Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.05.2019
ԱՇԽԱՐՀ


Ողբերգություն Նոր Զելանդիայում

Երկու մզկիթների վրա հարձակումներից զոհվել է հինգ տասնյակ մարդ

Նոր Զելանդիայի Քրայսթչերչ քաղաքում ողբերգություն է տեղի ունեցել։ Քաղաքի երկու մզկիթներում հրաձգության հետեւանքով զոհվել է հինգ տասնյակ մարդ, բազմաթիվ մարդիկ վիրավորվել կամ վնասվել են։ Հրաձիգներից մեկը՝ ավստրալական ծագմամբ 28—ամյա Բրենթոն Տարանտը, 17 րոպե տեսահաղորդում է վարել նախքան մզկիթում մարդկանց վրա կրակելը։ Պատահարից առաջ նա գրել է 37 էջանոց հռչակագիր, որում բացատրել է, թե ով է ինքը եւ ինչու է հրաձգություն իրականացրել։ Ականատեսները հայտնում են, որ գրոհի պահին մզկիթներում եղել է մոտավորապես 200 եւ 300 մարդ համապատասխանաբար։
Դրանից հետո կրակոցներ են հնչել։ Հրաձգությունից հետո մզկիթների մերձակայքում կայանված ավտոմեքենաներում հայտնաբերվել են մի քանի ինքնաշեն պայթուցիկ սարքեր, որոնցից ոչ մեկը գործի չէր դրվել։
Նոր Զելանդիայի վարչապետ Ջասինդա Արդեռնը հայտարարել է, որ մզկիթներում հրաձգության հետ կապված երկու միջադեպն էլ ահաբեկչական գործողություն են։ «Սա Նոր Զելանդիայի պատմության ամենասեւ օրերից մեկն է»,–հավելել է նա։ Մզկիթի վրա կատարված գրոհից հետո ձերբակալվել է չորս մարդ՝ երեք տղամարդ եւ մեկ կին։
Զինված հարձակում գործած անձանց զենքի վրա տարբեր լեզուներով, այդ թվում՝ վրացերեն, հայերեն գրություններ կան։
Դրա մասին վկայում են դեպքի առնչությամբ տարածված տեսանյութերը։
ՀՀ ԱԳՆ խոսնակ Աննա Նաղդալյանը ի պատասխան «Արմենպրեսի» հարցման՝ արդյոք Հայաստանի համապատասխան մարմիններն ուշադրության տակ առել են այն հանգամանքը, որ Նոր Զելանդիայում մզկիթների վրա զինված հարձակում գործած անձանց զենքի վրա տարբեր լեզուներով, այդ թվում՝ հայերեն գրություն կա, ասել է. «Մենք կապի մեջ ենք Նոր Զելանդիայի պատկան մարմինների հետ՝ դեպքի հետ կապված բոլոր հարցերի շուրջ»։
ՀՀ արտաքին գործերի նախարարությունը նաեւ դատապարտել է ահաբեկչական հարձակումներն ու ցավակցություն հայտնել Նոր Զելանդիայի ժողովրդին։
«Խորը վշտով մենք մեր անկեղծ ցավակցությունն ենք հայտնում Նոր Զելանդիայի մեր գործընկերներին եւ ժողովրդին՝ կապված ավելի քան 40 անմեղ մարդկանց կյանքը խլած ողբերգության հետ։ Այս սգո օրը մենք Նոր Զելանդիայի ժողովրդին մեր համերաշխությունն ենք հայտնում՝ դատապարտելու բռնությունը եւ ահաբեկչությունը»,–ասված է ՀՀ ԱԳՆ—ի թվիթերյան միկրոբլոգում։
Այդ առթիվ ցավակցական հեռագրեր են հղել նաեւ ՀՀ վարչապետ Նիկոլ Փաշինյանը եւ նախագահ Արմեն Սարգսյանը։

16-03-2019





22-05-2019
Փաստաթղթերն ընդունել ամեն օր
Հորդորել է ՀՀ ԿԳ նախարարը դպրոցների տնօրեններին

Երեւանի ...


22-05-2019
Հայաստանն ու բամբակի մշակումը. օգո՞ւտ, թե՞ անհեռատես շռայլություն
Մոտ կես դար հետո կրկին աճեցնում ենք այս ...


22-05-2019
Կառավարությունում քննարկվել են ընտանիքի ապահովության գնահատման համակարգի բարեփոխման հարցեր
Վարչապետ Նիկոլ Փաշինյանի մոտ երեկ քննարկվել են ընտանիքների ապահովության ...



22-05-2019
Հարեւան երկրում ատելության քարոզը շարունակվում է
Հայաստանը կողմ է մարդասիրական ...

22-05-2019
Սպառնո՞ւմ է գույքի օտարումը ազգային ակադեմիային
Պատգամավորը հանդես է եկել օրենսդրական ...

22-05-2019
Մխիթարյանը չի մեկնի Բաքու
Լոնդոնի «Արսենալը» պաշտոնական հայտարարությամբ ...
USD
EURO
RUR
GEL
Եղանակը Երևանում
գիշերը +12... +15
ցերեկը +23... +25

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO