Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.05.2019
ԿՐԹՈՒԹՅՈՒՆ


Լուծումը՝ միայն օրենքի շրջանակներում

ՀՀ վարչապետի պաշտոնակատարն այցելել է Չարենցավանի թիվ 3 դպրոց

Չարենցավանի թիվ 3 դպրոցում արդեն տասը օր շարունակվում է դասադուլը՝ աշակերտները դասի չեն գնում։ Դպրոցի տնօրենի ընտրություններից հետո ծնողների եւ աշակերտների մի մասը պահանջում են պաշտոնում վերականգնել դպրոցի նախկին տնօրենին՝ Լուսինե Կարապետյանին։
ՀՀ վարչապետի պաշտոնակատար Նիկոլ Փաշինյանը երեկ այցելել է Չարենցավան՝ տեղում պարզելու, թե ինչու են դասադուլ հայտարարել թիվ 3 հիմնական դպրոցում։ Ն. Փաշինյանը դեռ նախընտրական քարոզարշավի ընթացքում ծնողներին խոստացել էր, որ կզբաղվի այս խնդրով։
Դպրոցի աշակերտների ծնողները պնդում են, որ նոր տնօրենի ընտրությունը կատարվել է խախտումներով։ Խորհուրդը, որն ընտրել է տնօրենին, եղել է ուղղորդված։
Փաշինյանը շուրջ մեկ ժամ տեւողությամբ հանդիպում է ունեցել նախկին եւ ներկա տնօրենների հետ։ Կողմերին լսելուց հետո վարչապետի պաշտոնակատարը հայտարարել է, որ ինքը չի կարող օրենք խախտել եւ կամայական որոշումներ ընդունել, հետեւաբար, ըստ Փաշինյանի, հարցի լուծման միակ տարբերակն է, որ նախկին տնօրենը փորձի դատարանով վերականգնել իր իրավունքները։
Այնուհետեւ քննարկման մասին հաղորդագրություն է տարածել ՀՀ կրթության եւ գիտության նախարարի պաշտոնակատար Արայիկ Հարությունյանը ֆեյսբուքյան էջում.
«1. Նախընտրական փուլում՝ հանրահավաքներից մեկի ժամանակ մի խումբ քաղաքացիներ դիմել էին վարչապետին Չարենցավանի 3—րդ դպրոցի հարցով։ Այդ հանդիպման ժամանակ Փաշինյանն ասել էր, որ ընտրություններից հետո կայցելի Չարենցավան։
2. Այս համատեղ այցը կարեւոր է նրանով, որ ուղիղ եթերում պետությունը, նրա ինստիտուտների ներկայացուցիչները հստակ հայտարարեցին, որ չեն կարող տուրք տալ հուզականությանը եւ հարցերը լուծել օրենքից դուրս։ Նման իրավիճակներ եղել են նաեւ մի քանի այլ համայնքում, եւ սույն հայտարարություններով մենք արձանագրեցինք մեր գործողությունների շրջանակը, որից չենք կարող դուրս գալ։
3. Արձանագրվեց, որ երկու գերատեսչություններ՝ Կոտայքի մարզպետարանը ու կրթության եւ գիտության նախարարություններն այս ընթացքում գործել են օրենքին եւ կարգերին համապատասխան։ Արձանագրվեց նաեւ, որ իրավական տեսակետից նոր տնօրենի ընտրությունն անցել է օրենքին համապատասխան։ Բողոքող կողմերից եւ որեւէ մեկը մրցույթի անցկացման իրավական կողմի վերաբերյալ բողոքներ չուներ։
4. Նշվեց նաեւ, որ կան բողոքներ, որ թե ընտրությունից առաջ եւ թե դրանից հետո եղել են ճնշումներ։ Սույն փաստերով կզբաղվեն իրավապահները։
5. Ակնհայտ է, որ աշակերտների կրթության իրավունքը պետք է պաշտպանվի, եւ դպրոցում վերականգնվի կարգ ու կանոնը։ Չարենցավանի 3—րդ հիմնական դպրոցում մրցույթի արդյունքում ընտրված տնօրենն այսօր մարզպետի որոշմամբ կնշանակվի իր պաշտոնում»։

13-12-2018





22-05-2019
Փաստաթղթերն ընդունել ամեն օր
Հորդորել է ՀՀ ԿԳ նախարարը դպրոցների տնօրեններին

Երեւանի ...


22-05-2019
Հայաստանն ու բամբակի մշակումը. օգո՞ւտ, թե՞ անհեռատես շռայլություն
Մոտ կես դար հետո կրկին աճեցնում ենք այս ...


22-05-2019
Կառավարությունում քննարկվել են ընտանիքի ապահովության գնահատման համակարգի բարեփոխման հարցեր
Վարչապետ Նիկոլ Փաշինյանի մոտ երեկ քննարկվել են ընտանիքների ապահովության ...



22-05-2019
Հարեւան երկրում ատելության քարոզը շարունակվում է
Հայաստանը կողմ է մարդասիրական ...

22-05-2019
Սպառնո՞ւմ է գույքի օտարումը ազգային ակադեմիային
Պատգամավորը հանդես է եկել օրենսդրական ...

22-05-2019
Մխիթարյանը չի մեկնի Բաքու
Լոնդոնի «Արսենալը» պաշտոնական հայտարարությամբ ...
USD
EURO
RUR
GEL
Եղանակը Երևանում
գիշերը +12... +15
ցերեկը +23... +25

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO