Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.04.2019
ՊՆ


Բանակի մարտունակությունը չափվում է ամեն օր

Համոզված է ՀՀ պաշտպանության նախարարի մամուլի խոսնակ Արծրուն Հովհաննիսյանը

Հայաստանի Հանրապետության եւ Արցախի անվտանգության, տարածքային ամբողջականության պաշտպանության եւ սահմանների անձեռնմխելիության երաշխավորը հայոց բանակն է։ Հունվարի 28—ին լրանում է ՀՀ զինված ուժերի կազմավորման 27—րդ տարեդարձը։ Այդ առիթով «ՀՀ»—ի թղթակիցը զրուցել է պաշտպանության նախարարի մամուլի խոսնակ, ռազմական վերլուծաբան—փորձագետ Արծրուն Հովհաննիսյանի հետ։
Զինված ուժերի ստեղծման հիմքը դրվեց 1992թ.՝ արցախյան հերոսամարտի օրերին։ Դժվարին ճանապարհ անցած հայկական բանակը, Արծրուն Հովհաննիսյանի գնահատմամբ, իր մարտունակության քննությունը հանձնում է ամեն օր։ Ասում է՝ բանակի մարտունակության չափման միավոր աշխարհում չկա, քանի որ չկա լիարժեք խաղաղության կարգավիճակ, եւ հակառակորդն ամեն օր կարող է չափել իր դեմ կռվող բանակի մարտունակությունը. «Բացարձակ մարտունակ բանակ աշխարհում չկա։ Չկա բանակ, որ միանշանակ կարող է հաղթել ցանկացած հակառակորդի ամեն իրավիճակում։ Նոր մարտահրավերներ են առաջանում բանակի առջեւ։ Ըստ այդմ՝ կատարելագործման աշխատանք միշտ էլ անհրաժեշտ է։ Ռազմական գիտությունը, պատերազմը մշտապես զարգացող երեւույթներ են։ Միշտ ծնվում են զենքի նոր տեսակներ, հակառակորդը մշտապես զինվում է։ Գաղտնիք չէ նաեւ, որ հակառակորդը մեզնից ավելի շատ զենքի տեսակներ ունի եւ ավելի շատ միջոցներ է ծախսում այդ տեսակները արդիականացնելու, զարգացնելու ուղղությամբ։ Հետեւաբար իդեալական մարտունակություն չի կարող լինել։ Կա ձգտում, աշխատանք՝ միշտ լինելու ավելի լավը, քան նախորդ օրն էիր»։
Մեր բանակի առջեւ ծառացած մարտահրավերների մասին խոսելիս, Հովհաննիսյանը նշեց, որ ամեն օր պատրաստ պետք է լինենք լայնածավալ պատերազմի, մեծ մարտական գործողությունների։ Նրա խոսքով՝ մեր հակառակորդը չի թաքցնում, որ կարող է պատերազմական գործողությունների գնալ ամեն վայրկյան, եւ այս վտանգը պետք է միշտ նկատի ունենալ։ Անդրադառնալով «Ազգ—բանակ» հայեցակարգի կիրարկմանն ու «Պատիվ ունեմ», «Ես եմ» ծրագրերին, նա նշեց, որ այս տարվա ձմեռային զորակոչին եւս «Ես եմ» ծրագիրը շարունակվում է իրագործվել։ «Պատիվ ունեմ» ծրագիրը նույնպես ընթացքում է։ Նպատակ ունեն դրանք էլ ավելի կատարելագործել, դարձնել առավել ճկուն, որպեսզի ե՛ւ բանակաշինությունը զարգացում ապրի, ե՛ւ ներգրավվող մարդկանց շահագրգռվածությունը մեծանա։ «Մեր մեծագույն ցանկությունն է բանակում տեսնել կիրթ սպաների եւ պահել նրանց կապը զինված ուժերի հետ երկարաժամկետ։ Քաղաքացիական բուհերի շրջանավարտները կիրթ եւ մեզ համար շատ ցանկալի կադրեր են»,–շեշտեց Հովհաննիսյանը՝ հավելելով, որ «Ազգ—բանակ» հայեցակարգն այդպես էլ մնացել է որպես հայեցակարգ։ Դրանից բխող վերոնշյալ երկու ծրագրերն են, որ շարունակվում են իրականացվել։
Ռազմական փորձագետի խոսքով՝ բանակը շնչող «օրգանիզմ» է, որը մշտապես նոր ծրագրերի, նախագծերի, քայլերի, բարեփոխումների կարիք է զգում, որից եւ բխում է զորքի մարտունակությունը։ Այս իմաստով, նոր ծրագրեր, ասում է, շատ կան՝ կապված սպառազինության, զենք—զինամթերքի ձեռք բերման, կրթական ոլորտի բարելավման եւ այլնի հետ։ «Ծրագրեր կան, որոնք դեռեւս «սաղմնային» վիճակում են։ Հունվարի 28—ին միգուցե նախարարը կհայտնի դրանց մասին, ես հիմա չեմ կարող վաղաժամ խոսել։ ՀՀ զինված ուժերի միջազգային համագործակցության դաշտում մեծ տեղ ունի ՀԱՊԿ—ի եւ Ռուսաստանի հետ ռազմական համագործակցությունը։ Մեր զորքերը շարունակում են միջազգային խաղաղապահ առաքելություններ իրականացնել ՆԱՏՕ—ի զորակազմերի շրջանակում՝ Կոսովոյում, Լիբանանում, Աֆղանստանում։ Համագործակցության ճակատը շատ լայն է, մասնավորապես Ռուսաստանի հետ՝ երկկողմ, եւ ՀԱՊԿ կառույցի շրջանակներում»,—մանրամասնեց նա։
Բանակը սպառազինությամբ, ժամանակակից, արդիական զենք—զինամթերքով համալրելու առումով զրուցակիցս ասաց, որ զենքի ձեռքբերման պայմանագրեր պարբերաբար կնքվում են. «Զենքեր կան, որ նոր ենք ձեռք բերում, որոշներն առկա են՝ ծավալն ենք մեծացնում։ Նախարարն արդեն խոսել է կործանիչ ինքնաթիռների մասին, առաջիկայում այս թեմային կրկին կանդրադառնանք։ Խոսվել է տարբեր տեսակի գերճշգրիտ հարձակողական հրթիռային համալիրների մասին, որոնցից ունենք եւ միգուցե թվաքանակն ավելացնենք։ Նպատակ կա ձեռք բերել նաեւ հակատանկային նոր միջոցներ, ռադիոէլեկտրոնային կապի պայքարի նոր սարքավորումներ»։
ՊՆ մամուլի խոսնակի գնահատմամբ՝ զենքի շուկան շատ թանկ է մեզ համար։ Սակայն, այդուհանդերձ, կարծում է, որ ցանկացած զինվորական երազում է ունենալ նորագույն զենքերի մեծ քանակ։ «Կուզենայինք ունենալ աշխարհի լավագույն տանկերը, հրետանիները, հրթիռներն ու ինքնաթիռները։ Բայց այնպես չէ, որ հիմա էլ խեղճի դիրքերից ենք խոսում։ Աշխարհում չկա այնպիսի պետություն, որի բանակի ամբողջ սպառազինության ծավալը ներառում է միայն նոր տեսակի, երազած զենքեր։ Օրինակ՝ ԱՄՆ—ի, որ իր ռազմական բյուջեով աշխարհում ամենամեծ պետությունն է, ունեցած մի քանի հազար տանկերից ընդամենը 1000 օրինակն է, որ ամենավերջին սերնդի է։ Հին են, ընդ որում՝ մի քանի սերնդի»,–մանրամասնեց փորձագետը՝ միաժամանակ ընդգծելով այն կարծիքը, որ բանակը միշտ նոր տեխնոլոգիաներ, խոշոր գումարներ պահանջող եւ դրանք սպառող օրգանիզմ է, մշտապես ցանկանում է նորն ու լավը։
«Միշտ չէ, որ մեր հնարավորությունները ներում են ժամանակին համընթաց քայլելու համար, սակայն տեղում չենք դոփում»,–շեշտեց Արծրուն Հովհաննիսյանը՝ զուգահեռ նաեւ տեղեկացնելով, որ բանակի կազմավորման առիթով պաշտպանության նախարարությունը կազմակերպելու է փոքրիկ, համեստ միջոցառում, որի շրջանակներում կայցելեն «Եռաբլուր» պանթեոն, կունենան ամփոփ հաշվետվություն, պարգեւատրումներ։
Լիանա ՍԱՐԳՍՅԱՆ

26-01-2019





23-04-2019
«Արցախն իր թիկունքում միշտ ունենալու է ամուր Հայաստան»
Օրակարգում անվտանգության, քաղաքացիական համակարգի պատրաստության խնդիրներն են



23-04-2019
Թուրքական ապացույցներով՝ Թուրքիայի հանցանքի մասին
Թաներ Աքչամի աշխատությունը ծանր հարված է թուրքական ժխտողականությանը



23-04-2019
Վեպը միշտ ինձ է սպասում
Գրիգը բացել է փակագծերը

Արձակագիր Գրիգը, որն ընթերցասերների ...


23-04-2019
Կրթության որակը՝ առաջնահերթություն
Ուսուցչի դերը կրթական բարեփոխումներում դեռ լավ չի գիտակցվում



23-04-2019
Վարչապետը խորհրդակցություն է անցկացրել մարզպետների հետ
Վարչապետ Նիկոլ Փաշինյանի մոտ տեղի է ունեցել խորհրդակցություն, որին ...


23-04-2019
«Քրիստոս յարեաւ ի մեռելոց»
Սուրբ եւ անմահ պատարագ՝ ի նշանավորումն Հիսուս Քրիստոսի ...


23-04-2019
Նոր ավիաընկերությունների սպասելիս
Հարցազրույց քաղավիացիայի կոմիտեի նախագահ Տաթեւիկ Ռեւազյանի հետ

ՀՀ ...



23-04-2019
Անձրեւացման եղանակի «հայկական հետքը»
Ինչ է պատմում խորհրդային տարիներին ...

23-04-2019
ԱՄՆ-ը Իրանից նավթի ներմուծման արտոնությունը չեղարկում է
2018թ. նոյեմբերի 4-ին, երբ ԱՄՆ-ն Իրանի դեմ տնտեսական ...

23-04-2019
Հոգեւոր կյանքի վերանորոգման առիթ
Արցախում նշել են Հիսուս Քրիստոսի ...

23-04-2019
«Բանանցը» հրաժարվեց. ի՞նչ սպասել հաջորդիվ
Խորը հիասթափություն էր սպասում այն մի քանի տասնյակ ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO