Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.06.2019
ԱՅԼՔ...


Ինչու են բողոքում միջազգային բեռնափոխադրողները

Կողմերը պարզաբանումներ են ներկայացրել

Միջազգային բեռնափոխադրողները կառավարության շենքի առջեւ երեկ բողոքի ակցիա էին անում՝ սահմանված հարկատեսակների վերանայում պահանջելով։ Նրանք տարակուսած էին՝ ինչպես կարելի է հարկային բեռն ավելացնել 3—4 անգամ (2.5 անգամ,—Ա.Մ.)։
Համապատասխան փոփոխությունը դեռ նախորդ իշխանությունների օրոք է արվել, 2018–ից էլ ուժի մեջ է մտել։ Հետաքրքիր է՝ ինչո՞ւ են ուշացած բողոքում։ Երբ հարցս ուղղեցի բողոքավորներին, նրանցից մեկը թե՝ «հիմա է փող տալու ժամանակը» (տարեկան տուրքի մասին է խոսքը,—Ա.Մ.)։ Փոխադրողները ինձ հետ զրույցում ասում էին, թե նախկինում հաստատագրված գումար էին մուծում՝ ամսական 15 հազար դրամ։ Հիմա դարձել է տարեկան գումար՝ 450 հազար։ Եվ սա այն պարագայում, երբ հիմնական ճանապարհներից Վերին Լարսը տարվա կեսը փակ է։
Նկատենք, որ բողոքի ակցիայի մասնակիցներն ասացին, որ դեռեւս ոչ ոք չի մուծել 450 հազարը։ Փոփոխությունների ակնկալիք ունեն։
Մասնակիցներն այլ տվյալներն էլ ասացին. այսպես, իրենց հաստատագրված վճարումը 75—80 հազար դրամ էր կազմում, այժմ արդեն 240—250 հազար դրամի հասնող հարկերն են, դրան էլ ավելացրած ճանապարհային հարկը՝ տարեկան 450 հազար դրամ։ Այս դեպքում արդեն թանկացումը 3—4 անգամից մի բան էլ ավելին է։
Նրանց մոտեցավ տրանսպորտի, կապի եւ տեղեկատվական տեխնոլոգիաների նախարարի պաշտոնակատար Հակոբ Արշակյանը։ Նա խոստացավ անձամբ քննարկում նախաձեռնել։ Պայմանավորվեցին հունվարին հանդիպել, քննարկել ու լուծում գտնել։
Նույնիսկ այսքանից հետո բողոքավորները չհանգստացան։ Նրանք պնդում էին, որ եթե իրենց հարցին լուծում չտրվի, նրանք կկանգնեն, երկիրը կաթվածահար վիճակում կհայտնվի։
Փորձեցինք խնդրի շուրջ գործադիրի նիստից հետո խոսել նաեւ ՊԵԿ նախագահ Դավիթ Անանյանի հետ։ Չնայած ՊԵԿ—ը սրա հետ կապ չունի։ Քաղաքականությունը՝ օրենսդրությունը ֆինանսների նախարարությունն է մշակում, ՊԵԿ—ը պարզապես իրականացնողն է՝ այլ կերպ՝ գումար հավաքողը։ Այնուամենայնիվ, Դավիթ Անանյանը պատրաստակամ էր լրագրողների հետ զրուցելու։ «Պարտավորությունների հետ կապված, թե ինչքան է վիճահարույց այս կամ այն վարչական ակտը, դա այլ հարց է։ Բայց մենք քիչ առաջ ֆինանսների նախարարի եւ տրանսպորտի նախարարի հետ պայմանավորվեցինք, որ մեր հարկ վճարողների ահազանգը կամ մտահոգությունները հունվարի առաջին աշխատանքային օրերին քննարկման առարկա կդարձնենք, որոշում կկայացնենք եւ առաջիկա հարկային օրենսգրքի փոփոխությունների փաթեթում հավանականությունը կգնահատենք, թե ինչ փոփոխություններով կարող են անել»,–եզրափակեց Դավիթ Անանյանը։

Ամբողջ ծավալով՝ բայց ստվերի հաշվին

Ճի՞շտ են շրջանառվող այն լուրերը, որ վարչապետը բյուջեն ամեն գնով լցնելու պահանջ է դրել ՊԵԿ—ի առջեւ։ ՊԵԿ նախագահը ժխտեց. «Վարչապետը խնդիր է դրել ՊԵԿ—ի առջեւ՝ իրականացնել գործառույթն ամբողջ ծավալով ու ապահովել այն պլանային ցուցանիշները, որոնք դրված են կառավարության կողմից։ Իսկ ամեն գնով բյուջե լցնելու պահանջը լիրիկական շեղումների դաշտ է տանում, եւ ես այդպիսի հանձնարարություն չեմ ստացել»։
Իսկ ի՞նչ հանձնարարական է ստացել։ «Ստվերի հաշվին եկամուտները կատարելու»,–հնչեց ՊԵԿ նախագահի պատասխանը։
Քանի որ տնտեսագետ, նախկին վարչապետ Հրանտ Բագրատյանը հայտարարել էր, որ ստվերը մեծացել է, փորձեցինք ճշտել Դավիթ Անանյանի տեսակետը։ «Պնդել, որ ստվերը մեծացել է, եւ դնել վերջակետ, այնքան էլ ճիշտ չէ, եւ այդպիսի բան չի արել Բագրատյանը,–ասաց Անանյանը,–նա խորքային տնտեսագետ է, գիտի որ որոշակի մակրոտնտեսական ցուցանիշների արդյունքում կարող է նման վերլուծություններ անեն, բայց դրանք բացարձակ ճշմարտություններ չեն, դրանք հայտնի տնտեսագետի դատողություններ են, որոնց վերաբերյալ հակափաստարկները կարող ենք ներկայացնել կամ չներկայացնել»։
2018 թվականն ավարտվում է։ 2017թ. համեմատ ի՞նչ պատկեր է։ Ըստ ՊԵԿ նախագահի՝ բարենպաստ պատկեր է։ Սակայն այդ պատկերը ցույց տվող թվեր այդ պահին չասաց. դրանք կամփոփվեն հունվարին։
Շոուբիզնեսի դաշտը հարկելու մասով էլ հարցեր հնչեցին։ Ոլորտի ներկայացուցիչները պնդում են, որ ՊԵԿ—ը վերահսկել չի կարող, հետեւաբար ինչպե՞ս են տուգելու՝ հայտարարագիրը ճի՞շտ է ներկայացված, թե՞ ոչ։ Բարի կամքի հույսի՞ն են թողել։ «Ես հանգիստ եմ վերաբերվում շոուբիզնեսի նման հայտարարություններին, իհարկե, կարող են նրանք թաքցնել, մենք ասում ենք հայտարարագրեք ձեր եկամուտները այնքան, ինչքան ստանում եք, եթե մարդիկ միանգամից մտածում են, որ դու չես կարող վերահսկել, ապա իմանան, որ, այո, չենք կարող, բայց դուք էլ չեք կարող ինքներդ էլ ձեզ վերահսկել, քանի որ մտածում եք՝ անպայման մի բան էն չեք անելու։ Եթե ուզում եք խաբել՝ խաբեք։ Մենք էլ, մեր վարչարարական գործիքները կիրառելով, փորձելու ենք ճշտել՝ տվյալ անձը ճի՞շտ հայտարարագիր է ներկայացրել, թե՞ ոչ»,—շեշտեց Դավիթ Անանյանը։
Արմենուհի ՄԵԼՔՈՆՅԱՆ

28-12-2018





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO