Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.07.2020
ԱՇԽԱՐՀ


Ռուսաստանը կզսպի՞ Էրդողանի փառասիրությունը

2018թ. դեկտեմբերի 19—ին ԱՄՆ նախագահը հայտարարեց, թե իր երկիրը զորքերը դուրս է բերելու Սիրիայի քրդաբնակ շրջաններից, ինչը, կարելի է ասել, այստեղ նոր իրավիճակ է ստեղծել։ Թուրքիան շարունակ հայտարարում է, որ շուտով Սիրիայում քուրդ զինյալների հանդեպ իրականացնելու է երրորդ ռազմական գործողությունը։ Սակայն նախագահ Թրամփի «թվիթերյան» հայտնի զգուշացումից հետո այդ երկիրը փորձում է գտնել Ռուսաստանի աջակցությունը
Էրդողանը Իդլիբ նահանգի խնդրի առնչությամբ Ռուսաստանի ղեկավարության հետ բանակցելու նպատակով նախորդ շաբաթ այցելեց Մոսկվա։ Սակայն, ըստ ամենայնի, նրա այցը լուրջ ձեռքբերումներ չարձանագրեց, հաշվի առնելով տվյալ հարցերի շուրջ Ռուսաստանի արտահայտած տեսակետներն ու այցին հաջորդած Էրդողանի հայտարարությունները։
Նշենք, որ Աստանայի գործընթացի շրջանակներում 2017թ. ամռանը Ռուսաստան—Իրան—Թուրքիա համաձայնություն էր ձեռք բերվել Սիրիայի երեք նահանգներում բախումնազերծ գոտի ստեղծելու շուրջ, այդ թվում՝ Իդլիբ նահանգում, որը գլխավորապես գտնվում է «Ալ Նոսրայի» ու «Սիրիայի ազատ բանակ» կազմակերպության, որը վայելում է Թուրքիայի բազմակողմանի աջակցությունը եւ համագործակցում «Ալ Նոսրայի» հետ, նաեւ ահաբեկչական այլ խմբերի վերահսկողության տակ։ Հետագայում երեքից երկուսն անցան Դամասկոսի վերահսկողության ներքո։ Վերջինս նախապատրաստվում էր նաեւ Իդլիբի վրա հարձակվել, քանի որ Թուրքիային չէր հաջողվել ստանձնած պարտականությունները կատարել. Իդլիբում բախումները շարունակվում են, «Ալ Նոսրան» չի համաձայնում զինաթափվել։ Ռուսաստանի միջնորդությամբ Սիրիան համաձայնեց չհարձակվել Իդլիբի վրա, սակայն 2018թ. սեպտեմբերի 17—ին Ռուսաստանի նախագահ Պուտինի եւ Էրդողանի՝ Սոչիի հանդիպման ժամանակ համաձայնություն էր ձեռք բերվել այստեղ 20 կիլոմետր խորությամբ անվտանգության գոտի ստեղծելու շուրջ, որտեղից մինչեւ նույն թվականի հոկտեմբերի 6—ը պետք է «Ալ Նոսրան» նահանջեր, եւ դուրս բերվեր ծանր զրահատենիկան, մինչդեռ իրականում Թուրքիան չի կատարել համաձայնությունը։ Ռուսաստանի նախագահի խոսնակ Դիմիտրի Պեսկովը այս մասին հայտարարել է նախօրեին իր ամենշաբաթյա մամուլի ասուլիսին՝ շեշտելով, որ Թուրքիան թերացել է համաձայնությունը ամբողջությամբ կատարելու հարցում, եւ «Ալ Նոսրան» պահպանում է վերահսկողությունը, ինչը խիստ մտահոգել է Դամասկոսին եւ Մոսկվային։ Իսկ ինչ վերաբերում է Թուրքիայի սահմանների երկարությամբ անվտանգության գոտի ստեղծելուն, ապա Պուտինը, Թրամփի առաջարկությամբ, Թուրքիայի համար խիստ ցանկալի՝ Սիրիայի հյուսիսարեւելյան սահմանում անվտանգության գոտի ստեղծելու փոխարեն առաջարկել է կյանքի կոչել 1998թ. Դամասկոսի եւ Անկարայի միջեւ Ադանայում կնքված անվտանգության պայմանագիրը։ Սակայն 2011—ից ի վեր Թուրքիան անտեսել է Ադանայի պայմանագիրը՝ խախտելով բազմաթիվ դրույթներ, համագործակցելով ու զինելով ահաբեկչական խմբերին։ Մինչդեռ Էրդողանը հայտարարել է, թե Թուրքիան կատարում է Ադանայի պայմանագրով ստանձնած պարտավորությունները, եւ այդ երկիրը տարածաշրջանը փրկելու է վրա հասնող մեծ աղետից՝ Ռուսաստանի, ԱՄՆ—ի, Իրանի հետ համագործակցելով։ Միաժամանակ շեշտել է, որ Թուրքիան աշխարհին ապացուցել է, որ անհրաժեշտության դեպքում առանց հապաղելու ռազմական գործողությունների է դիմելու, սակայն բանակցային ուղիով խնդրի լուծումը գերխնդիր է համարում։ Այլ կերպ ասած՝ թեեւ Էրդողանը զսպվածություն է ցուցաբերում եւ մեղմ է արտահայտվում Ռուսաստանի դիրքորոշումների վերաբերյալ, բայց նաեւ բացառված չէ, որ նա իր խոսքերի տոնայնությունը կփոխի՝ Սիրիայում նրանց շահերի ոչ համընթաց լինելու պատճառով։ Մյուս կողմից՝ հաշվի առնելով այլ տնտեսական եւ մասնավորապես էներգետիկայի ոլորտում համագործակցությունը, Անկարայի դժգոհությունը երկարատեւ չի լինելու։
Այս առնչությամբ հատկանշական են Թուրքիայում Սիրիայի դեսպան Նեդալ Կաբլանի տեսակետները։ Նա «Սպուտնիկ» գործակալությանը տված հարցազրույցում շեշտել է, որ Ադանայի համաձայնությունը սեղանին դնելով՝ Մոսկվան նպատակամղված է օգնել Էրդողանին «ցած իջնել խոստումների ծառից», որոնք շատ մեծ են, եւ նա ի զորու չէ իրականացնելու։ Իսկ Իրանի լռության մասին հավելել է, որ Ռուսաստան—Իրան—Սիրիա համաձայնություններում Ռուսաստանը պարտավորվել է Էրդողանի փառամոլությունը զսպել։
Ստեղծված իրավիճակում Մոսկվան հայտարարել է, որ, ինչպես նախատեսված էր, փետրվարին Մոսկվայում տեղի է ունենալու Ռուսաստան, Իրան եւ Թուրքիա գագաթնաժողովը, ինչի օրակարգում կրկին Սիրիայի հիմնահարցն է, որտեղ գուցեւ կհարթվեն թուրք—ռուսական տարաձայնությունները։

Էմմա ԲԵԳԻՋԱՆՅԱՆ

30-01-2019





14-07-2020
Բարձր դրույքաչափով մաքսատուրք վճարածը կկարողանա հետ ստանալ ավելի փոխանցած գումարը
Հունիսի 12-ից ուժի մեջ մտած որոշումը հետադարձ ուժ ...


14-07-2020
Հանրակրթության նոր չափորոշիչներով առաջնայնություն է տրվում կրթության բովանդակությանը
Տարրական դասարաններում մեկական շաբաթով կերկարացվեն գարնանային եւ աշնանային ...


14-07-2020
Հայաստանում հաստատվել է COVID-19-ի 339 նոր դեպք․ ապաքինվել է 864, մահացել 8 քաղաքացի
Հայաստանում հուլիսի 14-ին հաստատվել է կորոնավիրուսային հիվանդության ընդհանուր ...


14-07-2020
Ես արարում եմ, որովհետեւ տեսել եմ, թե ինչպես է արարում Հայրը
Ճշմարիտ, ճշմարիտ ասում եմ ձեզ, թէ Որդին իրանից կարող ...


14-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
Նոյեմբերի 23-ին Փարիզի Հայկական մշակույթի տանը կայացավ գրքիս ...


14-07-2020
Մայթեզրերն ավտոշուկա, վարձույթի շուկա կազմակերպելու համար չեն
Հարցը կկարգավորվի օրենսդրական նախաձեռնությամբ

Օրենսդրորեն սահմանվելու են տրանսպորտային ...


14-07-2020
Էռնեստ Հեմինգուեյ
Երջանկության եւ ողբերգության առասպելը

1961 թ. հուլիսի 2-ին ...



14-07-2020
Իսկը «թուրքեցի» սպանություններ
«Գթասրտություն դրսեւորելու կարիք չկա։ ...

14-07-2020
«Գ. Գաբրիելյանը հայ մանկագրության մեջ իր հավասարը չունի...»
Նա բարձրացրել է ժանրը՝ հասցնելով ...

14-07-2020
Համարակալված կենդանիները նաեւ անձնագիր կունենան
Խթանվում է խոշոր եղջերավոր անասունների ...

14-07-2020
Հայաստանի հավաքականը 1/8 եզրափակիչում
Հայաստանի տղամարդկանց ազգային հավաքականը, ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO