Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.06.2020
ԼՂՀ


Կոմիտասը նրա ոգեւորության, ներշնչանքի աղբյուրն է

Զինծառայող երգչի առաջին մենահամերգը Ստեփանակերտում

Օպերային երգիչ Հովհաննես Կարապետյանը, որը ծնունդով արվեստների քաղաք Գյումրիից է, տարբեր ձեւաչափերով հաճախ է ելույթներ ունենում Արցախում՝ արժանանալով երաժշտասերների ջերմ ընդունելությանը։ Թեեւ Կոմիտասի անվան կոնսերվատորիան ավարտելուց հետո, ընդամենը 7 ամիս է, ինչ զորակոչվել է՝ զինվորական պարտքը կատարելու, կարճ ժամանակահատվածում հանդիսատեսը հասցրել է ունկնդրել նրա աստվածատուր ձայնը եւ մեծ բավականություն ստանալ՝ անթաքույց ուրախանալ երիտասարդ արվեստագետի տաղանդի դրսեւորումներով։
Երեկ մայրաքաղաք Ստեփանակերտում Հ. Կարապետյանի կայացած մենահամերգը վերստին ապացուցեց նրա անսպառ ներուժի եւ բացառիկ ընդունակությունների մասին։ Իսկ համերգային ծրագրում ընդգրկված էին ինչպես հայ, ռուս, այնպես էլ արեւմտաեվրոպական դասականների, նաեւ ժամանակակից կոմպոզիտորների ստեղծագործություններ։ Ընդ որում, միայն երեք երգեր («Մոկաց Միրզա», «Երազ», «Չինար») հնչեցին մեծն Կոմիտասից։ Շուրջ մեկուկես ժամ հանդիսատեսը ոգեւորված ունկնդրեց նրա բարձրարվեստ կատարումները, եւ «քար լռություն» պահպանող դահլիճը տեւական անդորրը բացառապես «խախտում» էր ելույթից հետո՝ արձագանքելով որոտընդոստ ծափերով եւ ուրախ բացականչություններով։
Համերգի ժամանակ հնչեցին Ռախմանինովի («Մի հեռացիր»), Ա. Սպենդիարյանի («Օ՜, վարդեր, ջահել իմ օրերի»), Չայկովսկու («Ոչ մի խոսք, բարեկամ»), Ա. Մայիլյանի («Ծովի երգը»), իտալացի մի շարք կոմպոզիտորների գործեր։ Հ. Կարապետյանի մենահամերգը (նվագակցում էին դաշնակահարներ Կարինե Առաքելյանը, Սվետլանա Ստեփանյանը եւ Պավլիկ Գրիգորյանը) եզրափակվեց «Իմ հայոց Շուշի» (խոսք՝ Դ. Միքայելյանի, երաժշտությունը՝ Ա. Նասիբյանի) ստեղծագործության կատարմամբ։
Նշենք, որ Հովհաննեսը Տաթեւիկ Սազանդարյանի անվան օպերային մեներգիչների 7—րդ, Կոմիտասի անվան հայ երգի հանրապետական, Նոդար Անգուլաձեի անվան օպերային մեներգիչների միջազգային մրցույթների դափնեկիր է։ Մինչեւ բանակ զորակոչվելը նա երգում էր «Տաղարան» պետական համույթում (գեղարվեստական ղեկավար՝ ՀՀ արվեստի վաստակավոր գործիչ Սեդրակ Երկանյան)։ Երիտասարդ արվեստագետը հասցրել է համերգներով հանդես գալ Իտալիայում, Ավստրալիայում, Չեխիայում, Սլովակիայում, Վրաստանում, Ռուսաստանում, Բուլղարիայում...
Ինչպես լրագրողների հետ ճեպազրույցում խոստովանեց Հ. Կարապետյանը, զորացրվելուց հետո մտադիր է մեկնել Եվրոպա՝ «հղկվելու եւ կատարելագործվելու, հագեցնելու ուսման ծարավը»։ Այն հարցին, ով է իր ոգեւորության կուռքը, ումից ավիշ եւ լիցքեր է ստանում, Հովհաննեսը պատասխանեց. «Կոմիտասի ստեղծագործությունները հայ երաժշտության այբուբենն են։ Իմ առաջին երգը «Մոկաց Միրզան» էր, որից խանդավառված կատարել եմ նրա մյուս սքանչելի ստեղծագործությունները։ Տարին հոբելյանական է եւ, բնականաբար, իմ երգացանկում ես առանձնակի տեղ եմ հատկացնելու անմահ արվեստագետի գործերին։ Կարծում եմ, ոչ միայն իմ, այլեւ ճանաչված արվեստագետների, հայ ժողովրդի համար Կոմիտասը ոգեւորության, ներշնչանքի աղբյուր է շարունակում մնալ, եւ երաժշտական արվեստի նրա գոհարները բացառիկ արժեքներ են, որոնցով սնվում ենք ամեն օր, փորձում ինքնամաքրվել եւ անաղարտ պահել մեր հոգիները»։
Դ. ՄԻՔԱՅԵԼՅԱՆ

26-02-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO