Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

28.01.2021
ՆԵՐՔԻՆ ԿՅԱՆՔ


Անհատական մոտեցման խնդիր կա

Նախագծերը ստացան բացասական եզրակացություններ

ՀՀ Ազգային ժողովի պետական-իրավական հարցերի մշտական հանձնաժողովում երեկ բացասական եզրակացություն տրվեց «Լուսավոր Հայաստան» խմբակցության ՀՀ քրեական օրենսգրքում լրացում կատարելու, ինչպես նաեւ «Բարգավաճ Հայաստան» խմբակցության ՀՀ քրեական օրենսգրքում փոփոխություն կատարելու նախագծերին, որոնք վերաբերում էին նախնական կալանքի 1 օրը 1.5 օր հաշվելուն։
«Լուսավոր Հայաստան» խմբակցության ղեկավար Էդմոն Մարուքյանը հիշեցրեց, որ դեռեւս նախորդ գումարման ԱԺ—ում այս նախագիծը ներկայացրվել էր եւ դրական եզրակացություն ստացել պետաիրավական հանձնաժողովում, թեեւ կառավարությունը տվել էր բացասական եզրակացություն։ Այն ներկայացվել էր նաեւ լիագումար նիստում, սակայն նախագծի ընդունման համար պակասել էր ընդամենը չորս ձայն։ Այսօր արդեն, ընդունելով գործընկերների առաջարկությունները, համաձայնել են, որ նախագիծը չունենա ապագայի վրա տարածական ուժ, այլ միայն հետադարձ ուժ։ Առաջարկվող փոփոխությամբ մինչ ՀՀ 2018 թ. նոյեմբերի 1—ը դատարանի դատավճիռն օրինական ուժի մեջ մտնելը նախնական կալանքի մեկ օրը հաշվելու են մեկ ու կես օր։ Առաջարկվում է հաշվարկը կատարել 2004 թ. հունիսի 9—ից։ «Քրեակատարողական հիմնարկներում մարդիկ տարիներով անազատության մեջ են եղել՝ մարդկային արժանապատվությունը նվաստացնող, մարդու իրավունքները խախտող պայմաններում։ Հեղափոխությունից հետո համաներում եղավ, բայց բազմաթիվ դատապարտյալներ այդպես էլ չզգացին փոփոխությունների շունչը։ Մենք համաձայն ենք կառավարության հետ, որ այսօր քրեակատարողական հիմնարկներում չկա գերբեռնվածության խնդիր, այսօր այլ քաղաքականություն է վարվում խափանման միջոցը որպես կալանք ընտրելու կամ ընդհանրապես քրեակատարողական հիմնարկներում մարդու իրավունքները եւ ազատությունը պաշտպանելու առումով։ Մենք կարող ենք մեկ ակտով այս խնդիրը ուղղել»,–նկատեց Մարուքյանը։
Ի տարբերություն «Լուսավոր Հայաստան» խմբակցության նախագծի, «Բարգավաճ Հայաստանն» առաջարկում է մեկ օրը մեկ ու կեսի դիմաց հաշվակցումը տարածել նաեւ հետագայում նախնական կալանքի պահպանման վայրերում գտնվողների համար։ «Այս նախագծով հնարավորություն ունենք կարմիր գիծ քաշելու անցյալում քրեակատարողական հիմնարկներում տեղի ունեցած խոշտանգումների խնդրի վրա, որն արձանագրել է նաեւ Եվրոպայի խորհրդի խոշտանգումների կանխարգելման կոմիտեն»,–ասաց Մարդու իրավունքների պաշտպանության եւ հանրային հարցերի մշտական հանձնաժողովի նախագահ Նաիրա Զոհրաբյանը։ Միեւնույն ժամանակ նա պատրաստակամություն հայտնեց շարունակել քննարկումները ստեղծվելիք աշխատանքային խմբում։
Պետական—իրավական հարցերի մշտական հանձնաժողովի նախագահ Վլադիմիր Վարդանյանի կարծիքով, անհատական մոտեցումն այս հարցին լավագույն լուծումն է, որը թույլ կտա վերականգնել արդարության համապատասխան պահանջները եւ ըստ էության ապահովել մարդու իրավունքների հարգման սկզբունքը եւ պատժի արդարացիությունը՝ ապահովելով քրեակատարողական հիմնարկներում համապատասխան օրենքով նախատեսված ռեժիմի պահպանությունը։ «Եթե չառաջնորդվենք անհատական մոտեցմամբ, ապա ունենալու ենք լրջագույն խնդիրներ, երբ հավասարը համեմատելու ենք ոչ հավասարի հետ, տուժածին, ոչ տուժածի հետ»,–շեշտեց նա։
«Իմ քայլը» խմբակցության պատգամավոր Նիկոլայ Բաղդասարյանն էլ անհրաժեշտ համարեց վիճակագրական տվյալների առկայությունը՝ հասկանալու համար այն անձանց շրջանակը, որոնց վերաբերելու են օրենքը եւ օրենքի կիրառման դեպքում հնարավոր հետեւանքները։ Նա նույնպես խնդիրը անհատական մոտեցման ճանապարհով լուծելու կողմնակից է, ինչը մտնում է նաեւ անցումային արդարադատության գործիքակազմի մեջ։
«Լուսավոր Հայաստան» խմբակցության հաջորդ նախագիծը միտված էր փաստաբանների իրավունքների պաշտպանությանը, սակայն Է. Մարուքյանի կողմից նախագծի քննարկումը հետաձգվեց։
Լուսինե ՄԽԻԹԱՐՅԱՆ

01-03-2019





27-01-2021
Իրական սեփականատերերի բացահայտումն ու խնդիրները
ՏՄՊՊՀ-ն համալիր ուսումնասիրել է հանքարդյունաբերության ոլորտը

Որ Հայաստանի ...


27-01-2021
Վաշինգտոնն ու Մոսկվան տրամագծորեն հակառակ հայացքներ ունեն
Մի շարք քաղաքական ուղղություններում

Այն, որ ԱՄՆ-ի նորընտիր ...


27-01-2021
Անե՞ծք, թե՞ օգուտ
«Հյուսիսային հոսք-2» նախագիծը մասնատում է Եվրոպան

Գերմանական «Handelsblatt»-ը ...


27-01-2021
Կփլուզվի՞, արդյոք, դեռ վերջնականապես չկայացած «Ջրային գերտերությունը»
Երաշտը եւ վատնումները Թուքիային զրկում են իր երազանքների նախագծերից


27-01-2021
Հայ ռազմագերիների վերադարձի հարցը՝ ԵԽԽՎ օրակարգի լուսանցքում
Ադրբեջանն այս անգամ եւս չի ենթարկվում պատասխանատվության

Ստրասբուրգում ...


27-01-2021
«Ես Հայաստանի հողի ամեն թիզին սիրահարված եմ…»
Իսկ նրա երաժշտությանն ամենքն են սիրահարված

«Հայի համար ...


27-01-2021
Առակաց խորհուրդ. Քրիստոսի առակները
Սողոմոն արքան միայն նմանակն էր մեր Վարդապետ Քրիստոսի. «Հարաւի ...



27-01-2021
Փաշինյանն անթույլատրելի է համարում դատական համակարգի քաղաքականացման փորձերը
ՀՀ վարչապետ Նիկոլ Փաշինյանն անընդունելի է համարում ...

27-01-2021
Արմեն Սարգսյանի առողջական վիճակում առկա է դրական դինամիկա
Նոր տիպի կորոնավիրուսով վարակված ՀՀ նախագահ Արմեն ...

27-01-2021
Բյուջեն սոցիալական ուղղվածություն ունի
Աջակցության ծրագրերը կշարունակեն օրակարգում մնալ ...

27-01-2021
Շրջակա միջավայրի նախարարն անդրադարձել է Ամուլսարի խնդրին
ՀՀ շրջակա միջավայրի նախարարությունը Ամուլսարի ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO