Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.06.2019
ԳԻՏՈՒԹՅՈՒՆ


Անցումային շրջանից դեպի թռիչք

Աշխարհի լավագույն փորձագետները կլինեն մեզ մոտ

Կարճ ժամանակ անց մեր երկրում երկու խոշոր գիտաժողով է կազմակերպվելու։ «Էվոլյուցիա եւ արհեստական բանականություն» խորագրով գիտաժողովը կանցկացվի մարտի 29—ից ապրիլի 3—ը, իսկ «Էկոնոմիկայի եւ քաղաքականության մոդելավորումը օպտիմալ զարգացման համար» գիտաժողովը նախատեսված է ապրիլի 1—2—ին։ «Էվոլյուցիա եւ արհեստական բանականություն» խորագրով գիտաժողովին բացման խոսքով հանդես կգա ՀՀ նախագահ Արմեն Սարգսյանը։
Այդ օրերին մեր երկրում կլինեն աշխարհի լավագույն փորձագետները՝ Ճապոնիայի եւ Չինաստանի համար մեկ փորձագետները, լավագույն կենսաբաններից Եվգենի Կունինը, Շվեյցարիայի լավագույն ֆինանսական մաթեմատիկ, ծագումով ֆրանսիացի Դիդիե Սոռնեն եւ այլք։ Նախատեսվում են նաեւ տեսակապով դասախոսություններ։
Գիտաժողովներն իրականացվում են Արտեմ Ալիխանյանի անվան ազգային գիտական լաբորատորիայի կողմից՝ ՀՀ կառավարության (հանձին փոխվարչապետ Տիգրան Ավինյանի), Առաջատար տեխնոլոգիաների ձեռնարկությունների միության (ԱՏՁՄ) եւ «Աջակցություն ՓՄՁ զարգացմանը Հայաստանում» ծրագրի աջակցությամբ։
Համանախագահներն են Գերմանիայի դարձյալ լավագույն տնտեսագետներից, կառավարության կոնսուլտանտ Թոմաս Լյուքսը եւ Արտեմ Ալիխանյանի անվան ազգային գիտական լաբորատորիայի առաջատար գիտաշխատող, գիտությունների դոկտոր Դավիթ Սահակյանը։
«ՀՀ»—ի հետ զրույցում Դավիթ Սահակյանն ասաց, որ ինքը ֆիզիկոս է, աշխատում է բարդ համակարգերի տեսության ուղղությամբ։ Եվ այս պահին իր հետաքրքրությունը էվոլյուցիայի տեսությունն է։ Մեր զրուցակիցը նաեւ լայն կապեր ունի աշխարհում։ Եվ ահա քանի որ Հայաստանում հեղափոխություն է տեղի ունեցել, որոշել է պահն օգտագործել տնտեսության օպտիմալ զարգացման համար։ «Այդ հարցով սկսեցի զբաղվել ամառվա վերջին։ Այդ ժամանակ կառավարությունը դեռ չէր խոսում տնտեսական հեղափոխության մասին։ Կապ հաստատեցի տարբեր մարդկանց հետ՝ առաջարկելով մտածել, գիտաժողով կազմակերպել երկրների օպտիմալ զարգացման մասին, դրանից օգուտ քաղել Հայաստանի համար։ Բավականին լուրջ մարդիկ համաձայնեցին գալ»,– պատմեց նա՝ ավելացնելով՝ քանի որ բարձր դասի գիտաժողով է, գիտական հեղինակավոր պարբերականներից մեկը հոդված է տպագրելու։
«Ընդհանուր տեսություն ենք տալու օպտիմալ զարգացման մասին։ Կլինեն զեկուցումներ՝ ինչպե՞ս են տարբերում, ասենք, օրինակ՝ առողջ զարգացումը, կայուն զարգացումը անառողջ զարգացումից, ի՞նչ է սպասվում համաշխարհային էկոնոմիկային»,–մեկնաբանեց նա՝ ընդգծելով, որ այդ ամենի մասին խոսելու են աշխարհի լավագույն փորձագետները։
Հարցին՝ ի՞նչ գիտեն հյուրերը Հայաստանի մասին, մեր զրուցակիցը պատասխանեց, որ նրանք իր գիտական գործընկերներն են, միայն մի քանիսն են նոր մարդիկ։ Իսկ ինքը ներկայացնում է ֆիզիկայի ինստիտուտի տեսական բաժինը, որը եղել է աշխարհի ամենաբարձր մակարդակով գիտություն։ Այնպես որ, հավատացնում է՝ բոլորի հետ շփվում ենք հավասարը հավասարի պես։
Դավիթ Սահակյանը միաժամանակ ընդգծում է, որ քաղաքականությունից հեռու մարդ է եւ չի ուզում որեւէ մեկին քննադատել։ Իր գաղափարը հետեւյալն է՝ կառավարությանը պետք է տալ կոնկրետ առաջարկներ։ Իսկ կառավարությունը հակված է լսելու նրանց խորհուրդները։
Սահակյանը նկատում է, որ Հայաստանը հիմա անցումային շրջանում է, ու կա՛մ թռիչք ենք գործելու դեպի վեր, կա՛մ ջախջախվելու ենք։ «Եկեք ամեն ինչ անենք, որ դեպի առաջին տարբերակը գնանք։ Ես բոլոր փորձագետներին կոչ եմ անում՝ անկախ քաղաքական հայացքներից, այս հարցում օգնել կառավարությանը»,–բարձրաձայնում է նա՝ շեշտելով, որ իսկապես բոլորիս համար պահը վճռական է։
Թամարա ՄՈՒՐԱԴՅԱՆ

26-03-2019





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO