Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

24.04.2019
ԱՇԽԱՐՀ


Նախագահ Թրամփը նախազգուշացրել է Թուրքիային

Անցյալ տարեվեջին, երբ ԱՄՆ նախագահ Դոնալդ Թրամփը հայտարարեց, որ ԱՄՆ—ն մտադիր է զորքերը Սիրիայից դուրս բերել, փաստորեն միակ երկիրը, որը ողջունեց Վաշինգտոնի այդ քայլը, Թուրքիան էր, որը հույս ուներ, թե քրդերը կզրկվեն ԱՄՆ հովանավորությունից, ինչը դյուրին կդարձներ նրանց դեմ պայքարը։ Մինչ այդ Թուրքիան արդեն հայտարարել էր, որ շուտով Սիրիայում՝ Եփրատի արեւելյան հատվածում, քրդերի դեմ սկսելու է ռազմական երրորդ գործողությունը։ Դրան հետեւած Էրդողանի հետ Թրամփի հեռախոսազրույցը գնահատվեց «երկար ու կառուցողական» եւ Թուրքիայի համար թերեւս լուրջ հաղթանակ։ Ըստ միջազգային ԶԼՄ—ների՝ հեռախոսազրույցում կողմերը համաձայնության էին եկել ԱՄՆ ուժերի դանդաղ եւ համաձայնեցված դուրս բերելու եւ թուրքական ուժերի տեղակայման վերաբերյալ։ Սակայն, ինչպես ասում են, «շաբաթը ուրբաթից շուտ եկավ»։
Թրամփը այս տարվա հունվարին 2—ին հայտարարեց, թե քրդերը Ռուսաստանից հովանավորություն խնդրելու եւ Ասադին ապաստանելու հարցում թող չշտապեն, քանի որ ԱՄՆ թույլ չի տա, որ Թուրքիան հարձակվի իր դաշնակից քրդերի վրա, ապա օրակարգային դարձավ Թուրքիայից քրդերի վրա չհարձակվելու երաշխիքներ ստանալու հարցը։ Դրան էր միտված Թրամփի ազգային անվտանգության հարցերով խորհրդական Ջոն Բոլթոնի այցը Անկարա, որտեղ, սակայն, ստացել է բարձրաստիճան պաշտոնյաների հակազդեցությունը, թե Թուրքիայի ազգային անվտանգության հարցը ոչ ոքի հետ չեն քննարկելու, ոչ ոքից իրավունք չեն հարցնելու, անգամ չեղյալ հայտարարվեց Էրդողան—Բոլթոն հանդիպումը։ Այլ կերպ ասած՝ Վաշինգտոն—Անկարա փոխհարաբերություններում, որոնցում բարելավման միտում էր նկատվում Թրամփ—Էրդողան հեռախոսազրույցից հետո, կրկին լարվածության միտումն ակնհայտ դարձավ։
Այսուհանդերձ, ԱՄՆ պետքարտուղար Մայք Պոմպեոն, որը արաբական երկրներ 8—օրյա շրջագայությամբ տարածաշրջանում էր, Աբու Դաբիում տված մամուլի ասուլիսում հայտարարել էր, որ «լավատես է» Վաշինգտոն—Անկարա փոխպայմանավորվածություն ձեռք բերելու հարցում։ Դա, նրա կարծիքով, կապահովվեր թե՛ Սիրիայում քրդերի անվտանգությունը, թե՛ Թուրքիային հնարավորություն կընձեռներ պայքարելու ահաբեկչության դեմ։ Սակայն Պոմպեոյի «լավատեսությանը» հաջորդեց Թրամփի սպառնալիքը Թուրքիայի հասցեին։ Նախօրեին նա իր «թվիթերյան» էջում, կրկին անդրադառնալով Սիրիայից ամերիկյան ուժերի դուրս բերման անհրաժեշտությանը, խոսել է նաեւ Թուրքիայի, Ռուսաստանի եւ Իրանի հարցերի մասին։ Նա ընդգծել է, որ զորքերի դուրսբերման գործընթացը սկսվել է, իսկ դաիշականների մնացորդների դեմ պայքարը շարունակվում է։ Նախագահ Թրամփը Թուրքիային նախազգուշացնելով, ընդգծել է, որ եթե վերջինս Սիրիայում թիրախ դարձնի հակադաիշական կոալիցիայի դաշնակից քուրդ զինյալներին, ապա «տնտեսապես ոչնչացվելու է»։ Փաստորեն խոսելով քուրդ զինյալների եւ ոչ թե քրդերի մասին, պատասխանել է նաեւ թուրք պաշտոնյաների այն պնդումներին, որ թուրքական զինուժի թիրախ են դառնալու PYD եւ SDF ահաբեկչական խմբերը, այլ ոչ թե «քուրդ եղբայրները», որոնց հետ եղբայրաբար դարեր շարունակ ապրել են կողք կողքի։ Թրամփը միաժամանակ քրդերին հորդորել է չգրգռել թուրքերին՝ հավելելով, որ ստեղծվելու է 30 կլոմետրանոց բուֆերային գոտի։ Նա շեշտել է նաեւ, որ դաիշականների դեմ պայքարում ԱՄՆ երկարաժամկետ քաղաքականությունից ավելի շատ օգուտներ են քաղել Ռուսաստանը, Իրանն ու Սիրիան, թեեւ ԱՄՆ—ի համար եւս օգտակար է եղել, սակայն ժամանակն է, որ ամերիկացի զինվորականները տուն վերադառնան։
Թրամփի «թվիթերյան» գրառմանը պատասխանը Էրդողանի խոսնակ Իբրահիմ Քալընի մակարդակով չուշացավ, վերջինս նույն սոցիալական կայքի իր էջում գրել է, որ «Իսլամական պետության» եւ PKK—ի ու PYD—ի միջեւ տարբերություն չկա, ահաբեկիչները չեն կարող նախագահ Թրամփի եւ դաշնակիցը, եւ գործընկերը լինել։ Նա ընդգծել է, որ Թուրքիան սպասում է, որ ԱՄՆ—ը երկու երկրների «ռազմավարական համագործակցությունը» կհարգի եւ ահաբեկչական քարոզչության ազդեցությունից դուրս կգա։
Ավելի ուշ իր տեսակետն է հայտնել նաեւ Թուրքիայի արտաքին գործերի նախարար Մեւլութ Չավուշօղլուն։ «Մենք շարունակաբար հայտարարել ենք, որ Թուրքիան սպառնալիքներից չի վախենում։ Թուրքիային ուղղված տնտեսական բնույթի սպառնալիքները որեւէ արդյունքի հանգեցնել չեն կարող»,–ասել է նա։
Այսպիսով թուրք—ամերիկյան փոխհարաբերություններում կրկին լարվածություն է առաջացել։ Այլ կերպ ասած՝ Թրամփը խառնել է թուրքերի խաղաքարտերը, քանի որ թուրքական ԶԼՄ—ները հայտարարել էին, որ այս շաբաթվա ընթացքում Վաշինգտոնի եւ Անկարայի միջեւ տեղի են ունենալու լայնածավալ բանակցություններ՝ ԱՄՆ զորքերի դուրս բերման եւ PYD—ի ու Թուրքիայի առաջիկա ռազմական գործողությունների շուրջ։

Էմմա ԲԵԳԻՋԱՆՅԱՆ

15-01-2019





23-04-2019
«Արցախն իր թիկունքում միշտ ունենալու է ամուր Հայաստան»
Օրակարգում անվտանգության, քաղաքացիական համակարգի պատրաստության խնդիրներն են



23-04-2019
Թուրքական ապացույցներով՝ Թուրքիայի հանցանքի մասին
Թաներ Աքչամի աշխատությունը ծանր հարված է թուրքական ժխտողականությանը



23-04-2019
Վեպը միշտ ինձ է սպասում
Գրիգը բացել է փակագծերը

Արձակագիր Գրիգը, որն ընթերցասերների ...


23-04-2019
Կրթության որակը՝ առաջնահերթություն
Ուսուցչի դերը կրթական բարեփոխումներում դեռ լավ չի գիտակցվում



23-04-2019
Վարչապետը խորհրդակցություն է անցկացրել մարզպետների հետ
Վարչապետ Նիկոլ Փաշինյանի մոտ տեղի է ունեցել խորհրդակցություն, որին ...


23-04-2019
«Քրիստոս յարեաւ ի մեռելոց»
Սուրբ եւ անմահ պատարագ՝ ի նշանավորումն Հիսուս Քրիստոսի ...


23-04-2019
Նոր ավիաընկերությունների սպասելիս
Հարցազրույց քաղավիացիայի կոմիտեի նախագահ Տաթեւիկ Ռեւազյանի հետ

ՀՀ ...



23-04-2019
Անձրեւացման եղանակի «հայկական հետքը»
Ինչ է պատմում խորհրդային տարիներին ...

23-04-2019
ԱՄՆ-ը Իրանից նավթի ներմուծման արտոնությունը չեղարկում է
2018թ. նոյեմբերի 4-ին, երբ ԱՄՆ-ն Իրանի դեմ տնտեսական ...

23-04-2019
Հոգեւոր կյանքի վերանորոգման առիթ
Արցախում նշել են Հիսուս Քրիստոսի ...

23-04-2019
«Բանանցը» հրաժարվեց. ի՞նչ սպասել հաջորդիվ
Խորը հիասթափություն էր սպասում այն մի քանի տասնյակ ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO