Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.06.2019
ԶԱՆԱԶԱՆ


Կարեւորը տպավորիչ ելույթն է ու արտիստիզմը

Սրբուհի Սարգսյանը վստահ է, որ «Եվրատեսիլ—2019»—ում լավ կներկայացնի մեր երկիրը

Երաժշտական տարբեր նախագծերից հայտնի երիտասարդ երգչուհի Սրբուհի Սարգսյանը կներկայացնի Հայաստանը «Եվրատեսիլ— 2019» երգի միջազգային մրցույթում, որը կանցկացվի մայիսի 14—ին Իսրայելի մայրաքաղաք Թել Ավիվում։
Սրբուհի Սարգսյանը 24 տարեկան է։ Ավարտել է Երեւանի Կոմիտասի անվան պետական կոնսերվատորիայի ջազ—վոկալ բաժինը։ Լայն լսարանը երգչուհուն ճանաչում է «X—Factor» միջազգային երաժշտական հեռուստանախագծից։
Այս տարի «Ուկրաինայի ձայնը» երաժշտական նախագծում երգչուհին զբաղեցրեց չորրորդ հորիզոնականը։
Մրցույթի առիթով զրուցել ենք երգչուհու հետ։
—Ձեզ համար սպասելի՞ էր «Եվրատեսիլ–2019»—ում Հայաստանը ներկայացնելու առաջարկը։ Ոգեւորվա՞ծ եք։
—Հանրային հեռուստաընկերությունից ստացած առաջարկն անակնկալ էր, եւ պետք է նշեմ, որ ինձ այն շատ է ոգեւորել։ Նախորդ մի քանի տարիների ընթացքում անունս շատ էր շրջանառվում եվրատեսիլյան համատեքստում, սակայն պետք է խոստովանեմ, որ չեմ շտապել ինձ «տեսնել» այդ բեմում։
Ես միշտ կարծել եմ, որ ամեն բան իր ճիշտ ժամանակին պետք է լինի։ Ստացվում է, որ ժամանակն է (ժպտում է)։
—Ի՞նչն եք կարեւորում այս մրցույթում՝ արտիստի վոկալային տվյալնե՞րը, կատարո՞ւմը, ե՞րգը, թե՞…
—Ձեր թվարկած ամենը՝ մեկ փաթեթի մեջ, դրան ավելացրած արտիստիզմը, տպավորիչ ելույթը, չկրկնվող բեմադրությունը եւ էլի շատ բաղադրիչներ։ Այս ամենը չի կարելի իրարից բաժանել. ամեն ինչ փոխկապակցված է։
—Սրբուհի, դուք երգում եք տարբեր ոճերում՝ սոուլ, ջազ, փոփ եւ այլն։ Անկախ նրանից, թե ձեզ ինչ երգ կառաջարկեն, հոգու խորքում երաժշտական ո՞ր ժանրի ստեղծագործություն կցանկանաք հնչեցնել եվրատեսիլյան բեմից։
—Երգեցողությանս առավելապես մոտ է սոուլ ժանրը, թեեւ սիրում եմ էքսպերիմենտներ անել։ Կցանկանամ եվրատեսիլյան բեմից հնչեցնել իմ կերպարին համահունչ երգ, որում կարող են լինել տարբեր ժանրերից յուրատիպ տարրեր։
—Մի առիթով նշել եք, որ մրցույթներում հաճախ արդար չեն դատում եւ «կոտրում» են մասնակցին։ Թեեւ հաջողությամբ հանդես եք եկել մի քանի երաժշտական մրցույթներում, այնուամենայնիվ մտավախություններ ունե՞ք։
—Մրցույթն ինքնին անկանխատեսելի երեւույթ է, արդյունքները՝ նույնպես։ Երբեմն դրանք նույնիսկ կարող են «ցավեցնել» արտիստին։ Սակայն ինձ համար միշտ ու առաջին հերթին կարեւոր է երգչի ելույթի որակը, մարդկանց մտքում ու սրտում կատարման թողած տպավորությունն ու հետքը։ Դա է մնայունը, դա է գլխավորը։
—Վաղո՞ւց եք հետեւում «Եվրատեսիլ» երգի միջազգային մրցույթին։ Եղե՞լ են համարներ, որոնք ձեզ շատ են տպավորել։ Եթե այո, կխնդրեի ասել, թե որո՞նք են դրանք եւ ինչո՞ւ են ձեզ դուր եկել։
—«Եվրատեսիլին», կարելի է ասել, ակտիվորեն հետեւում եմ այն ժամանակվանից, երբ Հայաստանը սկսեց մասնակցել մրցույթին։ Ինձ շատ տպավորել է Սալվադոր Սոբրալի ելույթը 2017 թվականին։ Երգն ու կատարումն այնքան երաժշտական էին, որ բեմից բարություն եւ դրական էներգետիկա էր ծորում։ Սիրում եմ նաեւ Լորինի «Euphoria» երգը։ Ինձ դուր էր եկել նրա բեմական պատրաստվածությունը, երգի եւ կերպարի այդչափ համահունչ լինելը։
—Շնորհակալ եմ հարցերին պատասխանելու համար։ Մաղթում եմ հաջողություն եւ վստահ եմ, որ Ձեր էներգիայով «կպայթեցնեք» նաեւ «Եվրատեսիլի» միջազգային բեմը։
—Շատ շնորհակալ եմ ջերմ խոսքերի համար։ Հավատացեք՝ բոլոր մաղթանքներն ու ջերմ խոսքերն աննկարագրելի ոգեւորում են ինձ։
Անժելա ՀԱՄԲԱՐՁՈՒՄՅԱՆ

11-12-2018





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO