Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

25.08.2019
ԼՂՀ


Ընդլայնվում է արտերկրի պատվիրատուների շրջանակը

Արցախում արտադրվող «Ոսկե կաթիլը» լայն պահանջարկ է վայելում

Ընդամենը հինգ տարվա պատմություն ունի Թաղավարդի (Մարտունու շրջան) «Ռեյփսիդ» ընկերությունը, որը զբաղվում է ռաֆինացված եւ չռաֆինացված ձեթի արտադրությամբ։ Սկզբնական շրջանում արտադրանքը հիմնականում սպառվում էր հանրապետությունում, եւ ձեթի գլխավոր սպառողը պաշտպանության բանակն էր։ Այսօր պահանջարկի ընդլայնմամբ պայմանավորված՝ ձեռնարկությունը հազիվ է հասցնում ապրանք մատակարարել պատվիրատուներին։
«Ներքին շուկայում արտադրանքը սպառելու խնդիրը վաղուց է դուրս եկել օրակարգից։ Ներկայումս առավել լուրջ ծրագրեր իրագործելու ժամանակներն են եկել ու անհրաժեշտ է պատվով դուրս գալ քննությունից,–գտնում է ընկերության տնօրեն Նորայր Ստեփանյանը։–Ե՛վ արտադրանքի տեսականին է ավելացել, ե՛ւ օտարերկրյա պատվիրատուների ցանկը։ Եթե երեք տարի առաջ գլխավորապես «Ոսկե կաթիլ» արեւածաղկի ձեթ էր արտահանվում, ապա այսօր արտաքին շուկայում լայն պահանջարկ են վայելում նաեւ հլածուկից, սոյայից եւ կտավատից պատրաստված ռաֆինացված ու չռաֆինացված ձեթերը»։ Նրա տեղեկացմամբ՝ տեղական հումքն արդեն չի բավարարում եւ լրացուցիչ արեւածաղիկ, հլածուկ եւ կտավատ է ներկրվում։
Ձեռնարկության ղեկավարի համոզմամբ՝ յուղատու մշակաբույսերի ցանքատարածություններն ընդլայնելու անհրաժեշտություն կա, ու այդ առաջարկությունը քննարկվել ու հավանության է արժանացել գյուղատնտեսության նախարարության կողմից, մանավանդ որ «բարենպաստ կլիմայական պայմաններն Արցախում այդ հնարավորությունն ընձեռում են»։ Անդրադառնալով արտադրված տեսականու որակական բաղադրիչներին՝ Ն. Ստեփանյանը հավաստիացեց, որ արտադրության տեխնոլոգիական գործընթացները, մասնավորապես՝ լաբորատոր հետազոտման արդյունքները, լիովին բավարարում են ներկայացվող պահանջները։ Դրանում համոզվել են նաեւ պատվիրատուները, որոնց ներկայացուցիչներն անձամբ եղել են գործարանում եւ ծանոթացել հոսքի ողջ ընթացքին։ «Բոլորովին վերջերս մեզ մոտ էր Լիբանանից ժամանած հերթական գնորդը, ում հետ արտադրանքի իրացման վերաբերյալ պայմանագիր է կնքվել,–ասում է Նորայր Ստեփանյանը։–Արտադրամասում սեփական աչքով տեսնելով ժամանակակից բարձր տեխնոլոգիաներով զինված գերմանական սարքավորումների մեքենայացված աշխատանքները, նա վերադարձավ շատ տպավորված»։
Որպես առաջնահերթություն, հաշվի առնելով ռաֆինացված եւ չռաֆինացված ձեթի նկատմամբ սպառողների պահանջարկը, ձեռնարկության ղեկավարը կարծում է, որ ներկրվող հումքի ծավալների հետ մեկտեղ պիտի շեշտակի բարձրացվի արտադրողականությունը։ Անցյալ տարի ավելի քան 250 տոննա բուսական յուղ է արտադրվել Թաղավարդի ձեթի գործարանում։ Քանի որ տնօրենի տեղեկացմամբ, արտաքին շուկայում դրա կարիքը զգացվում է, ուստի լայն թափ պիտի հաղորդվի թողարկման ծավալների աճի ապահովմանը։ Նրա համոզմամբ՝ նոր աշխատատեղերի ստեղծումը եւս անխուսափելի է։ «Մեզ համար ակնհայտ է, որ ներկայումս արտադրական գործընթացով զբաղվող 50 աշխատողները, ծանրաբեռնված լինելու հանգամանքով պայմանավորված, չեն հասցնի  պահանջարկը լիովին բավարարել։ Հետեւաբար, քայլեր պիտի արվեն այդ ուղղությամբ, պատրաստվեն նոր մասնագետներ»,–գտնում է Ն. Ստեփանյանը։
Ապրանքի հասցեատերերը (Ռուսաստանի Դաշնություն, Հայաստան, Լիբանան եւ այլն) հստակ ամրագրված են փաստաթղթերում։ Միեւնույն ժամանակ բարձրորակ բուսական յուղի ձեռքբերման վերաբերյալ նոր պատվիրատուների հասցեներ են ուրվագծվում՝ ԱՄՆ, Գերմանիա, Արաբական Միացյալ Էմիրություններ։
Դավիթ ՄԻՔԱՅԵԼՅԱՆ
Ստեփանակերտ

31-01-2019





01-08-2019
Ինչպե՞ս դառնալ ներդրող
Բնակելի շենքի կառուցապատման գործընթացից կարելի է շահույթ ստանալ ...


01-08-2019
«Աշխարհս առանց իշխանութեան չի կառավարուիր»
Մկրտիչ Ա Վանեցի Ամենայն հայոց կաթողիկոսը (1820–1907) համոզված էր, ...


01-08-2019
Հնարավոր չէ առանց պատժվելու այլասերել բառերը
Թադեւոս ԽԱՉԱՏՐՅԱՆ
t.khachatryan@hhpress.am


Կամյուին կարելի է համարել 20-րդ դարի ...


01-08-2019
Արեւայրուք ստանալ բակում «բուրդ չփխելո՞վ», թե՞ լողափին
Հանգստի ամեն տեսակ էլ կարող է լավագույնը լինել

Թամարա ...


01-08-2019
Թավշյա հեղափոխությունը բացառապես ներքին խնդիր էր
ՀՀ ԱԳ նախարար Զոհրաբ Մնացականյանի հարցազրույցը Մարշալի հիմնադրամին



01-08-2019
Թարմ մսի սպանդանոցային ծագման պահանջ՝ այսօրվանից
Տեսչական մարմինը մշտադիտարկում է սկսում հանրային սննդի կետերում

Արմենուհի ...


01-08-2019
Ժամանակ ու սերունդներ կապող մարդ-մշակույթ էր
ՀՀ ժողովրդական արտիստ, բեմադրիչ Երվանդ Ղազանչյանի վախճանը մեծ ...



01-08-2019
Եղիշե Չարենցը պաշտում էր Արեւելքը
Վաղը բանաստեղծի տուն-թանգարանում կբացվի ...

01-08-2019
Այվազովսկուց մինչեւ Սալվադոր Դալի
Ի՞նչ են սովորում ՀԱՊ-ի ամառային ...

01-08-2019
Արոտների ջրարբիացումից՝ ճանապարհների վերակառուցում
Ի՞նչ խնդիրներ են լուծվում Ամասիա ...

01-08-2019
Մեդալներն արդեն նշմարվում են
Եվրոպայի երիտասարդական առաջնությանը ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO