Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.06.2020
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Հայաստանը կանգնած է Արցախի թիկունքին

Ադրբեջանում հարձակողական զորավարժություն, ԼՂՀ—ում՝ խաղաղության ուղիների որոնում

«Ադրբեջանը պետք է փորձի «տակից դուրս գալ», պատասխան քայլ գտնել»,–«ՀՀ»—ի հետ զրույցում նման տեսակետ հայտնեց քաղաքական վերլուծաբան Արմեն Բաղդասարյանը՝ մեկնաբանելով ՀՀ վարչապետ Նիկոլ Փաշինյանի ելույթը՝ երեկ Հայաստանի եւ Արցախի անվտանգության խորհուրդների համատեղ նիստում։
Ըստ նրա՝ Փաշինյանը կարեւոր արձանագրում է արել այն իմաստով, որ համանախագահների ուղերձն ուղղված էր ոչ միայն եւ ոչ այնքան հայկական կողմին, որքան ադրբեջանական կողմին. «Նա արձանագրում է, որ հայկական կողմը պարտավորությունների իր բաժինն իրականացրել է, եւ հիմա հերթը Ադրբեջանինն է։ Խնդիրն այն է, որ երբ մենք խոսում ենք հասարակություններին խաղաղության նախապատրաստելու մասին, հասկանալի է, որ իրականում խոսում ենք հասարակություններին փոխզիջումների պատրաստելու մասին։ Ադրբեջանի իշխանություններն են, որ դեռեւս իրենց հասարակությանը փոխզիջումների չեն պատրաստել, չեն փորձել իրենց հասարակությանը բացատրել, որ Արցախի անկախությունն այլեւս անխուսափելի է, եւ իրենք պետք է համակերպվեն այդ մտքի հետ, որովհետեւ համանախագահների ուղերձում հենց այդ մասին բավականին հստակ, բաց տեքստով գրված է»։
Վերլուծաբանի խոսքերով, երբ Նիկոլ Փաշինյանը համարձակություն ունեցավ հայտարարելու, որ պետք է այնպիսի լուծում գտնել, որը ձեռնտու լինի ոչ միայն հայկական, այլեւ ադրբեջանական կողմին, կարեւոր դիտարկում էր այն առումով, որ Ադրբեջանի իշխանությունները դեռեւս համարձակություն չունեն նույն բանն ասել հայերի առնչությամբ։ «Հենց դրա համար եմ ասում, որ, փաստորեն, գնդակն Ադրբեջանի դաշտում է,–նկատեց Բաղդասարյանը՝ ավելացնելով, որ կարեւոր էր ոչ միայն ՀՀ վարչապետի հայտարարությունը, այլեւ այն փաստը, որ հայտարարությունը արվել է Արցախում.–Այսինքն՝ այն պահին, երբ Ադրբեջանը հարձակողական սցենարով զորավարժություն է իրականացնում, Հայաստանի՝ ԼՂՀ անվտանգության երաշխավորի գերագույն գլխավոր հրամանատարն անհրաժեշտ է համարում այդ հայտարարությունն անել հենց Արցախում։ Դրանով արձանագրվում է, որ Հայաստանը ցանկացած՝ նույնիսկ ամենաբացասական սցենարի դեպքում կանգնած է Արցախի թիկունքին։ Մենք միասնական ենք եւ մենք անվտանգության հիմնական երաշխավորն ենք։ Կարծում եմ՝ այս ուղերձն էր ամենակարեւորը»։
Արմեն Բաղդասարյանը բարձրաձայնում է՝ Փաշինյանը ցույց տվեց, որ բոլորս պատրաստ եղել ենք, պատրաստ ենք ու պատրաստ կլինենք մինչեւ վերջ կանգնել Ղարաբաղի թիկունքին. «Ինչ—որ իմաստով կարեւոր ուղերձ էր, որ եթե անգամ ասում եք՝ Արցախը չպետք է մասնակցի բանակցություններին, միեւնույն է, ցանկացած քայլ, բանակցային ցանկացած նորություն քննարկվելու է Արցախի իշխանությունների, ժողովրդի հետ։ Վարչապետը հենց դա էլ ցույց տվեց»։
Իսկ դիտարկմանը, թե որոշ դեպքերում ՀՀ վարչապետի դիրքորոշումը որակվում է կոշտ, որը կարող է հանգեցնել պատերազմի՝ մեր զրուցակիցը պատասխանեց, որ պատերազմի վերսկսման հավանականության մեծ կամ փոքր լինելը ելույթների հռետորաբանությունից կախված չէ։ Ասում է՝ այնպես չէ, որ եթե մենք մեղմ դիրքորոշմամբ հանդես գանք, արդյունքում պատերազմի հավանականությունը կփոքրանա. «Խնդիրը դա չէ։ Պատերազմի հավանականությունը փոքրանում է այնքանով, որքանով մենք պատրաստ ենք պատերազմի, եւ որքանով Ադրբեջանը վստահ է, որ հաջողության չի հասնելու։ Եթե նրանք վստահ լինեն, որ ռազմական գործողություններով հաջողության կհասնեն, անմիջապես պատերազմ կսկսեն՝ անկախ մեր դիրքորոշումից, անկախ միջնորդների գնահատականներից։ Մեր հասարակությունը միշտ պետք է պատրաստ լինի պատերազմի։ Հայաստանն ամեն օր, ամեն ժամ այդ գիտակցությունն ունեցել է։ Ասվում է՝ եթե խաղաղություն ես ուզում, պատրաստվիր պատերազմի։ Միշտ էլ այդպես ենք արել ու վատ չենք արել, որովհետեւ հակառակ դեպքում ռազմական գործողությունները վաղուց կվերսկսվեին»։
Ղարաբաղի՝ բանակցային սեղանի շուրջ վերադառնալու հայկական կողմի մոտեցումը Ադրբեջանի ցավագին ընդունելու մասով էլ նշեց. «Եթե ուզում եք բանակցային գործընթացն արդյունավետ լինի, շատ ավելի իրատեսական է, եթե Արցախը մասնակցի բանակցային գործընթացին։ Եթե չեք ուզում՝ դուք գիտեք, բայց այդ դեպքում բանակցություններն այդքան արդյունավետ չեն լինի։ Դա քմահաճույք չէ։ Ադրբեջանը շուտ կընդունի դա՝ շատ ավելի լավ, ուշ կընդունի՝ ավելի դանդաղ կընթանան բանակցությունները»։ Բայց որ վաղ թե ուշ ընդունելու են, ըստ Արմեն Բաղդասարյանի, դրանում որեւէ կասկած լինել չի կարող։
Թամարա ՄՈՒՐԱԴՅԱՆ

13-03-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO