Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.06.2019
ԿԱՌԱՎԱՐՈՒԹՅՈՒՆ


Համագործակցություն երկկողմ ու բազմակողմ ձեւաչափով

Մոսկվայում Փաշինյանն ու Պուտինը քննարկել են երկկողմ օրակարգին վերաբերող հարցեր

ՀՀ վարչապետի պաշտոնակատար Նիկոլ Փաշինյանը երեկ Ռուսաստանի Դաշնություն աշխատանքային այցի շրջանակում Մոսկվայում հանդիպում է ունեցել ՌԴ նախագահ Վլադիմիր Պուտինի հետ։
Զրուցակիցները քննարկել են Հայաստանի եւ Ռուսաստանի միջեւ երկկողմ ու բազմակողմ ձեւաչափով համագործակցության օրակարգին վերաբերող հարցեր։
Ողջունելով Նիկոլ Փաշինյանին՝ ՌԴ նախագահ Վլադիմիր Պուտինը նշել է. «Հարգելի Նիկոլ Վովայի,
Հարգելի բարեկամներ,
Շատ ուրախ ենք տեսնել Ձեզ Մոսկվայում։ Սա Ձեր առաջին այցն է ընտրություններում համոզիչ հաղթանակից հետո, Ձեր եւ Ձեր կողմնակիցների հաղթանակից հետո։ Ցանկանում եմ Ձեզ մաղթել հաջողություններ, բոլոր ծրագրերի իրականացում, որ դրել էիք Ձեր առջեւ, Ձեր թիմի առջեւ ի բարօրություն Հայաստանի եւ հայ ժողովրդի։
Մեր հարաբերությունները բնութագրման կարիք չունեն։ Դրանք իսկապես դաշնակցային հարաբերություններ են՝ բավական մեծ բովանդակությամբ լեցուն։ Բավական է նշել, որ մենք վստահորեն պահպանում ենք առաջին տեղն օտարերկրյա պետությունների շարքում Հայաստանի հետ տնտեսական համագործակցության ոլորտում. Ռուսաստանին բաժին է ընկնում 25.5 տոկոսը։ 2000—ից ավելի ձեռնարկություն է աշխատում, 2200 ձեռնարկություն։ Աճում է ապրանքաշրջանառությունը. նախորդ տարի այն աճել է գրեթե 30 տոկոսով՝ 29.7 տոկոսով։ Այս տարվա 10 ամսվա կտրվածքով այն ավելացել է գրեթե 18 տոկոսով՝ 17.5 տոկոսով։
Կարծում եմ՝ դինամիկան լավն է, պետք է այն պահպանել։ Մենք պատրաստ ենք մեր կողմից դա անել։ Կանենք այն ամենը, ինչ կախված է մեզնից, որպեսզի հարաբերությունների այսպիսի մակարդակը մեզ մոտ պահպանվի եւ ոչ միայն այս ոլորտում, այլեւ մյուս ուղղություններով։ Նկատի ունեմ նաեւ անվտանգության ապահովման ոլորտը, ՀԱՊԿ շրջանակում համագործակցությունը, Եվրասիական տնտեսական միության շրջանակում բազմակողմ տնտեսական համագործակցությունը։ Մի խոսքով՝ մենք շատ հարուստ, հագեցած օրակարգ ունենք։ Շատ ուրախ ենք Ձեզ տեսնել։ Բարի գալուստ»։
ՀՀ վարչապետի պաշտոնակատար Նիկոլ Փաշինյանն իր խոսքում նշել է. «Շնորհակալ եմ, հարգելի Վլադիմիր Վլադիմիրի։ Շնորհակալ եմ հրավերի համար։
Ես էլ եմ շատ ուրախ տեսնել Ձեզ, տեսնել մեր գործընկերներին։ Ես արդեն կորցրել եմ հաշիվը, թե սա մեր որերորդ հանդիպումն է։ Բայց օդանավակայանում արարողակարգի աշխատակիցներն ինձ հուշեցին, որ ես Ռուսաստանի Դաշնություն ամենահաճախ այցելող օտարերկրյա ղեկավարներից եմ, ավելի կոնկրետ՝ ես ղեկավարների եռյակում եմ։ Վստահ եմ, կարծում եմ՝ դա ընդգծում է մեր առանձնահատուկ ռազմավարական հարաբերությունների համատեքստը։ Վստահ եմ, որ մեր հարաբերությունների այսպիսի դինամիկան կպահպանվի։ Հույս ունեմ, որ նաեւ կզարգանա։ Իհարկե, մենք մյուս տարի սպասում ենք Ձեզ պաշտոնական այցով Հայաստանում։ Դա մեզ համար շատ ուրախալի կլինի։
Իհարկե, մեր քաղաքական եւ տնտեսական հարաբերություններն զարգանում են։ Ուրախալի է տեսնել, որ աճում է ռուսաստանցի զբոսաշրջիկների հետաքրքրությունը, մասնավորապես, Հայաստանի նկատմամբ. ռուսաստանյան ԶԼՄ—ներում հրապարակում կար, որ ամանորյա սեզոնին Հայաստանը ռուսաստանցի զբոսաշրջիկների ամենահայտնի ուղղությունն է, եւ նախորդ տարվա համեմատ զբոսաշրջիկների հոսքը կաճի 70 տոկոսով։ Դա առնվազն նշանակում է, որ մարդիկ ոչ միայն հետաքրքրված են, այլեւ Հայաստանում ռուսաստանցի զբոսաշրջիկներին շատ լավ են ընդունում, նրանք իրենց շատ լավ են զգում, եւ դա ընդգծում է մեր հարաբերությունների խորությունը։ Դրանք ոչ միայն քաղաքական, տնտեսական, այլեւ մարդկային հարաբերություններ են, մշակութային հարաբերություններ են, եւ վստահ եմ, որ այդ բոլոր հարաբերությունները կզարգանան։
Վերջերս Հայաստանում անցկացվեցին արտահերթ խորհրդարանական ընտրություններ։ Շատ ուրախ եմ, որ այդ ընտրություններն անցան օրենքին համապատասխան, դրանք ազատ ընտրություններ էին։ Շատ ուրախ եմ, որ դա արձանագրեցին նաեւ միջազգային դիտորդները, այդ թվում նաեւ՝ Ռուսաստանի Դաշնությունից դիտորդները. բավական շատ դիտորդներ էին մասնակցում այդ ընտրություններին։
Մենք մտադիր ենք զարգացնել մեր հարաբերությունները բոլոր ուղղություններով։ Վստահ եմ, որ նորընտիր խորհրդարանը կզարգացնի նաեւ մեր միջխորհրդարանական հարաբերությունները։ Մենք դրական ենք տրամադրված նաեւ մեր տնտեսական հետագա հարաբերությունների առումով։
Մենք հետաքրքրված ենք Եվրասիական տնտեսական միության շրջանակում ինտեգրացիայի հետագա խորացմամբ եւ մենք շատ լուրջ ենք վերաբերվում Եվրասիական տնտեսական միությունում մեր նախագահությանը։ Վստահ եմ, որ մեր նախագահության արդյունքում կունենանք ավելի արդյունավետ ինտեգրում ԵԱՏՄ շրջանակում։
Վստահ եմ, որ այսօրվա քննարկումների համար բավական մեծ օրակարգ ունենք եւ մենք դրական ենք տրամադրված։ Վստահ եմ՝ դրական արդյունքներ կունենանք»։

28-12-2018





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO