Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.03.2019
ԵՐԵՎԱՆ


Հաստատվել է Երեւանի 2019թ. բյուջեն

Հավանության է արժանացել նաեւ մայրաքաղաքի հաջորդ տարվա զարգացման ծրագիրը

Երեկվա նիստում Երեւանի ավագանին թեժ քննարկումներից եւ քննադատություններից հետո հաստատել է Երեւան քաղաքի 2019 թվականի բյուջեն, որով նախատեսվում են 83 մլրդ 77 մլն 572.0 հազ. դրամ եկամուտներ, 84 մլրդ 346 մլն 812.0 հազ. դրամ ծախսեր, դեֆիցիտը՝ (պակասուրդը) 1 մլն 269.240 հազ. դրամ։ Երեւանի 2019 թվականի բյուջեի նախագիծն ընդունվել է ձայների 38 կողմ, 5 դեմ եւ 3 ձեռնպահ հարաբերակցությամբ։
Երեւանի ավագանին կողմ է քվեարկել նաեւ մայրաքաղաքի 2019 թվականի զարգացման ծրագրին։
Երեւանի քաղաքապետի տեղակալ Հայկ Սարգսյանն ասել է, որ ինչպես Երեւանի զարգացման 2019—2023 թվականների հնգամյա ծրագրում, այնպես էլ մեկնարկային 2019 թվականի զարգացման ծրագրում Երեւանի քաղաքապետարանի գործունեության, ծրագրերի մշակման եւ իրականացման ուղենիշ լինելու է թափանցիկության եւ բնակչությանը լիարժեք հաշվետու լինելու ապահովումը, մարդու իրավունքների, հանրային տարածքների, շրջակա միջավայրի եւ պատմամշակութային ժառանգության պաշտպանության գերակա սկզբունքներով որոշումների կայացումը, քաղաքի մասնակցային կառավարման մշակույթի ձեւավորումը, քաղաքի կառավարման ներառականության ապահովումը, իրավահավասար ու ներդաշնակ համակեցության մշակույթի հանրահռչակումն ու ձեւավորումը։
Ավելի վաղ ավագանին հավանություն է տվել օրենքի մի շարք նախագծերի։
Երեւան համայնքում տեղական տուրքերի դրույքաչափեր սահմանելու մասին որոշման նախագծի համաձայն՝ Երեւանում տեղական տուրքերը հիմնականում պահպանվել են՝ բացառությամբ մի քանիսի։ Մասնավորապես, օրացուցային տարվա համար տեղական տուրքը կբարձրանա առեւտրի, հանրային uննդի, զվարճանքի, շահումով խաղերի եւ վիճակախաղերի կազմակերպման oբյեկտներին, խաղատներին եւ շոգեբաղնիքներին կեսգիշերից հետո աշխատելու թույլտվության համար։
Անդրադառնալով տեղական տուրքերի դրույքաչափեր սահմանելու մասին հարցին՝ քաղաքապետ Հայկ Մարությանը նշել է, որ տարեկան մինչեւ 58,3 մլն դրամ շրջանառություն ունեցող բիզնեսի համար Երեւան համայնքում տեղական տուրքերը 2019 թվականին չեն բարձրանա։
«Որոշ տուրքեր այս նախագծով բարձրանում են, բայց քանի որ մեր քաղաքականությունն է՝ աջակցել փոքր ու միջին բիզնեսին, ուստի ես առաջարկում եմ հունվարի 15—ին արտահերթ նիստ ունենանք եւ այդտեղ սահմանենք բացառություններ փոքր ու միջին բիզնեսի համար։ Այն է՝ մինչեւ 58,3 մլն դրամ տարեկան շրջանառություն ունեցող բոլոր կազմակերպությունները կազատվեն այս բարձրացումներից։ Այսինքն՝ կառաջնորդվեն հին տուրքերով։ Ճիշտ է, մենք նիստը կանենք հունվարի 15—ին կամ 20—ին, բայց այդ որոշումը կգործի հունվարի 1—ից»,–նշել է քաղաքապետը։
Ավագանին հաստատել է նաեւ Երեւան համայնքում տեղական վճարների 2019 թվականի դրույքաչափերը, որով նախատեսվում է բարձրացնել երաժշտական եւ արվեստի դպրոցների ծառայությունների վճարները։ Անդրադառնալով որոշման նախագծին՝ քաղաքապետ Հայկ Մարությանը հայտարարել է, որ այս փոփոխության նպատակը երաժշտական դպրոցներում դասաժամերն ավելացնելն է, որն էլ կբարձրացնի ուսուցման որակը, ինչպես նաեւ ուսուցիչների աշխատավարձերը։ Մատուցվող ծառայությունների վճարների բարձրացումն, ի դեպ, որեւէ բեռ չի ավելացնի քաղաքացիների վրա, այն կփոխհատուցվի Երեւան համայնքի միջոցներով։ Նշվել է նաեւ, որ տեղական վճարի արժեհաշվարկի հիմք է հանդիսացել ՀՀ կրթության եւ գիտության նախարարի համապատասխան հրամանը։
Օրակարգի մեկ այլ հարցով Երեւանի ավագանին հավանություն է տվել նաեւ 2019 թվականին տեղական վճարների գծով արտոնություններ սահմանելու մասին որոշման նախագծին։
Երեւանի քաղաքապետի տեղակալը տեղեկացրել է, որ մինչ ավագանու հաստատմանը ներկայացնելը 2019թ. ծրագրերի, բյուջեի, տեղական տուրքերի ու վճարների դրույքաչափերի, ինչպես նաեւ արտոնությունների մասին ավագանու որոշման նախագծերը ներկայացվել են հանրային քննարկման։

26-12-2018





26-03-2019
Կարեւոր է մաքրելը, սակայն ավելի կարեւոր է չաղտոտելը
Տեղի ունեցավ այս տարվա առաջին համապետական շաբաթօրյակը

Նախքան ...


26-03-2019
Մեր մասնակցությունը չպետք է լինի միջնորդավորված
Հայոց ցեղասպանության ճանաչումը վերաբերում է հայ-ամերիկյան հարաբերություններին

Ալաբամայի ...


26-03-2019
Մարդկության դեմ ուղղված հանցագործությունները չպետք է մոռացվեն
Արգենտինայում Հայոց ցեղասպանության թանգարանի կառուցման համար միջոցներ կհավաքագրվեն



26-03-2019
Միացավ Պետոյին ու բոլոր հերոսներին
Մարտի 22-ին Քաշաթաղի շրջանի Տիգրանավանի Պետրոս Ղեւոնդյանի անվ. միջն. ...


26-03-2019
Անցումային շրջանից դեպի թռիչք
Աշխարհի լավագույն փորձագետները կլինեն մեզ մոտ

Կարճ ժամանակ ...


26-03-2019
Երազանքները կատարվում են
Հանրապետության նախագահ Արմեն Սարգսյանը երեկ հյուրընկալել է Հայաստանի ֆուտբոլի ...


26-03-2019
ՀՀ նախագահը հանդիպել է Լիլիթ Մակունցի հետ
Հանրապետության նախագահ Արմեն Սարգսյանը նախաձեռնել է հանդիպումների շարք Ազգային ...



26-03-2019
Սնանկության կառավարիչը կգա Հայաստան
«Հյուսիս-հարավ». իսպանական ...

26-03-2019
Գոլանի բարձունքների հարցը
Լուծումը հնարավոր է միայն «ջուր՝ ...

26-03-2019
Կովսականում հնչեց Կոմիտաս
Սփյուռքի հեղինակավոր կազմակերպություններից մեկի՝ ...

26-03-2019
Պակասեց ճկունությունն ու հաշվենկատությունը
Ֆուտբոլի Հայաստանի ազգային հավաքականը իր ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO