Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.07.2019
ՆԵՐՔԻՆ ԿՅԱՆՔ


Ծրագրի ուղղվածությունը թվային ցուցանիշներով չի որոշվում

Կարծիքներ կառավարության ծրագրի նախագծի վերաբերյալ

Այսօր կառավարության ծրագրի նախագիծը կներկայացվի Ազգային ժողով։ Բնականաբար, նախօրեին հրապարակված դրա նախնական տարբերակն արդեն տարբեր արձագանքների է արժանացել։
Երեկ Ազգային ժողովում ՀՀ ֆինանսների նախարար Ատոմ Ջանջուղազյանը լրագրողների հետ զրույցում անդրադարձավ ծրագրի վերաբերյալ հնչած այն քննադատությանը, թե դրանում թվեր ներկայացված չեն։
«Կառավարության ծրագրի նախագծի վերաբերյալ քննադատությունն օրինաչափ է։ Համոզմունք կա նաեւ, որ կարծիքների բախումն ուղղված է լինում դրա բարելավմանը։ Տեսակետը, թե ծրագրում պետք է շատ թվեր լինեն, կամ տեսակետը՝ եթե այս թիվը չկա, ուրեմն ծրագիրը թերի է, որպես բացարձակ ճշմարտություն չի կարող օգտագործվել։ Չկան սահմանված պահանջներ ներկայացվող ծրագրին, հետեւաբար ցանկացած կառավարություն ինքն է որոշում, թե ծրագիրն ինչպիսին պետք է լինի, ինչը պետք է շեշտադրվի եւ ինչ չափով»,—ասաց նախարարը։
Նա նշեց, որ կառավարությունն է որոշում՝ կարեւորը որեւէ թվային ցուցանիշի արտացոլո՞ւմն է, թե՞ քաղաքականության ուղղության հռչակումը եւ ըստ այդմ՝ նաեւ ձգտումը հնարավոր առավելագույն ցուցանիշի հասնելու համար. «Միայն այս կամ այն թվի բացակայությամբ պայմանավորված ծրագրին նման մեկնաբանություն տալը հիմնավորման կարիք ունի։ Եվ կառավարության պատասխանատվությունից խուսափելու մասին խոսելը տեղին չէ»։
ՀՀ Ազգային ժողովի պետական—իրավական հարցերի մշտական հանձնաժողովի նախագահ Վլադիմիր Վարդանյանը նախագիծը համարում է ապագային միտված ծրագիր։ Նա դրանում տեսնում է արտաքին եւ ներքին կյանքին վերաբերող գրեթե բոլոր հարցերը։
«Կառավարության ծրագիրը հայեցակարգային փաստաթուղթ է, այն չի կարող ներառել բոլոր ընթացակարգերը։ Իմ կարծիքով, դրանում քննարկված են ներքին եւ արտաքին կյանքին վերաբերող գրեթե բոլոր հարցերը։ Կան որոշակի հարցեր, որոնք եւս լավ կլիներ, որ տեղ գտնեին։ Սակայն կառավարությունը գուցե փորձի դա իրականացնել աշխատանքային կարգով հետագայում»,–խորհրդարանում լրագրողներին ասաց Վարդանյանը։
ՀՀ կառավարության ծրագրի նախագիծը դրական է գնահատել նաեւ ԱԺ նախկին պատգամավոր Միհրան Հակոբյանը «Tert.am»—ի հետ զրույցում. «Եվ նպատակների թվային արտացոլման բացակայությունը, կարծում եմ՝ վկայությունն է նրա, որ գործող կառավարությունն առաջին անգամ հրապարակում է գործողությունների փաստաթուղթ, որից զգացվում է, որ աշխատելու եւ արդյունքներ գրանցելու տրամադրվածություն ունի։ Մինչ այս պահը գործող կառավարությունն ունեցել է տարատեսակ ծրագրեր, որոնց թվային արտացոլումն անվստահություն է ներշնչել ու խիստ անիրատեսական է եղել։ Իսկ այս փաստաթղթի ոգին ու որակը վկայում է այն մասին, որ կառավարությունը փորձում է խուսափել անիրատեսականությունից եւ առաջ շարժվել արդյունք գրանցելու տրամաբանության ներքո»։
Տնտեսագետ Թաթուլ Մանասերյանի խոսքով, կառավարության ծրագրի նախագծի տնտեսությանը վերաբերող հատվածում ոչ բոլոր ուղղություններն են ներառված. «Զարգացման ծրագրի մասին խոսելիս, նպատակը ավելի հստակ պետք է լինի։ Մինչդեռ, հիմնականում ընդհանուր բնույթի առաջարկներ են։ Մտահոգությունները, խնդիրներն ու սպառնալիքները, որոնք կան Հայաստանում, բացակայում են»։ Նա կարծում է, որ յուրաքանչյուր բաժին պետք է սկսի տեսլականով կամ ընդհանուր տեսլականից բխող խնդիրներով, հետո հաջորդեն հանգուցալուծումները։
Նախագծում նշված «աղքատության հաղթահարում» արտահայտությունն էլ մեջբերելով՝ նկատում է, որ անգամ աշխարհի ամենազարգացած երկրներն աղքատությունը չեն հաղթահարել։ Ասում է, որ աղքատության նվազեցում կարող է լինել. «Մեր երկրում աղքատությունն այսօր 60 տոկոսից ավելի է։ Իմ այդ հարցադրումներն իշխանություններն ընդունել են՝ ե՛ւ ներկա, ե՛ւ նախորդ։ Եթե պաշտոնապես բնակչության 1/3—ն ունենք, շուրջ 30 տոկոս էլ աշխատող աղքատներ ունենք, որոնք աշխատում են, բայց պատշաճ վարձատրություն չեն ստանում ու չեն կարող հաղթահարել աղքատության շեմը կամ ունենալ պարենային նվազագույն զամբյուղը, էլ չեմ խոսում սպառողական զամբյուղի մասին, որն ավելին է։ Այս պարագայում խոսել աղքատության հաղթահարման մասին, կարծում եմ՝ անիրատեսական է»։
Իսկ ընդհանուր առմամբ, Թ. Մանասերյանը տնտեսության առաջնահերթ ճյուղ է համարում գիտությունը։ Այսպես է մեկնաբանում՝ մտավոր կարողությունը միակն է, որն ունի մրցակցային առավելություն. «Այս ոլորտը, կարծում եմ, առաջնահերթ է, որովհետեւ դա է սնուցում ե՛ւ նորարարությունները, ինովացիաները, ե՛ւ տեղեկատվական տեխնոլոգիաները, որոնք իրենց հերթին սնուցում են տնտեսության զարգացումը եւ բերում մրցունակության բարձրացում»։
Թ. ՄՈՒՐԱԴՅԱՆ

08-02-2019





13-07-2019
Կարեւոր ազդակներ Ադրբեջանին ԱՄՆ օրենսդիրներից
Ներկայացուցիչների պալատն ընդունել է հայանպաստ օրենքներ

Լուսինե ՄԽԻԹԱՐՅԱՆ
l.mkhitaryan@hhpress.am


Նախօրեին ...


13-07-2019
Ստամբուլյան կոնվենցիան պաշտոնապես քննարկման առարկա չէ կառավարությունում
Ապրիլյան պատերազմի հարցով ԱԺ հանձնաժողովի եզրակացությունը հանրության համար ...


13-07-2019
«Ամեն մի մարդ ունի կյանքի փիլիսոփայության իր վարքականոնը»
Ջոն Դեւիսոն Ռոքֆելլերը (1839 1937) պատմության մեջ է մտել ...


13-07-2019
«Գիեդանիի պորտը». հարուստի ու աղքատի մշտական հարցը
Լիանա ՍԱՐԳՍՅԱՆ
l.sargsyan@hhpress.am


«Ոսկե ծիրան» 16-րդ միջազգային կինոփառատոնի լիամետրած ֆիլմերի ...


13-07-2019
Հաղթահարելով պատերազմի արհավիրքները
«Լողլողը» ժապավենը երեւանյան մեծ էկրանին է

Լիանա ՍԱՐԳՍՅԱՆ
l.sargsyan@hhpress.am


Լենինգրադ, ...


13-07-2019
«Բժշկական ծառայությունների հասանելիության ապահովումը մեզ համար առաջնահերթություն է»
Վարչապետ Նիկոլ Փաշինյանը շնորհավորել է ԵՊԲՀ շրջանավարտներին

Վարչապետ ...


13-07-2019
Հյուրընկալել է Արմեն Սարգսյանը
Հանրապետության նախագահ Արմեն Սարգսյանը երեկ հյուրընկալել է համաշխարհային ճանաչում ...



13-07-2019
Համամարդկային Չեքիջյանը
Գիտական նստաշրջան՝ նվիրված մաեստրոյի ...

 
13-07-2019
Մշակույթը ճակատագիր է
Հատվածներ Ֆարիդ Զաքարիայի «Ազատության ապագան. ...

13-07-2019
Երեւանում կառուցվում է նոր էլեկտրակայան
Կայացել է կառույցի շինարարական փուլի ...

13-07-2019
Ունենալ տեսլական, ռազմավարություն, գործողությունների ծրագիր. սա է զարգացման ճանապարհը
Նախագահ Արմեն Սարգսյանն ընդունել է ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO