Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.06.2020
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Ոչ մի որոշում՝ առանց Հայաստանի մասնակցության

ՍԾՏՀ խորհրդարանական վեհաժողովի աշխատանքը արդյունավետ է գնահատվել

Ստամբուլում օրերս կայացած Սեւծովյան տնտեսական համագործակցության խորհրդարանական վեհաժողովի աշխատանքները ՀՀ ԱԺ պատվիրակության անդամ Անուշ Բեղլոյանը դրական եւ շատ արդյունավետ գնահատեց՝ նշելով, որ հանդիպումը թեեւ տեխնիկական բնույթ է կրել, բայց հնարավորություն է տվել վեհաժողովի անդամներին ծանոթանալու, քննարկելու տարաբնույթ հարցեր։ Ներկայացնելով վեհաժողովի աշխատանքների վերաբերյալ մանրամասներ՝ Բեղլոյանն ընդգծեց՝ այսպիսի հանդիպումների ժամանակ շատ կարեւոր է նաեւ պատվիրակության անդամների ծանոթությունն ու շփումը։
«Աշխատանքային այցի ընթացքում բովանդակալից զրույցներ են եղել ռուսական եւ հունական պատվիրակությունների հետ։ Խոսակցություններ են ընթացել այլ երկրների, այդ թվում՝ Սերբիայի, Թուրքիայի, Ուկրաինայի, Ադրբեջանի ներկայացուցիչների հետ։ Ափսոս, որ ոչ բոլոր պատվիրակություններն էին ներկա»,–երեկ հրավիրված ասուլիսի ժամանակ ասաց Բեղլոյանը՝ տեղեկացնելով, որ հանդիպմանը փոխգործակցության ծրագրեր այս անգամ չեն եղել։ Ըստ նրա՝ Հայաստանի խորհրդարանը նոր շունչ կհաղորդի կազմակերպությունում իր մասնակցությանը եւ ավելի կակտիվացնի համագործակցությունը։ Այս կերպ հնարավոր կլինի ներառել եւ բերել մեր երկիր զարգացման ծրագրեր։ «Խորհրդարանական վեհաժողովում Հայաստանի խորհրդարանը պետք է ավելի ակտիվ գործի»,—շեշտեց նա՝ տեղեկացնելով, որ այս պահին կողմերը նախապատրաստվում են Սեւծովյան տնտեսական համագործակցության ԽՎ գլխավոր քարտուղարի ընտրություններին։
Հայաստանի ներկայությունը Սեւծովյան տնտեսական համագործակցության խորհրդարանական վեհաժողովում, պատգամավորի դիտարկմամբ, կարեւոր է այն իմաստով, որ Հայաստանն այդպիսով կարողանում է կանխել մեր երկրի համար արտաքին քաղաքականության տեսակետից անբարենպաստ, ոչ արդյունավետ, նաեւ թշնամական ինչ—ինչ գործողություններ։ Հիշելով այն պատմությունը, որ տարիներ առաջ կազմակերպությունում առանց Հայաստանի մասնակցության որոշումներ էին կայացվում, Բեղլոյանն ընդգծեց՝ իրենք դեմ են նման մոտեցմանը, բացասական են վերաբերվում, եւ այսպիսի շփումներն ու անհասկանալի գործողությունները բացառում են նորընտիր խորհրդարանի պատվիրակության պրակտիկայում. «Հայաստանը, լինելով հիմնադիր անդամ, մեծ ազդեցություն ունի որոշումներ կայացնելու վրա։ Մեր երկիրը կազմակերպության նույնպիսի անդամ է, ինչպես ցանկացած այլ երկիր, եւ ունի «վետոյի» իրավունք»։ Լրագրողները հետաքրքրվեցին, թե Ադրբեջանի եւ Թուրքիայի պատվիրակների հետ հանդիպման ժամանակ ինչի՞ մասին են խոսել, Բեղլոյանը պատասխանեց, որ պաշտոնական միջավայրում է շփվել, եւ օրակարգի հարցերից դուրս ոչ մի այլ խոսակցություն չեն ունեցել։ Նախորդ պատվիրակության գործունեությունը նույնպես չի շոշափվել, քանի որ, նրա խոսքով, այն դիրքորոշումը, որ Հայաստանն ունի այս վեհաժողովում, բխում է բացառապես մեր երկրի շահերից եւ աղերսներ չունի նախորդ կամ ներկա պատվիրակությունների առանձնահատկությունների հետ։ Անդրադառնալով առաջիկա աշխատանքներին՝ պատգամավորը տեղեկացրեց, որ ապրիլի 16—17—ը Երեւանում տեղի կունենա մշակութային հարցերով կոմիտեի նիստ։ Հայկական կողմն այս պահին, Բեղլոյանի խոսքով, չունի այնպիսի նախաձեռնություններ, որոնք Հայաստանի մասնակցությամբ կամ առանց նրա իրականացվում են տարածաշրջանում։ Միայն նշեց, որ այս օրերին ծրագիր է իրականացվում Գյումրիում՝ ուղղված բարձր տեխնոլոգիաների զարգացմանը։
Լիանա ՍԱՐԳՍՅԱՆ

13-03-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO