Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.06.2019
ԱՅԼՔ...


Փաստարկներ՝ հակափաստարկների ակնկալիքով

ՊՎԾ-ն ներկայացրել է ԵՊՀ-ում իրականացրած ուսումնասիրությունները

ՀՀ պետական վերահսկողական ծառայությունն ամփոփ տեղեկություններ ներկայացրեց ԵՊՀ—ում կատարված ուսումնասիրությունների վերաբերյալ՝ անդրադառնալով նաեւ համալսարանի ռեկտոր Արամ Սիմոնյանի բարձրացրած հարցերին։
Մինչ իրականացված ուսումնասիրությունները ներկայացնելը՝ ՀՀ պետական վերահսկողական ծառայության պետ Դավիթ Սանասարյանը նշեց, որ խորհուրդ չի տալիս իրենց գործողությունները միանգամից որակել որպես քաղաքական հետապնդում։
«Անձը կլինի հանրապետական կուսակցությունից, թե «Քաղաքացիական պայմանագիր» կուսակցությունից, թե որեւէ այլ քաղաքական ուժից, նշանակություն չունի։ Բոլոր պաշտոնյաները պետք է օրենքի առաջ լինեն հավասար։ Արամ Սիմոնյանը իրականությունից կտրված հայտարարություններ է արել, որոնց մանրամասն կանդրադառնանք։ Ներկայացվել է, թե 9 մլրդ—ից ավելի գնումների ուսումնասիրություն ենք կատարել, այնինչ մենք 2.5 մլրդ դրամի գնումներն ենք ուսումնասիրել»,–«Արմենպրեսի» հաղորդմամբ՝ ասաց Դավիթ Սանասարյանը։ Նա ավելացրեց, որ իրենց աշխատանքը ստուգում է ներկայացվում, սակայն իրենք կատարում են ուսումնասիրություններ։ Դավիթ Սանասարյանն ընդգծեց, որ իրենց ուսումնասիրության արդյունքում ստեղծված յուրաքանչյուր տեղեկանքի համար պատասխանատու են։
Ծառայության սոցիալական ոլորտի վերահսկողության վարչության պետի պաշտոնակատար Դավիթ Ադյանն անդրադարձավ ԵՊՀ ռեկտոր Արամ Սիմոնյանի բարձրացրած հարցերին։ Մասնավորապես, նշվել է, որ 2015 թվականին շինարարություն իրականացնող մարմինը աղբաթափումներ է կատարել, իսկ վերահսկողական ծառայությունն էլ ասել է, թե այդ ընկերությունը չի ներկայացրել աղբաթափության մասին փաստաթղթեր։
«Ապատեղեկատվություն է, այս երեւույթի հետ կապված նույնիսկ բանավոր քննարկում չի եղել։ Շինարարության մասով հետեւյալն է հայտնաբերվել։ Աշխատանքների իրականացման ընթացակարգ է սահմանվել, մասնակցել է 9 անձ, որից 8—ը ներկայացրել է գնային առաջարկ 210—279 մլն դրամի շրջանակում։ Մեկ անձ ներկայացրել է 397 մլն դրամ։ Բոլոր մասնակիցների հայտերը մերժվել են, բացի 397 մլն դրամ առաջարկած մասնակցից»,–ասաց Դավիթ Ադյանը։ Նրա խոսքով, ուսումնասիրություն իրականացնող խումբը դիտարկել է հիմքերը, թե ինչու են մերժվել ավելի ցածր գնային առաջարկ ներկայացնողները։ Պարզվել է, որ որոշումները եղել են ոչ հիմնավոր։
«Օրինակ ներկայացնեմ։ 210 մլն դրամ առաջարկած ընկերության հետ կապված տվյալը։ Նշվում էր, որ նախկինում որպես փորձառություն ներկայացված պայմանագրերից ոչ մեկը չի գերազանցում մասնակցի գնային առաջարկի 30 տոկոսը, սակայն պարզ թվաբանական հաշվարկի արդյունքում պարզվել է, որ գերազանցում է, եւ այդ ընկերությունն էլ կարող էր առաջին տեղը զբաղեցնել»,–ասաց Դավիթ Ադյանը։ Նա նշեց, որ բարձր արժեք ներկայացրած ընկերությունը, որը հաղթել էր, իր եկամուտների շուրջ 90 տոկոսը Երեւանի պետական համալսարան հիմնադրամից էր։ Այսինքն՝ այդ ընկերությունը ստեղծվել եւ աշխատել է բացառապես ԵՊՀ—ի շինարարական աշխատանքներն իրականացնելու համար։
Հետագայում ուսումնասիրվել է շինարարությունը եւ բացահայտվել է շուրջ 24 մլն դրամի ծավալային հավելագրում, 17 մլն դրամի պայմանագրով նախատեսված միավոր գներից թանկ գնով շինաշխատանքի իրականացում, բացահայտվել է նաեւ գերշահույթ։
Պահնորդական ծառայության մրցույթի մասին ԵՊՀ—ն բարձրաձայնել է այն մասին, թե կարող էին ոչ թե 50 մլն դրամի պայմանագիր կնքել, այլ ավելի ցածր գնով։ Դավիթ Ադյանը նշեց, որ դա նույնպես իրականությանը չի համապատասխանում։ Նրա խոսքով, արձանագրվել է հետեւյալը։ 2015 թվականին բաց ընթացակարգ է սահմանվել, նախատեսվել է, որ կազմակերպությունը մինչեւ 2019 թվականը պահնորդական ծառայություն կմատուցի։ Նշվել է պայման, որ ընկերությունը պետք է ունենա նախկինում բուհերում պահնորդական ծառայություն իրականացնելու փորձ։ Երեք ընկերություն է մասնակցել, որից երկուսն ունեցել է նման փորձ, մեկը՝ ոչ։ Որ ընկերությունը չի ունեցել, զբաղեցրել է առաջին տեղը։ Նախատեսվել է, որ պայմանագիրը պետք է գործի 2015—2019 թվականը, սակայն տեխնիկական բնութագրում գրվել է ծառայության մատուցումը միայն 2015 թվականի 8 ամսվա համար։ Դա, ըստ Դավիթ Ադյանի, խախտում է։ Դրանից բացի, պայմանագիրը կնքելուց հետո 2 ամիս անց պայմանագրի միավորի գինը բարձրացվել է 12 տոկոսով։
«Մասնակիցը գնային առաջարկ է ներկայացրել, որ այս ամբողջ ծառայությունը պատրաստ է մատուցել 6 մլն 125 հազար դրամով, 2 ամիս անց կնքվել է համաձայնագիր, որ այդ ծառայության արժեքը կարող է թանկանալ։ Սա խախտում է։ Հղում է կատարվում օրենքի այն դրույթին, որտեղ խոսվում է գործոնային գնի մասին, սակայն հստակ կա սահմանում, գործոնների փոփոխության ազդեցությամբ կարող է փոփոխվել այդ գինը, սակայն գինը կարող է փոփոխվել միայն 3 տարին գերազանցող ժամկետի համար»,–ասաց նա։
Դավիթ Սանասարյանը վստահեցրեց, որ այս գործը բոլոր փաստարկներով գնալու է դատարան։ Նա ընդգծեց, որ Արամ Սիմոնյանն էլ կարող է վիճարկել ցանկացած գործողություն։

12-01-2019





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO