Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.02.2019
ՆԵՐՔԻՆ ԿՅԱՆՔ


Կառավարության ծրագրի քննարկումը՝ առաջիկայում

Պարզաբանումներ է ներկայացրել ԱԺ «Իմ քայլը» խմբակցության ղեկավարը

Իշխող կուսակցության խորհրդարանական խմբակցության ղեկավարը հնարավոր է համարում այս շաբաթ ՀՀ կառավարության ծրագրի քննարկումը Ազգային ժողովում։
«Կառավարության ծրագիրն այս շաբաթ արդեն կքննարկենք... Ենթադրում եմ, բոլոր նախադրյալներն արդեն կան, որ կարողանանք քննարկել»,—լրագրողների հետ զրույցում ասել է «Իմ քայլը» խմբակցության ղեկավար Լիլիթ Մակունցը։
Նա շեշտել է, որ հստակ օր չի կարող նշել։
Անդրադառնալով վերջին շրջանում լայնորեն քննարկվող պետական համակարգում պարգեւատրումների խնդրին՝ նա նշել է, որ ինքնապարգեւատրումների ինստիտուտը վերացնելու անհրաժեշտություն է տեսնում. «Մարզպետների, պետական եկամուտների կոմիտեի եւ մյուս գերատեսչությունների հետ կապված հարցն ուսումնասիրել ենք ոչ թե անձերով ու գերատեսչություններով պայմանավորված, այլ խնդիրը համապարփակ ուսումնասիրելու համար։ Դեռ լուծումների չենք հանգել, քանի որ հավաքագրում ենք տեղեկատվությունը։ Սակայն իմ անձնական կարծիքով՝ ինքնապարգեւատրումների ինստիտուտը պետք է վերանա»։
Նրա կարծիքով՝ դա անհարմարություն է նաեւ այն մարդկանց համար, ովքեր պարգեւատրում են իրենք իրենց։ Մակունցը նաեւ նշել է, որ իրենց համար պարգեւավճարների ինստիտուտը կարեւոր է խրախուսելու, որակյալ մասնագետների արտահոսք չունենալու առումով. «Մյուս կողմից՝ չափազանց կարեւոր է հանրային արձագանքը եւ արդարության զգացումը, որը պարտադիր պիտի պահպանվի ու բալանսավորվի։ Պետք է հասկանանք, թե ինչպիսի գործիքներով պետք է շարժվենք առաջ»։
Ըստ այդմ՝ ՀՀ կառավարությունը մշակելու է պետական համակարգում պարգեւատրումների տրամադրման նոր մեխանիզմներ, որոնցով պարգեւավճարները կտրամադրվեն չափելի չափորոշիչներով։
Լիլիթ Մակունցը տեղեկացրել է, որ «Իմ քայլը» խմբակցությունը փետրվարի 7—ին հանդիպում—քննարկում կունենա ՀՀ ֆինանսների նախարարության հետ։ Օրակարգում են լինելու նաեւ «ՀՀ հարկային օրենսգրքում փոփոխություններ եւ լրացումներ կատարելու մասին» օրենքի նախագծին առնչվող հարցեր։
Նա նշել է, որ իրենց առաջարկները կներկայացնեն ֆինանսների նախարարին կամ նախարարության ներկայացուցիչներին։ Մակունցը կարեւորել է, որ հարկային օրենսգրքի փոփոխության փաթեթը ներկայացնի առանձին հանրային եւ մասնագիտական խմբերի շահերը։
Անդրադառնալով հանդիպման նպատակին՝ խմբակցության ղեկավարն ասել է, որ նախարարության հետ հանդիպելու են նույն օրակարգով, որով հանդիպել են ՊԵԿ—ի նախագահի հետ։ Քննարկելու են պարգեւավճարների հարցը։ «Մեզ համար կարեւոր է հասկանալ՝ արդյոք խնդիրները նույնատի՞պ են, թե՞ ոչ»,–եզրափակել է Մակունցը։
Ինչ վերաբերում է ՀՀ օրհներգը փոխելու շուրջ ծավալված հանրային քննարկումներին՝ խմբակցության ղեկավարն ասել է. «Պաշտոնապես հայտնում եմ, որ խմբակցությունում օրհներգը կամ որեւէ խորհրդանիշ փոխելու հետ կապված օրակարգ չկա»։
Նրա կարծիքով՝ խորհրդանիշները փոփոխելու հարցում պետք է լինեն չափազանց զգուշավոր, եւ չեն կարող ամեն առիթով դիտարկել փոփոխությունների հարցը։

05-02-2019





23-02-2019
Վերեւում Խաչիկն է ու խաչիկցին
Այստեղ առավոտը սկսվում է նախաճաշի գնացող զինվորի երգով



23-02-2019
Երբ վտանգված էր Արցախի ճակատագիրը
Ծնունդ առան պաշտպանական առաջին ջոկատները

Մարտական փառավոր ուղի ...


23-02-2019
Ռազմարդյունաբերություն բաղադրիչի բովանդակային մասը կպահպանվի
Հակոբ Արշակյանը «Իմ քայլին» է ներկայացրել նորաստեղծ նախարարության ...


23-02-2019
«GSP+»—ի ներքո իրականացված արտահանումն աճել է
Դրան նպաստել է նաեւ REX ինքնահավաստագրման նոր համակարգը



23-02-2019
Հայրենիքին ծառայելն առաքելություն է
Հանրապետության նախագահ Արմեն Սարգսյանը երեկ հյուրընկալել է Ն.Ս.Օ.Տ.Տ. Գարեգին ...


23-02-2019
«Մենք չենք պարտվելու եւ պիտի հաղթենք»
Նիկոլ Փաշինյանը հյուրընկալել է Ամենայն հայոց Գարեգին Բ ...


23-02-2019
Հյուրընկալվել է Նիդերլանդների դեսպանը
Հայաստանի խորհրդարանի ղեկավար Արարատ Միրզոյանը երեկ ընդունել է ՀՀ—ում ...



23-02-2019
Առկա ներուժն արդյունավետ օգտագործելը փոխշահավետ կլինի
Վերլուծաբանները կարեւորում են ...

23-02-2019
Արխիվի աշխատանքն ընթանում է բնականոն հունով
Աշխատակիցները լիակատար աջակցություն են ...

23-02-2019
Թեթեւատլետները դժգոհ են մարզումային պայմաններից
Հայաստանի թեթեւատլետները տարեսկզբից արդեն չորս ...

 
23-02-2019
Պատանեկան հավաքականը նորից պարտվեց
Մինչեւ 19 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը 0... -2
ցերեկը +2... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO