Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.06.2019
ՏՆՏԵՍՈՒԹՅՈՒՆ


Կաթնաղբյուրում կհիմնվի հանքային ջրի գործարան

Արտադրանքը կսպառվի բացառապես չինական շուկայում

Հայկական հանքային ջուրը իր որակական հատկանիշներով կարող է մրցակցել աշխարհի լավագույն հանքային ջրերի հետ։ Մնում է միայն ճիշտ ու արդյունավետ կազմակերպել այն միջազգային շուկայում ներկայացնելու աշխատանքները։ Ասվածի վկայությունն է այն, որ չինացի գործարարներին հետաքրքրել է այդ ոլորտը, եւ նրանք ձեռք են բերել պայմանավորվածություն Հայաստանում հանքային ջրի գործարան հիմնելու վերաբերյալ։ Չինացի ներդրողները վստահորեն հայտարարել են, որ հայկական ջրի որակն իրենց գոհացնում է եւ ներդրումային տեսանկյունից գրավչություն ունի։ Չինական կողմը արդեն ներկայացրել է ծրագիրը, դրա իրականացման վայրը։ Ի՞նչ է նախատեսվում ծրագրով։
Ներդրողը «Նյու իդա» ներդրումային ընկերությունն է, որի ներկայացուցիչները առաջարկվող ներդրումային ծրագրին ծանոթանալու նպատակով ամիսներ առաջ հանդիպում էին կազմակերպել Լոռու մարզպետի հետ։ Նախընտրած վայրը սահմանամերձ Կաթնաղբյուր գյուղն է, որն ընդգրկված է Ստեփանավան խոշորացված համայնքի կազմում եւ ունի շուրջ 900 բնակիչ։ Կազմակերպությունը նպատակ ունի իրականացնել հանքային ջրերի արդյունահանման ծրագիր, ընդ որում հայկական շշալցված ջուրը արտահանել բացառապես Չինաստանի Ժողովրդական Հանրապետություն՝ որպես հայկական լավագույն որակ ունեցող ջուր։
Չինացի գործարարները կարծիք են հայտնել, որ հայկական ջուրը բացառիկ ընդունելություն ունի Չինաստանում։ Հայաստանում բազմաթիվ ուսումնասիրություններ են կատարվել, եւ առաջին քայլը նախատեսել են սկսել Կաթնաղբյուրի վարչական տարածքից, որտեղ կան ջրի հորատանցք եւ ջրատար խողովակներ։ Հորատանցքի մերձակայքում էլ նախատեսվում է հիմնել ջրի գործարանը։ Ներդրման ծավալը կազմում է 5—6 մլն դոլար, կստեղծվեն մի քանի տասնյակ աշխատատեղեր, ինչը կնպաստի նաեւ համայնքի կենսամակարդակի բարձրացմանը։
Կաթնաղբյուրի վարչական ղեկավար Արթուր Սավթալյանը «ՀՀ»–ի հետ զրույցում տեղեկացրեց, որ ծրագրի ընթացքն ուժի մեջ է, այժմ հանրային լսումներ են իրականացվում, եւ իրենք սպասում են կառավարության կողմից ընդերքի օգտագործման լիցենզիայի տրամադրմանը, որպեսզի հորատանցքի շահագործման աշխատանքները սկսեն եւ չինացի ներդրողներին հատկացնեն համայնքային նշանակության տարածքները։
Ըստ Ա. Սավթալյանի՝ Ջրառատից եկող ջուրը բավական քաղցրահամ է եւ կարող է գրավել ներդրողներին, եւ եթե բոլոր ծրագրերն անխտիր կյանքի կոչվեն, ապա գյուղը տնտեսական առումով կշահի։ Բնակավայրը ծերացման փուլում է, քանի որ երիտասարդներին գրավող պայմաններ չկան։ Ճանապարհներն են անբարեկարգ, խնդիրներ կան կապված գազաֆիկացման եւ հորատանցքի վերանորոգման հետ, սակայն, ըստ գյուղի ղեկավարի, եթե վերոնշյալ ծրագիրն իրականացվի, ապա բոլորը լուծելի խնդիրներ են։
Նախորդ տարի կատարվել են մի շարք նախագծահաշվարկային եւ տեխնիկական աշխատանքներ։ Գործարանի շինարարությունը կսկսվի արդեն 2019թ. մարտ—ապրիլ ամիսներին։ Ըստ ներդրող «Նյու իդա» կազմակերպության ներկայացուցիչների՝ նախատեսում են հետագայում նաեւ սոցիալական ծրագրեր իրականացնել համայնքում։ Նրանց տեղեկացմամբ, Չինաստանում շատ պահանջված են բնական ու հանքային ջրերը, ուստի ներդրման համար հեռավորությունն ու ծախսերը խնդիր չեն։ Երկրում լայն սպառում ունեն նաեւ Ֆրանսիայից եւ Իտալիայից շշալցված եւ ներմուծված ջրերը։ Չինացիները շեշտում են, որ հայկական ջուրը որակական եւ գնային առումով իրենց բավարարում է։ Այս որոշմանը հանգել են մանրակրկիտ ուսումնասիրություններ կատարելուց հետո, ջրի նմուշները մի քանի անգամ հանձնել են փորձաքննության։ Պատրաստվում են հայկական արտադրության ջուրը սպառել Չինաստանում՝ բարձր գնով։ Վստահ են, որ արտադրությունը հաջողություն կունենա, եւ սպառման խնդիր չի լինի։ Ընկերությունը նպատակադրված է հայկական հանքային ջուրը ճանաչելի դարձնել չինական շուկայում։
«Բիզնես Արմենիա» հիմնադրամից տեղեկացանք, որ ջրի արդյունահանումը եւ շշալցված ջուրը կսպառվի առայժմ միայն չինական շուկայում։ Արդեն հայտնի է նաեւ, թե չինական շուկայում ինչ ապրանքանիշով է հանդես գալու հայկական արտադրության ջուրը, սակայն հիմնադրամի ներկայացուցիչները դեռեւս զերծ մնացին անվանումը հրապարակելուց։
Իսկ որքա՞ն են հանքային ջրի արտադրության ծավալները Հայաստանում։ Վիճակագրական կոմիտեի հրապարակած տվյալների համաձայն՝ 2018թ. առաջին կիսամյակում Հայաստանում արտադրվել է 22 մլն 911.3 հազար լիտր հանքային ջուր։ 2017թ. նույն ժամանակահատվածի համեմատ արտադրության ծավալները նվազել են 4.1 տոկոսով։
Միեւնույն ժամանակ, 7.7 տոկոսով աճել են աղբյուրի ջրի արտադրության ծավալները։ Եթե 2017թ. հունվար—օգոստոսին հանրապետությունում արտադրվել է 24 մլն 715.2 հազար լիտր աղբյուրի ջուր, ապա 2018թ. նույն ժամանակահատվածում՝ 26 մլն 612.8 հազար լիտր։
Լուսինե ՆԱԶԱՐՅԱՆ

11-01-2019





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO