Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

23.02.2019
ԶԱՆԱԶԱՆ


Արդյունքները լավատեսություն չեն ներշնչում

Նետաձգության Հայաստանի ձմեռային առաջնության արդյունքները մտահոգել են մարզաձեւի մեր ազգային հավաքականի գլխավոր մարզիչ Բորիս Վասիլյանին։ Մարզիկների մեծ մասի պատրաստականությունը, մեղմ ասած, լուրջ հարցեր է հարուցում՝ անորոշությամբ պատելով առաջիկա միջազգային մրցումներում նրանց հավակնությունները։ Ստեղծված իրավիճակում մարզչին մնում է ապավինել միայն իր փորձին եւ… հրաշքին։
—Ինչպե՞ս եք գնահատում տարվա անդրանիկ մեկնարկի արդյունքները։
—Թերեւս, ավելի տեղին կլինի բավարար գնահատականը։ Ցուցանիշները հիմնականում սպասվածից ցածր էին։ Բարվոք տպավորություն թողեց միայն տղամարդկանց մրցումներում հաղթած Վասիլ Շահնազարյանը։ Իսկ սովորաբար գոհացնող արդյունքներ գրանցող մյուս նետաձիգներն ակնհայտորեն պատրաստ չէին առաջնությանը։
—Ինչո՞վ է դա պայմանավորված։
—Տարբերակները շատ չեն՝ կա՛մ անհրաժեշտ ծավալի մարզումներ չեն անցկացնում, կա՛մ էլ ճիշտ չեն պարապում։ Այլ պատճառ դժվար է նշել։ Կարող ենք, իհարկե, վերագրել տարվա սկզբի գործոնին։ Բայց, կարծում եմ, այդ հարցին ավելի ստույգ կպատասխանեն նրանց անձնական մարզիչները։ Ամեն դեպքում, ընդհանուր պատկերը պարզ է. հիմա կսկսենք աշխատել հավաքական հրավիրված մարզիկների հետ եւ կփորձենք բարելավել նրանց արդյունքները։ Առաջին մեկնարկը միշտ էլ այսպիսին է լինում։
—Նահանջը մե՞ծ է։
—Միջին հաշվով արդյունքները 5—7 նիշով ցածր են սպասվածից։ 18 մետր հեռավորությունից կրակոցների համար դա մեծ տարբերություն է։ Այս մրցաձեւում անգամ 1 միավորը էական նշանակություն ունի։ Իսկ, ասենք, 70 մետրից կրակելու դեպքում դա շոշափելի տարբերություն չէ։ Նշեմ, որ կրակուղի էին դուրս եկել 32 մարզիկ եւ 12 մարզուհի։ Ինչպես արդեն նշեցի, տղամարդկանց հաշվարկում չեմպիոն դարձավ Վասիլ Շահնազարյանը, որի հետ մրցանակային եռյակն ամբողջացրեցին Վիգեն Սմբատյանը եւ Գեւորգ Հազարումյանը։ Աղջիկների մրցումներում հաղթեց Մերի Մխաջրջյանը, իսկ երկրորդ եւ երրորդ տեղերը գրավեցին Իրինա Գրիգորյանը ու Մանե Սահակյանը։ Չեմպիոնուհին իր տարիքի համեմատ բավականին լավ նշանառություն դրսեւորեց։ 15 տարեկանում արդեն սպորտի վարպետի նորմա լրացրեց։
—Մեր նախորդ զրույցի ժամանակ նշել էիք, որ հանրապետական ստուգատեսի արդյունքներով եք ընտրելու Եվրոպայի ձմեռային առաջնության մասնակիցներին։ Արդեն կողմնորոշվե՞լ եք այդ հարցում։
—Առայժմ, կարող եմ ասել միայն, որ փետրվարի 10—ից երկշաբաթյա ուսումնամարզական հավաք ենք անցկացնելու Բաթումում։ Ունենալու ենք օրական երկու մարզում, որոնց ընթացքում շեշտը դնելու ենք նետաձիգների տեխնիկական պատրաստականությանը։ Նաեւ նրանց ֆիզիկական վիճակը կարգավորելու խնդիր կա։ Այնտեղից էլ կմեկնենք Թուրքիայի Սամսուն քաղաք՝ Եվրոպայի առաջնությանը։ Ունենալու ենք երեք մասնակից, սակայն նրանց անունները պատրաստ կլինեմ հրապարակելու որոշ հարցեր ճշտելուց հետո միայն։ Այս պահին աներկբա է միայն Վասիլ Շահնազարյանի մասնակցությունը։ Մյուս երկու մարզիկներին ընտրելու եմ թեկնածուների հնարավորություններն ու արդյունքները եւս մեկ անգամ վերլուծելուց եւ նրանց հետ զրուցելուց հետո։
—Ինչ եք կարծում, կհասցնե՞ք շտկել իրավիճակը։
—Համենայն դեպս, հուսով եմ այդ ընթացքում մյուս երկու մասնակիցներին էլ հասցնել անհրաժեշտ մակարդակին։ Սակայն մեր հիմնական նպատակն է հավուր պատշաճի ներկայանալ հունիսին կայանալիք աշխարհի առաջնությանը, որում խաղարկվելու են օլիմպիական ուղեգրեր։ Մարզիկների առջեւ դրվելու է վարկանիշ նվաճելու խնդիր։ Հոլանդիայում նախատեսված այդ ստուգատեսն անցկացվելու է անհատական եւ թիմային հաշվարկով։ Մտադիր ենք անպայման թիմ ներկայացնել. ամենայն հավանականությամբ դա կլինի տղամարդկանց հավաքականը, քանզի մեր կանանց ընտրանին դեռ բավականաչափ ուժեղ չէ։ Խաղարկվող ուղեգրերի քանակը որոշվելու է համաշխարհային ստուգատեսից անմիջապես առաջ։ Օրինակ, անցյալ անգամ օլիմպիական արտոնագիր էին նվաճել անհատական հաշվարկով 1—33—րդ, իսկ թիմայինում՝ 1—8—րդ տեղեր գրավածները։ Տարվա կարեւոր մրցումներից են Եվրոպական երկրորդ մարզական խաղերը, որոնց մասնակցելու հնարավորություն արդեն, կարելի է ասել, չունենք։ Ընտրական վերջին մրցաշարը տեղի է ունենալու մայիսին Ռումինիայում, բայց ուղեգիր նվաճելը մեզ համար իրական չէ, քանզի անցողիկ են լինելու միայն 1—3—րդ տեղերը։

Հրայր ՆԱԶԱՐՅԱՆ

06-02-2019





23-02-2019
Վերեւում Խաչիկն է ու խաչիկցին
Այստեղ առավոտը սկսվում է նախաճաշի գնացող զինվորի երգով



23-02-2019
Երբ վտանգված էր Արցախի ճակատագիրը
Ծնունդ առան պաշտպանական առաջին ջոկատները

Մարտական փառավոր ուղի ...


23-02-2019
Ռազմարդյունաբերություն բաղադրիչի բովանդակային մասը կպահպանվի
Հակոբ Արշակյանը «Իմ քայլին» է ներկայացրել նորաստեղծ նախարարության ...


23-02-2019
«GSP+»—ի ներքո իրականացված արտահանումն աճել է
Դրան նպաստել է նաեւ REX ինքնահավաստագրման նոր համակարգը



23-02-2019
Հայրենիքին ծառայելն առաքելություն է
Հանրապետության նախագահ Արմեն Սարգսյանը երեկ հյուրընկալել է Ն.Ս.Օ.Տ.Տ. Գարեգին ...


23-02-2019
«Մենք չենք պարտվելու եւ պիտի հաղթենք»
Նիկոլ Փաշինյանը հյուրընկալել է Ամենայն հայոց Գարեգին Բ ...


23-02-2019
Հյուրընկալվել է Նիդերլանդների դեսպանը
Հայաստանի խորհրդարանի ղեկավար Արարատ Միրզոյանը երեկ ընդունել է ՀՀ—ում ...



23-02-2019
Առկա ներուժն արդյունավետ օգտագործելը փոխշահավետ կլինի
Վերլուծաբանները կարեւորում են ...

23-02-2019
Արխիվի աշխատանքն ընթանում է բնականոն հունով
Աշխատակիցները լիակատար աջակցություն են ...

23-02-2019
Թեթեւատլետները դժգոհ են մարզումային պայմաններից
Հայաստանի թեթեւատլետները տարեսկզբից արդեն չորս ...

 
23-02-2019
Պատանեկան հավաքականը նորից պարտվեց
Մինչեւ 19 տարեկան ֆուտբոլիստների Հայաստանի ...
USD
EURO
RUR
GEL
Եղանակը Երևանում
գիշերը 0... -2
ցերեկը +2... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO