Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.06.2019
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Հայ-ռուսական հարաբերություններում խնդիր չկա

Իսկ ղարաբաղյան հիմնահարցի լուծումը դեռեւս չի նշմարվում

«Արտաքին քաղաքական խնդիրներ. հայ—ռուսական հարաբերություններ» թեմայով քննարկմանը երեկ հրավիրված էին Մարդկային զարգացման միջազգային կենտրոնի ղեկավար Թեւան Պողոսյանը եւ քաղաքագետ, միջազգայնագետ Սուրեն Սարգսյանը։
«Պետք է ուսումնասիրել Ռուսաստանում աշխատող պետական ինստիտուտները, որ հասկանալի լինի, թե ում հետ ենք գործընկերություն անում»,–ասաց Թ. Պողոսյանը։
Նրա խոսքով, գուցե ՌԴ—ում վերջնական որոշողը մեկ մարդ է, բայց առնվազն այդ մարդը ստանում է տեղեկատվություն տարբեր աղբյուրներից եւ պետք է կարողանալ բոլոր աղբյուրների հետ հավասար աշխատել. «Այսօր գտնվելով տեղեկատվական պատերազմի դարում, ունենք բացթողումներ։ Պետք է կարողանանք կարգավորել։ Ունեցել ենք փոփոխություններ, բայց մի բան պետք է գիտակցենք, որ եթե ճիշտ ձեւով չբացատրենք փոփոխությունները, ինձ թվում է միշտ էլ լինելու են անհասկացողության խնդիրներ»։
Նրա խոսքով, բանակցություններով կարելի է հասնել ամեն ինչի, պետք է գնալ, ներկայացնել, խոսել, բանակցել, օգտագործել բոլոր մեխանիզմները։
Այս առումով, Թ. Պողոսյանի կարծիքով, Վ. Պուտինն անկեղծ էր ասում, որ հայ—ռուսական հարաբերություններում պրոբլեմ չկա. «Չմոռանանք, որ միայն մեր շահերից չի բխում Ռուսաստանի հետ ռազմավարական գործընկերությունը, այլեւ Ռուսաստանի»։
Սուրեն Սարգսյանը կարծում է, որ մեծ հաշվով հայ—ռուսական հարաբերություններին ոչինչ չի սպառնում, բայց այս ընթացքում ականատես են եղել, որ գոնե միջին օղակներում կամ իշխանության երկրորդ էշելոնում կան որոշակի խնդիրներ. «Այդ խնդիրները շարունակական աշխատանքի եւ լուծման կարիք ունեն։ Եթե այդ խնդիրների մասին հայկական կողմը չի բարձրաձայնում, ռուսական կողմը պարբերաբար տարբեր ձեւաչափերով բարձրաձայնում է։ Եթե առաջին դեմքերի միջեւ կա փոխըմբռնում, ընկալում, վստահություն, մի փոքր ավելի ներքեւ, տարբեր ուղղություններով վստահության բացակայություն կա հայ գործընկերների նկատմամբ։ Այս ուղղությամբ պետք է աշխատի վարչապետը, որպեսզի իր թիմակիցները նույնպես Ռուսաստանում կարողանան այնպես գործել, ինչպես ինքն է գործում՝ ազատ, անկաշկանդ մթնոլորտում շփվեն, հանդիպեն»։
Քաղաքագետը վստահ է, որ Հայաստանում Վաշինգտոնն ընդհանրապես միջամտություն չունի, ամերիկյան քաղաքականությունն այս տարածաշրջանում ընդհանրապես շատ պասիվ է. «Չեմ կարծում, որ ԱՄՆ—ն Հայաստանում ինչ— որ ակտիվ գործողություններ է իրականացնում, որը կարող է Ռուսաստանին նյարդայնացնել»։
Ինչ վերաբերում է գազի գնի փոփոխությանը, Ս. Սարգսյանը կարծում է, որ գազի գնի փոփոխություն տեղի է ունենալու. «Եթե նախորդ տարիներին նայենք, թե ինչպես էր տեղի ունենում այդ գործընթացը, սովորաբար, Հայաստանի համար գազի գինը թանկանում էր ձմռան սեզոնից հետո, թանկացումից առաջ Հայաստանի ղեկավարները գնում էին Մոսկվա, որոշում էր կայացվում 2–3 ամսով հետաձգել գազի թանկացումը։ Չեմ բացառում, որ սա կրկնվող սցենար է. վարչապետը մի քանի օրից կմեկնի Մոսկվա, կհանդիպի Վլադիմիր Պուտինի հետ»։
Թեւան Պողոսյանը նշեց, որ պետք է սովորել նաեւ նախկինում եղած պրակտիկայից. «Գիտեինք, որ պայմանագիրն ավարտվելու է։ Հասկանալի է, որ դիմացինն ինչ—որ առաջարկ է անում։ Առաջարկը կլինի՝ նույնն ենք շարունակում, բարձրացնում ենք կամ իջեցնում։ Երեք առաջարկն էլ ունեն հիմք՝ առաջարկվող կողմի շահերն են։ Մենք ունենք մեր շահերը։ Հիմա գնալու են բանակցություններ, բանակցություններ են շահերի շուրջ»։
Խոսելով ղարաբաղյան հիմնախնդրի կարգավորման  մասին՝ Թեւան Պողոսյանը ասաց, որ որեւէ նոր բան չկա. «Պատերազմը չի ավարտվել։ Պատերազմի ակտիվ ռազմական փուլերից մի կողմ ենք անցել, տեղեկատվական պատերազմի վրա ենք ավելի մեծ շեշտը դրել»։
Քանի դեռ մի քիչ ավելի հանգիստ ու հանդարտ է առաջնագծում, սահմանի վրա, այս ժամանակահատվածը պետք է օգտագործել պատրաստվելու հաջորդ հնարավոր սցենարների զարգացմանը։
«Ադրբեջանը եթե նույնիսկ առաջնագծում չի անում դիվերսիա, դիպուկահարների կրակոցներ, միգուցե մենք այնպես ենք նախապատրաստել մեր իրավիճակը, որ հաջողությունների չի հասնում, չի էլ ուզում ստանա փոքրիկ անհաջողությունների դաշտ։ Բայց արդյոք դադարել է իր ինժեներական աշխատանքները, զենք գնելը, արդյոք դադարել է հայտարարություններ անելը, որ մեկ է՝ ամեն ինչ վերցնելու ենք։ Որեւէ բան չի փոխվել, չեմ հիշում, որ ասված լինի՝ այսօր տեղի է ունենալու բանակցություններ։ Հանդիպումների մակարդակ են ասում, բայց դեռ բանակցային գործընթացում առաջընթաց չկա։ Հակառակը՝ դիրքերի մասին են ավելի շատ խոսում»,–ասաց Թ. Պողոսյանը։
Սուրեն Սարգսյանը չի կարծում, որ 2019 թվականին ինչ—որ խնդիր է կարգավորվելու, կամ ինչ—որ հարց է լուծվելու. «Բանակցային գործընթացում որեւէ լուրջ փոփոխություն, շոշափելի փոփոխություն տեղի չի ունենա։ Կողմերի մոտեցումներն ու պատկերացումները չափազանց տարբեր են, բոլորիս համար պարզ է չէ, որ մի բան մեզ համար ընդունելի է, իրենց համար ընդունելի չէ»։
Նրա կարծիքով, խաղաղ բանակցային գործընթացը կշարունակվի, բայց այս գործընթացում լուծում տեսնելը գոնե այս դրությամբ չափազանց դժվար է. «Ադրբեջանի արկածախնդրությունը կրկնվելու միտում ունի։ Չեմ բացառում, որ ապրիլյան դեպքերի նման ինչ—որ մի բան նորից նախաձեռնվի Ադրբեջանի կողմից։ Եթե գործ ունես ոչ ադեկվատ, անկանխատեսելի հարեւանի հետ, որը ցանկացած ժամանակ կարող է դիվերսիոն գործողության հրաման տալ, որը կարող է լինել մեծամասշտաբ, փոքրամասշտաբ, բնական է, որ պետք է միշտ պատրաստ լինես պատերազմի, եթե խաղաղություն ես ուզում»։
Վ. Մ.

22-12-2018





26-06-2019
Հայաստանը յուրաքանչյուր հայի հայրենիքը պիտի դառնա գործնականում
Հարցազրույց սփյուռքի գործերի գլխավոր հանձնակատար Զարեհ Սինանյանի հետ



26-06-2019
Պոլսո հայոց պատրիարքի ընտրություններին ընդառաջ
Թեկնածուն թուրքական իշխանությունների համար ընդունելի պետք է լինի

Թամարա ...


26-06-2019
Վիճակը նետված է վաղուց
Ողջ ազգը սեւեռվում է վիճակի վրա

Թադեւոս ԽԱՉԱՏՐՅԱՆ
t.khachatryan@hhpress.am

Մեկ-մեկ ...


26-06-2019
Այսուհետ գործելու ենք փոփոխված հարկային օրենսգրքով
Մինչեւ աշնանային նստաշրջան օրենսդիրը կներկայացնի նոր փոփոխություններ

Լուսինե ՄԽԻԹԱՐՅԱՆ
l.mkhitaryan@hhpress.am




26-06-2019
Դիվանագիտական խողովակներով կհստակեցվեն Մակրոնի՝ Հայաստան պետական այցի ժամկետները
Հարցազրույց Ֆրանսիայում ՀՀ դեսպան Հասմիկ Տոլմաջյանի հետ

Ֆրանսիայի ...


26-06-2019
Հենրիկ Բաբախանյան
Կար ժամանակ, երբ ես տարիքով կրտսեր էի իրենցից. հիմա ...


26-06-2019
Հայերը գնահատում են գիտությունն ու կրթությունը
Հանրապետության նախագահ Արմեն Սարգսյանն առաջարկել է գիտության ու ...



26-06-2019
«Խաղաղության ամենամեծ բրդուճը» կպատրաստվի Ենոքավանում
Տեղի կունենա ամենամյա «ՀայԲույս» ...

26-06-2019
Պարտադիր չէ՝ բոլորը երաժիշտ դառնան
Մայրաքաղաքի ու մարզերի երաժշտական ու ...

26-06-2019
Նոր սահմանափակումները՝ ընդդեմ կառավարման ողջ համակարգի
Էմմա ԲԵԳԻՋԱՆՅԱՆ
e.begijanyan@hhpress.am



26-06-2019
Հայաստանի ֆուտբոլի ընտրանու հաղթաթուղթը
Հարձակվող Գեւորգ Ղազարյանի կարծիքով, դա ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO