Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.05.2019
ՆԵՐՔԻՆ ԿՅԱՆՔ


Քաղաքական նոր մշակույթ է ձեւավորվում

Թափանցիկ ընտրարշավ՝ հավասար հնարավորություններով

Կայացած ժողովրդավարական երկրներում նախընտրական քաղաքական բանավեճերը ընդունված երեւույթ են։ Մեզանում նույնպես քաղաքական դաշտում հետզհետե արմատավորվում է այն միտքը, որ այդ մշակույթը օրենսդրորեն ամրագրելու ժամանակն է։ «Կարծում եմ՝ նոր «Ընտրական օրենսգրքում» նախընտրական մեծ բանավեճը պետք է ամրագրվի որպես պարտադիր պայման՝ ընտրություններին մասնակցող ուժերի առաջին դեմքերի մակարդակով»,–«Ֆեյսբուքի» իր էջում գրել է ՀՀ վարչապետի պաշտոնակատար Նիկոլ Փաշինյանը։ Նման կարծիքներ են հայտնել նաեւ բանավեճին մասնակից այլ քաղաքական ուժերի առաջնորդներ։
Նախօրեին Հանրային հեռուստատեսության ստուդիայում կազմակերպված բանավեճը՝ ԱԺ արտահերթ ընտրություններին մասնակից բոլոր 11 քաղաքական ուժերի առաջին համարների մասնակցությամբ, դարձավ առաջին ծիծեռնակը քաղաքական նոր մշակույթ որդեգրելու ճանապարհին։ Նրանք հնարավորություն ունեցան ներկայացնելու իրենց մոտեցումները, դիրքորոշումները երկրի ներքին ու արտաքին քաղաքականության, տնտեսական, սոցիալական, կրթամշակությաին խնդիրների վերաբերյալ եւ, ամենակարեւորը, թե ինչ լուծումներ են տեսնում։
Համոզեցին, թե ոչ հեռուստադիտողին, վերջինս ինքը կորոշի։ Բանավեճի վերաբերյալ արդեն հնչել են բազմաթիվ տեսակետներ, առանձնացվել են «հաղթողներն» ու «պարտվողները», սակայն էականն այն է, որ քաղաքական գործընթացները մեր երկրում դառնում են ավելի թափանցիկ, դուրս են բերվում կուլիսային, ներքին պայմանավորվածությունների դաշտից, երբ ընտրողին հնարավորություն է ընձեռվում «գործի մեջ» տեսնելու այն քաղաքական գործիչներին, որոնց ինքը պատրաստվում է վստահել իր ու իր մերձավորների ճակատագիրը առաջիկա հինգ տարիներին։
Սա հույս է ներշնչում, որ մեր երկրում իրոք լավ հիմք է դրվում քաղաքական դիսկուրսի, քաղաքական կյանքը իրապես քաղաքական ու քաղաքագիտական հունով առաջնորդելու եւ, ի վերջո, հասարակական կյանքի բոլոր ոլորտները ինստիտուցիոնալ ռելսերի վրա դնելու համար։
Խորհրդանշական է, որ բանավեճն ավարտվեց փոխադարձ ձեռքսեղմումներով եւ միմյանց հաջողություններ մաղթելով։ Ի վերջո, բոլորի մտահոգության խնդիրն էլ ավելի լավ, ավելի բարեկեցիկ, ավելի զարգացած երկիր ունենալն է։ Իսկ դրա համար ձեւավորվող նոր քաղաքական մշակույթին պետք է համարժեք արձագանքի այս գործընթացի գլխավոր գործող անձը՝ ընտրողը։

07-12-2018





22-05-2019
Փաստաթղթերն ընդունել ամեն օր
Հորդորել է ՀՀ ԿԳ նախարարը դպրոցների տնօրեններին

Երեւանի ...


22-05-2019
Հայաստանն ու բամբակի մշակումը. օգո՞ւտ, թե՞ անհեռատես շռայլություն
Մոտ կես դար հետո կրկին աճեցնում ենք այս ...


22-05-2019
Կառավարությունում քննարկվել են ընտանիքի ապահովության գնահատման համակարգի բարեփոխման հարցեր
Վարչապետ Նիկոլ Փաշինյանի մոտ երեկ քննարկվել են ընտանիքների ապահովության ...



22-05-2019
Հարեւան երկրում ատելության քարոզը շարունակվում է
Հայաստանը կողմ է մարդասիրական ...

22-05-2019
Սպառնո՞ւմ է գույքի օտարումը ազգային ակադեմիային
Պատգամավորը հանդես է եկել օրենսդրական ...

22-05-2019
Մխիթարյանը չի մեկնի Բաքու
Լոնդոնի «Արսենալը» պաշտոնական հայտարարությամբ ...
USD
EURO
RUR
GEL
Եղանակը Երևանում
գիշերը +12... +15
ցերեկը +23... +25

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO