաբար է ձեռք բերվել այդ գույքը, ավելի հավանական է, որ բռնագանձվի։
Հյուրանոցը պետգույքի կոմիտե՞ն է կառավարելու։ Հարցին ի պատասխան Նարեկ Բաբայանը համառոտեց. «Ավելի հավանական է, որ կոմիտեի բալանսին գրանցվելուց հետո կարճ ժամանակում հայտարարվի աճուրդ»։
Գուցե հյուրանոցը վնասով է աշխատում։ Եթե պարզվի, որ այդպես է, ապա պետությունը կընդունի՞ այն։ «Ակնհայտ է, որ վնասով աշխատող չէ»,—հնչեց պատասխանը։
Լրագրողներին հետաքրքրում էր, թե ի՞նչ է լինելու այն շենք—շինությունների հետ, որոնք ժամանակին մասնավորեցրել են նախկին պաշտոնյաները եւ հետո թանկ վարձակալության տվել պետությանը։ Նարեկ Բաբայանն այստեղ անդրադարձավ ԱԺ պատգամավոր Արամ Հարությունյանից վարձակալած գույքին։ Եվ նշեց, թե կառավարությունը մտադիր է հրաժարվել դրանից։ Միաժամանակ հստակեցրեց. «Այդ գույքն այնպես չէ, որ պետությանն ավելի թանկ են վարձով տալիս։ Կառավարությունն իր կարիքներից ելնելով՝ ստիպված վարձակալել է։ Հիմա փորձում ենք ամեն ինչ անել, որ այդ վարձակալությունը խզենք եւ պետական գույքի հաշվին այդ կառույցները տեղավորենք։ Այդտեղ գտնվում են ազգային վիճակագրական կոմիտեի ու գանձապետարանի վարձակալած տարածքները։ Ինչ վերաբերում է այդ գործարքներին, դրանք տեղի են ունեցել ավելի վաղ, քան 10 տարի։ Գոյություն ունի վաղեմության ժամկետ»։ Այլ կերպ՝ այդ հարցերով պետք է բացառապես զբաղվեն իրավապահները։ Բայց նույնիսկ իրավապահների զբաղվելու եւ անգամ ինչ—որ բացահայտումներ անելու պարագայում իրավական հետեւանքներ չեն առաջանում։ Եվ այստեղ, ըստ պետգույքի կառավարման կոմիտեի նախագահի, օրենսդրական փոփոխության անհրաժեշտություն կա։ Կամ՝ մեկ այլ տարբերակ. երբ որոշակի բացահայտումների հետեւանքով սեփականատերերը որոշում են նվիրատվության ճանապարհով գնալ։
Անդրադարձ եղավ նաեւ Կարեն Դեմիրճյանի անվան մարզահամերգային համալիրում արձանագրված չարաշահումներին։ Լրագրողները հստակ օրինակներ խնդրեցին։ Նարեկ Բաբայանը ասաց. «Չարաշահման շատ կոնկրետ օրինակը վերաբերում է պահակախմբին։ Մրցույթով շահել են, որ 24 հոգի պետք է աշխատի, բայց փաստացի աշխատում են 15 հոգի, տարբերությունը ամսական շուրջ 1 մլն դրամի մասին է։ Այսինքն՝ վճարվում է այն գործի համար, որն իրականում չի կատարվում, այստեղ մենք ռիսկ տեսնում ենք»։
Համալիրի տնօրենի հետ պայմանագիրը չի երկարաձգվել չարաշահումների պատճառով։ Ինչպես տեղեկացրեց բանախոսը, պայմանագրի ժամկետը չերկարացնելու մասին տնօրենը ծանուցված է եղել դեռ մայիսին։ Ծանուցման մեջ նշված էր, որ տնօրենի պայմանագիրն ավարտվում է, այն չի երկարաձգվելու։ «Որոշումն արդեն պատրաստ էր,–ասաց Նարեկ Բաբայանը,–հրամանը իմ սեղանին էր, որ հուլիսի 1—ին պետք է այն ավարտվեր, ուղղակի, հաշվի առնելով առաջիկայում Ֆրանկոֆոնիայի միջոցառումները, երկարացրել ենք 5 ամսով եւ նորից մեկ ամիս առաջ նրան կրկին ծանուցել ենք, որ պայմանագիրը չի երակարաձգվելու ու անցկացվելու է մրցույթ»։ Ի դեպ, այն հունվարի վերջին կանցկացվի։ Մրցույթը խոստանում են անել «լայն իրազեկմամբ», որպեսզի ծրագրերով հանդես գան բոլոր ցանկացողները։ Ամեն բան կլինի բաց, թափանցիկ ու մրցակցային։ Հնարավոր է՝ միջազգային հայտնի ապրանքանշաններ ունեցող ընկերությունների վաճառվի կամ հանձնվի կառավարման։
Նկատենք նաեւ, որ առայժմ գույքերի գնահատում արված չէ։
Հարց է ծագում՝ էլի՞ կան մարդիկ, ովքեր ուզում են գույք նվիրաբերել պետությանը։ «Մեզ մոտ առայժմ չկան դիմումներ, չի բացառվում, որ դիմումներ կան, բայց ոչ Պետգույքի կոմիտեում»,–ասաց կոմիտեի նախագահը։
Ռիսկեր նաեւ սահադաշտի մասով կան։ Համենայնդեպս, ըստ Բաբայանի, այն մուտքերը, որոնք ցույց են տրվել, իրականությանը չեն համապատասխանում, քանզի վստահաբար ավելի շատ մարդ է օգտվել սահադաշտից։
Արմենուհի ՄԵԼՔՈՆՅԱՆ

07-12-2018





13-07-2019
Կարեւոր ազդակներ Ադրբեջանին ԱՄՆ օրենսդիրներից
Ներկայացուցիչների պալատն ընդունել է հայանպաստ օրենքներ

Լուսինե ՄԽԻԹԱՐՅԱՆ
l.mkhitaryan@hhpress.am


Նախօրեին ...


13-07-2019
Ստամբուլյան կոնվենցիան պաշտոնապես քննարկման առարկա չէ կառավարությունում
Ապրիլյան պատերազմի հարցով ԱԺ հանձնաժողովի եզրակացությունը հանրության համար ...


13-07-2019
«Ամեն մի մարդ ունի կյանքի փիլիսոփայության իր վարքականոնը»
Ջոն Դեւիսոն Ռոքֆելլերը (1839 1937) պատմության մեջ է մտել ...


13-07-2019
«Գիեդանիի պորտը». հարուստի ու աղքատի մշտական հարցը
Լիանա ՍԱՐԳՍՅԱՆ
l.sargsyan@hhpress.am


«Ոսկե ծիրան» 16-րդ միջազգային կինոփառատոնի լիամետրած ֆիլմերի ...


13-07-2019
Հաղթահարելով պատերազմի արհավիրքները
«Լողլողը» ժապավենը երեւանյան մեծ էկրանին է

Լիանա ՍԱՐԳՍՅԱՆ
l.sargsyan@hhpress.am


Լենինգրադ, ...


13-07-2019
«Բժշկական ծառայությունների հասանելիության ապահովումը մեզ համար առաջնահերթություն է»
Վարչապետ Նիկոլ Փաշինյանը շնորհավորել է ԵՊԲՀ շրջանավարտներին

Վարչապետ ...


13-07-2019
Հյուրընկալել է Արմեն Սարգսյանը
Հանրապետության նախագահ Արմեն Սարգսյանը երեկ հյուրընկալել է համաշխարհային ճանաչում ...



13-07-2019
Համամարդկային Չեքիջյանը
Գիտական նստաշրջան՝ նվիրված մաեստրոյի ...

 
13-07-2019
Մշակույթը ճակատագիր է
Հատվածներ Ֆարիդ Զաքարիայի «Ազատության ապագան. ...

13-07-2019
Երեւանում կառուցվում է նոր էլեկտրակայան
Կայացել է կառույցի շինարարական փուլի ...

13-07-2019
Ունենալ տեսլական, ռազմավարություն, գործողությունների ծրագիր. սա է զարգացման ճանապարհը
Նախագահ Արմեն Սարգսյանն ընդունել է ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO