Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.11.2019
ԵՐԵՎԱՆ


Կատարվում է թույլ տրված սխալի սրբագրում

Արդյունքում կշահի մայրաքաղաքի մշակութային միջավայրը

Այո, վերջին երկու տասնամյակում հայոց մայրաքաղաքում շինարարական վերելք գրանցվեց։ Երեւանում բարձրացան նոր տիպի կառույցներ՝ նոր տեխնոլոգիաներով եւ նոր շինանյութերով։ Հնարավոր չէ ասել, որ դրանք լավը չեն, գեղեցկություն չեն հաղորդում մայրաքաղաքին։ Սակայն դրա հետ մեկտեղ թույլ տրվեց մի բան, որը քաղաքաշինական կանոններով չպիտի թույլ տրվեր. կառուցապատվեցին տարածքներ, որոնք չպետք է հայտնվեին կառույցների տակ։ Օրինակները բավական շատ են, բայց առավել ճչացողը օպերայի եւ բալետի թատրոնի հարակից այգու կառուցապատումն է։ Առանձին տնտեսավարողներ ցանկացան երեւանցիների համար ձգող ուժ ունեցող այդ տարածքում սպասարկման փոքրիկ կետեր տեղադրել։ Քաղաքի այն ժամանակվա իշխանությունը, տրամաբանված համարելով մարդաշատ այդ վայրում սուրճ, թեյ ըմպելու, թեթեւ ուտեստ ճաշակելու հնարավորություն ստեղծելու առաջարկը, ընդառաջեց։ Առաջին կետերը շատ չէին եւ իրենց գրաված տարածքով բավական համեստ էին։ Սակայն մարդկային խառնվածքին հատուկ է ոտքի տեղ անելուց հետո այն հնարավորինս ընդարձակելու ձգտումը։ Ճիշտ այդպես եղավ օպերային թատրոնի այգու պարագայում։ Շահութաբեր տնտեսավարությունը վերածվեց բիզնեսի՝ տարածքի վրա հրավիրելով նաեւ այլ տնտեսավարողների ուշադրությունը։ Արդյունքում՝ կարճ ժամանակամիջոցում տարածքը դարձավ սրճարանառեստորանային կենտրոն՝ կանաչ տարածքները ծածկելով բետոնե հարթակներով։ Ով ինչպես կարողացավ կառուցապատեց իր վարձակալած տարածքը, բավականին գեղեցիկ ու գրավիչ շինություններ էլ ստեղծվեցին, սակայն դրանից չշահեց մեր մշակույթի փարոս թատրոնի շենքը։ Այն հայտնվեց սրճարանառեստորանային գրոհի ագրեսիվ շրջափակման մեջ։ Ավելին, թափ առած մղձավանջի անթափանց վարագույրի հետեւում կառուցվեցին նաեւ անօրինական շինություններ։
Օպերայի շենքը միայն Ֆրանսիայի հրապարակի կողմից է ամբողջովին տեսանելի, մնացած որ անկյունից էլ մոտենաս թատրոնին, պիտի նախ հաղթահարես սրճարաններով ձեւավորված նեղ թունելները, ճաշակես դրանց «հրապույրը», ապա նոր հայտնվես թատրոնամերձ հրապարակում՝ Ազատության հրապարակում։ Ազատության հրապարակն իսկական իմաստով վաղուց ազատ չէ։ Դա նորմալ չէ եւ չէր կարող հավերժ շարունակվել։ Ահա եւ տարածքի օրինական տերը՝ Երեւանի քաղաքապետարանը, անսաց այն տրամաբանությանը, որ դարավոր մշակույթ ստեղծած ժողովուրդն իրավունք չունի մշակութային իր փարոսը պահել կենցաղային առօրյա ժամանցային միջավայրում։ Խմբագրվում, սրբագրվում է ժամանակին թույլ տրված սխալը։ Քաղաքապետարանը որոշել է օպերային թատրոնի շենքն ազատել մշակույթի հետ կապ չունեցող ավելորդություններից եւ տարածքը կանաչապատել շենքին վայել մակարդակով։
Սպասելի էր, որ քանդվող կառույցների տերերը հենց այնպես չեն զիջի իրենց դիրքերը, թեեւ դեկտեմբերի սկզբին նրանք նախազգուշացվել են, որ իրականացվելու է օրինականության վերականգնման ծրագիր, լավ կլինի, որ իրենք սեփական միջոցներով հեռացնեն գույքը, ազատեն տարածքը։ Սկսված գործընթացն արժանացավ մոլեգին հակազդեցության։ Դժգոհողների գլխավոր հիմնավորումը բազմաթիվ մարդկանց աշխատատեղերից զրկելն է։ Բայց կա պետություն, կա օրենք, կա տրամաբանություն։ Երեկ դժգոհողներն այլեւս փողոց չէին փակում, վեճի ու քաշքշուկի չէին բռնվում կարգը պահպանողների հետ, եւ քանդման աշխատանքները կատարվում էին առանց խոչընդոտների։ Ինչպես հայտնի դարձավ, նրանք որոշել են վեճը լուծել իրավական ճանապարհով։ Սա է նորմալ պաշտպանվելու միակ եղանակը։ Այսպես է հնարավոր գտնել սեփական իրավունքը պաշտպանելու որեւէ այլընտրանք։
Նշենք, որ առայժմ քանդվում—հեռացվում են այն կառույցները, որոնք գտնվում են Ազատության հրապարակի շրջագծին մոտ, այն հատվածում, որտեղ նախատեսված է ձեւավորել գազոնային գոտի։ Մնացած կառույցների հարցը կլուծվի ըստ սեփականատերերի ունեցած վարձակալման պայմանագրերի ժամկետների։
Հ. Գ. Ազատության հրապարակում բավականին մեծ թվով մարդիկ հետեւում էին քանդման աշխատանքներին։ Նրանց զրույցներում եւ հայացքներում տիրապետողը օպերային թատրոնի արտաքին միջավայրն ավելորդությունից մաքրելու՝ քաղաքապետարանի որոշման խրախուսումն էր։
Պետրոս ՍԱՐՈՒԽԱՆՅԱՆ
Լուսանկարը՝ հեղինակի

16-03-2019





15-11-2019
Հետկանչի ինստիտուտի ներդրման անհրաժեշտությունը
Որքանով այն կնպաստի ուղիղ ժողովրդավարության ամրապնդմանը

Լուսինե ՄԽԻԹԱՐՅԱՆ
l.mkhitaryan@hhpress.am


Արդարադատության ...


15-11-2019
Նոր դասագրքերի հիմքում կդրվի քննական մտածողություն
Ո՞ր ուղղությամբ է փոխվում կրթական համակարգը

Լիանա ՍԱՐԳՍՅԱՆ
l.sargsyan@hhpress.am


Վերջին ...


15-11-2019
Հայոց գրականության երկու դարը եւ իր մեկնաբանը
Ակադեմիկոս Սերգեյ Սարինյանի ցանկությունների ցանկությունն էր՝ գրականագիտությունը տեսնել ...


15-11-2019
Դեռ ոչինչ պարզ չէ, երբ դիվանագիտությունը դրական ու լայն ժպիտով է
Սա պետք է դադար համարել եւ շարունակել պայքարը ...


15-11-2019
45.8 մլն եվրոյի վարկ՝ պակասուրդի ֆինանսավորմանը
Գործադիրը հավանություն տվեց համաձայնագրի ստորագրմանը

Արմենուհի ՄԵԼՔՈՆՅԱՆ
a.melqonyan@hhpress.am

Գործադիրը երեկվա ...


15-11-2019
Արտոնություններ ալյուրի եւ հագուստի արտադրության համար
Գործադիրը կայացրեց համապատասխան որոշումները

Արմենուհի ՄԵԼՔՈՆՅԱՆ
a.melqonyan@hhpress.am


«Պրոյեկտ ինտեր-ինվեստ» ընկերության ...


15-11-2019
Հայ քաղաքացիների ապագան Հայաստանում է
Աջակցություն կտրամադրվի Գերմանիայից կամավոր վերադարձած մեր հայրենակիցներին

Գերմանիայում ...



15-11-2019
Ադամ Սահակյանի անվան դպրոց՝ Արցախի Տանձուտում
Ազատագրված հողի վրա ապրող յուրաքանչյուր ...

15-11-2019
Անտրամաբանական պահանջներից մինչեւ «հուսադրող» մերժում
Աշխատատեղի մասին հայտարարությունը միշտ ...

15-11-2019
Հայաստանում առկա բարձր տնտեսական տրամադրությունը հույս է տալիս, որ 2020-ին կմեծացնենք տնտեսական աճի տեմպերը
Վարչապետ Նիկոլ Փաշինյանը մասնակցել է ...

15-11-2019
Երեկ պարտվեցինք, սպասենք այսօրվան
Մինչ Հայաստանի ֆուտբոլի ազգային հավաքականն ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO