Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

03.06.2020
ՄԱՐԶԵՐ


Աշոցքը՝ Ծաղկաձորին այլընտրանք

Ձմեռային մարզաձեւերի զարգացման ավանդույթը մարզում վերականգնվում է

Շիրակի մարզի ամենախստաշունչ ձմեռ ունեցող համայնքը Աշոցքն է, ուր ձնառատ է լինում տարվա գրեթե մեծ մասը, ուստի ձմեռային տուրիզմի համար համայնքում ստեղծվել են բոլոր նախադրյալները։ Խոսքը վերաբերում է դահուկային կենտրոնի կառուցմանն ու շահագործմանը։ Օրեր առաջ այն բացվեց պաշտոնապես, իսկ այսօր այն մարդաշատ է ու դահուկասպորտի սիրահարներին այստեղ է մեկտեղել։
Աշոցքի համայնքի ղեկավարի տեղակալ Կարեն Աբրեյանը «ՀՀ»—ի հետ զրույցում փաստեց դահուկային կենտրոնի կարեւորությունը, նշելով, որ այն զբոսաշրջության զարգացման խթան կարող է հանդիսանալ՝ մեծ հոսքեր ապահովելով նաեւ հարեւան Վրաստանից։ Դահուկավազքի զարգացման համար Աշոցքն ընտրվել է ծանր կլիմայական պայմաններ ունենալու գործոնի համար։ Ինչպես փաստում են տեղացիները, այստեղ 7 ամիս ձմեռ է, իսկ դահուկավազքի սիրահարները շատ են, ովքեր կարող են իրենց մրցումների համար այստեղ վերապատրաստվել։ Տարածքը նախատեսված է ավելի շատ ազատ դահուկավազքի համար։
Նշենք, որ դահուկասպորտը ընտանեկան սպորտաձեւ է, եւ ձնառատ ակտիվ միջավայրը կարող է միայն առողջարար լինել այս սպորտաձեւով մարզվելու համար։ Համայնքի ղեկավարի տեղակալ Կարեն Աբրեյանը հույս հայտնեց, որ Աշոցքը եւ դրա հարակից տարածքները ձմեռային մարզաձեւերի զարգացման առումով կդառնան առաջադեմ։ Նա շեշտեց նաեւ այն հանգամանքը, որ դահուկային կենտրոնը «Արփի լիճ» ազգային պարկի մերձակայքում է եւ կարող է զբոսաշրջային վայր դառնալ նաեւ ամռան սեզոնին։
Նշենք, որ դահուկային կենտրոնը կառուցվել է ԵՄ—ի հայաստանյան գրասենյակի ֆինանսավորմամբ եւ նրանց կողմից ֆինանսավորվող 10 ծրագրերից մեկն է։
Ծրագիրն ուղղված է համայնքում բացօթյա միջոցառումների, առողջ ապրելակերպի զարգացման, զբոսաշրջիկների ներգրավման գործընթացներին։ Կենտրոնի նպատակն է նաեւ նպաստել ձմեռային սպորտաձեւերի մասայականացմանն ու զարգացմանը։
Աշխատանքները ղեկավարելու են Աշոցքի համայնքապետարանը՝ դահուկային սպորտի ֆեդերացիայի հետ համատեղ։ Այստեղ մարզիկները կարող են նաեւ կացարանով ապահովվել։ Ստեղծվել են նաեւ պայմաններ կեցության, սնվելու, լոգանք ընդունելու համար։ Գործում է խորտկարան, կան նաեւ հանդերձարաններ։ Տեղաբնակները հավակնում են Աշոցքը դարձնել միջազգային մակարդակի մրցաշարային կենտրոն եւ համայնքի կյանքում մեծ իրադարձություն են համարում առաջին լուրջ զբոսաշրջային նախադրյալի ստեղծումը։ Այս կենտրոնի ստեղծմամբ զբոսաշրջիկներին քիչ հայտնի այս վայրը կսկսի արդեն հետաքրքրություն առաջացնել դահուկորդների եւ դահուկավազքի սիրահարների համար։ 2 կիլոմետր եւ ավելի երկարության մրցուղում ոչ միայն պրոֆեսիոնալ դահուկորդները, այլեւ ձմեռային մարզաձեւերի սիրահարները կարող են մարզումներ անցկացնել։ Հետագայում մարզուղին նպատակադրված են առավել ընդլայնել։
Այս պահին Աշոցքում ձյան բարձրությունը հասնում է մինչեւ մեկուկես մետրի, եւ հաշվի առնելով վայրի աշխարհագրական դիրքը՝ իսկապես կարելի է հավակնել, որ այն կդառնա սիրելի ու անփոխարինելի զբոսաշրջային վայր ձմեռային մարզաձեւերի սիրահարների համար՝ դառնալով այլընտրանք Ծաղկաձորին։ Այնտեղ թեպետ միշտ չէ, որ ձնառատ է, բացի այդ, Ծաղկաձորն ավելի շատ նախատեսված է լեռնադահուկային սպորտի համար, իսկ Աշոցքը ազատ դահուկավազքի լավագույն վայր է, ուր կարելի է ժամանել ընտանիքներով ու կոլեկտիվներով։
Նկատենք, որ Շիրակի մարզը դեռեւս խորհրդային տարիներից աչքի է ընկել ձմեռային մարզաձեւերի զարգացմամբ։ Հատկապես Գյումրու մարզիկները տարբեր առաջնություններում լավագույն տեղերն են զբաղեցրել։ Եվ պատահական չէ, որ ձմեռային մարզաձեւերի զարգացման ավանդույթը մարզում վերականգնվում է։
Լուսինե ՆԱԶԱՐՅԱՆ

01-02-2019





03-06-2020
Բնակարանների շուկայական արժեքի եւ գույքահարկի հավասարակշռումն անհրաժեշտ է
Օրերս կառավարությունն ընդունել է որոշում, որով նախատեսվում է 2021 ...


03-06-2020
ԱԺ-ի դերը սահմանադրական փոփոխությունների հարցում
Ինչ խնդիրներ կան խորհրդարանական կառավարման համակարգի կայացման ճանապարհին



03-06-2020
Հայաստանում հաստատվել է COVID-19-ի 515, մահվան 12 նոր դեպք
Հայաստանում հունիսի 3-ին, ժամը 11:00-ի դրությամբ հաստատվել է կորոնավիրուսային ...


03-06-2020
Մայրությունը չի կարող լինել առօրյա
«Եւ մոռցաք այն մխիթարութիւնն որ ձեզ հետ ինչպէս որդիների ...


03-06-2020
Դիմակ կրելն անհրաժեշտ է, բարեկամնե՛ր
Մի քիչ մարդասեր ու կարգապահ լինելը մեզ չի ...


03-06-2020
Որտե՞ղ է ընկել արտասովոր երկնաքարը
Պարզաբանում է Բյուրականի աստղադիտարանի տնօրենը

«Առհասարակ, եթե ...


03-06-2020
Մտքում՝ Աստված, ձեռքին՝ գրիչ
Հայ անվանի գրող Պերճ Պռոշյանի ծննդյան օրվա առթիվ

Սիրում ...



03-06-2020
Միջնադարյան խազերի վերծանման թեման այսօր էլ է օրակարգում
Հայ երաժշտական մտածողության հիմնական ...

03-06-2020
Ուխտագնացություն Բերդաձոր
Մայիսի 30-ին Քաշաթաղի շրջանի մի խումբ ...

03-06-2020
Լիբիայում հակամարտությունները նոր փուլ են մտնում
Լիբիայում շարունակվում են հակամարտությունները, ...

03-06-2020
Լեւոն Արոնյանի հերթական մեկնարկը
Լեւոն Արոնյանը պատրաստվում է մասնակցել շախմատի ...
USD
EURO
RUR
GEL
Եղանակը Երևանում
գիշերը +12... +14
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO