Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.06.2019
ՄԱՅՐ ԱԹՈՌ


Սուրբ Ստեփանոսի տոնին կատարվեց սարկավագական ձեռնադրություն

Երեկ Հայաստանյայց առաքելական ս. եկեղեցին նշեց Սուրբ Ստեփանոս Նախավկայի եւ առաջին մարտիրոսի հիշատակության օրը, որը նաեւ եկեղեցու անդաստանում ծառայող սարկավագների տոնն է, հայտնում են Մայր Աթոռ Ս. Էջմիածնի տեղեկատվական համակարգից։
Այս առիթով Երեւանի Ս. Գրիգոր Լուսավորիչ մայր եկեղեցում մատուցվեց սուրբ եւ անմահ պատարագ։ Պատարագիչն էր Մայր Աթոռ Ս. Էջմիածնի լուսարարապետ գերաշնորհ տ. Հովնան եպիսկոպոս Հակոբյանը։ Ավանդության համաձայն՝ ս. պատարագի արարողության ընթացքում կատարվեց նաեւ սարկավագական ձեռնադրություն։
Նախօրեի երեկոյան Մայր Աթոռի Սրբոց Հրեշտակապետաց եկեղեցում Գեւորգյան հոգեւոր ճեմարանի Բ լսարանի 14 ու քահանայից պատրաստության Բ լսարանի 3 սաներ ստացան դպրության աստիճան, ճեմարանի Դ լսարանի 11 եւ քահանայից պատրաստության լսարանի 2 սաներ ուրարակրության աստիճան, իսկ Գեւորգյան հոգեւոր ճեմարանի Ե եւ Զ լսարանի 29 ու քահանայից պատրաստության լսարանն ավարտած 6 սաներ՝ կիսասարկավագության աստիճան։
Այս տարի Ս. Ստեփանոսի տոնի առիթով, Ն.Ս.Օ.Տ.Տ. Գարեգին Երկրորդ Ծայրագույն պատրիարք եւ Ամենայն հայոց կաթողիկոսի օրհնությամբ, Հովնան սրբազանի ձեռամբ սարկավագական ձեռնադրության արժանացան Գեւորգյան հոգեւոր ճեմարանի եւ քահանայից պատրաստության լսարանի 35 սաներ։
Արարողության ընթացքում սրբազան հայրը ձեռնադրության սուրբ խորհրդի ավարտին անդրադարձավ սուրբ Ստեփանոսի կերպարին ու նահատակությանը, ապա խոսեց սարկավագության խորհրդի մասին։
«Սիրելի սարկավագ եղբայրներ, հոգեւոր աստիճանը դա փառքի աստիճան չէ, հոգեւոր աստիճանը ինչքեր կուտակելու աստիճան չէ, հոգեւոր աստիճանը հպարտության աստիճան չէ, այլ խոնարհության, ծառայության եւ նվիրումի աստիճան է։
Սարկավագություն արեք, ծառայություն մատուցեք հավատացյալների մեջ, ծառայություն բերեք անհավատների շարքերում՝ նրանց եկեղեցի բերելով, ծերանոցներ այցելեք, բանտարկյալներին, հիվանդներին այցելեք եւ ընդհանրապես՝ ծառայություն մատուցեք բոլոր նրանց, ովքեր ունեն դրա կարիքը։
Եվ ահա այս գիտակցությամբ եկեք այս պահին ուխտենք, որ մեր կյանքը բոլորանվեր կերպով պետք է ծառայեցնենք Հայաստանյայց առաքելական սուրբ եկեղեցուն եւ նրա աստվածադիր կանոններին»,–նորընծաներին պատգամեց Հովնան եպիսկոպոսը։
Սրբազանը ձեռնադրության առիթով շնորհավորեց Մայր Աթոռ Սուրբ Էջմիածնի ողջ միաբանությանը՝ Ամենայն հայոց հայրապետի գլխավորությամբ, ինչպես նաեւ Գեւորգյան հոգեւոր ճեմարանի տեսչությանը, նորաթուխ սարկավագների ծնողներին ու հարազատներին։
Ս. պատարագի ավարտին եկեղեցականաց դասը եւ ներկա բարեպաշտ ժողովուրդը հնարավորություն ունեցան նաեւ համբուրելու տոնի առիթով մայր տաճարի ավանդատուն—թանգարանից Երեւանի Ս. Գրիգոր Լուսավորիչ մայր եկեղեցի բերված ս. Ստեփանոսի մասունքով աջը եւ ստանալու նրանից բխող օրհնությունը։
Պատարագից հետո նորընծաներին եւ Մայր Աթոռի միաբան սարկավագներին ընդունեց Նորին սրբություն Գարեգին Բ Վեհափառ հայրապետը՝ ուղեկցությամբ գերաշնորհ տ. Հովնան եպիսկոպոս Հակոբյանի եւ Գեւորգյան հոգեւոր ճեմարանի տեսուչ հոգեշնորհ տ. Գարեգին վարդապետ Համբարձումյանի։
Սարկավագաց դասը Նորին սրբությանը ողջունեց «Ստեփանոս, քաղցրիկ տատրակ» տաղի երգեցողությամբ, ապա միասնական Տերունական աղոթքից հետո Ամենայն հայոց կաթողիկոսը նրանց փոխանցեց իր հայրական պատգամն ու օրհնությունը։
Նորին սրբությունը, շնորհավորելով նորաթուխ սարկավագներին ձեռնադրության կապակցությամբ, նշեց, որ նրանց առջեւ նոր հորիզոններ են բացվում իրագործելու Հայ եկեղեցու անդաստանում նվիրյալ եւ անձնդիր ծառայության իրենց տեսիլքը։ Վեհափառ հայրապետը գոհունակությամբ արձանագրեց, որ Մայր Աթոռի տարբեր կառույցներում եւ թեմերում սպասավորող սարկավագներն իրենց նվիրյալ ծառայությամբ նպաստում են Հայ եկեղեցու պայծառությանն ու սրբազան առաքելության արդյունավորմանը։ Հայոց հովվապետը հորդորեց սարկավագաց դասին իրենց վարքագծով եւ անձնվեր ծառայասիրությամբ հավելել Հայոց եկեղեցու պատիվն ու համբավը՝ մաղթելով, որ Աստծո ողորմությամբ արժանանան նաեւ քահանայական կոչմանը եւ իբրեւ օծյալ եկեղեցականներ իրենց սպասավորությունը բերեն տարբեր համայնքներում։
Վերջում Ամենայն հայոց կաթողիկոսը հայցեց Սուրբ Հոգու առաջնորդությունը նրանց համար, որպեսզի նրանց կյանքն իմաստավորվի բարի եւ օրհնյալ գործերով։

26-12-2018





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO