Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.06.2019
ԱՐՏԱՔԻՆ ՔԱՂԱՔԱԿԱՆՈՒԹՅՈՒՆ


Չարչրկված հռետորաբանությունը շարունակվում է

Ալիեւի հայտարարությունները հաստատում են, որ իրենք են եղել ապրիլյան պատերազմի սանձազերծողը

Ադրբեջանի նախագահ Իլհամ Ալիեւը շարունակում է ռազմատենչ հայտարարությունները։ Երեկ Ադրբեջանի բանակի հատուկ նշանակության ուժերի զորամաս այցի ժամանակ նա հայտարարել է, որ պատերազմը դեռ չի ավարտվել, առաջին փուլն է ավարտված։ Ալիեւն ասել է նաեւ, որ հակամարտությունը պետք է լուծվի Ադրբեջանի տարածքային ամբողջականության շրջանակներում, իսկ բանակցությունների նպատակը համարել է, իր ձեւակերպմամբ, ադրբեջանական տարածքների ազատագրումը։
Թեմայի շուրջ «ՀՀ»—ն զրուցել է քաղաքագետ Նարեկ Մինասյանի հետ։
–Պարո՛ն Մինասյան, փաստորեն, ադրբեջանական կողմը պատերազմի նոր փուլերի՞ է պատրաստվում։ Ի՞նչ է նշանակում «առաջին փուլն է ավարտված» ձեւակերպումը։
–Դա նշանակում է, որ Ադրբեջանի իշխանությունները դեռեւս չեն հրաժարվել հակամարտության ռազմական լուծման տարբերակից, ինչը պետք է արձանագրել։ Նման հայտարարությունների վրա, կարծում եմ, պետք է մեծ ուշադրություն դարձնեն նաեւ համանախագահները, ովքեր խոսում են հանրություններին խաղաղության նախապատրաստելու կարեւորության մասին։ Տվյալ դեպքում տեսնում ենք, որ Ադրբեջանի իշխանություններն առաջնորդվում են այլ տրամաբանությամբ ու այլ գերակայություններով, եւ Ալիեւի հայտարարությունները, ըստ էության, եւս մեկ անգամ հաստատում են, որ հենց Ադրբեջանն է եղել ապրիլյան պատերազմի սանձազերծող եւ ագրեսոր կողմը։ Ըստ էության նաեւ դա է հաստատվում, ինչի վրա եւս պետք է ուշադրություն դարձնեն։ Ադրբեջանի իշխանությունը փորձում է նաեւ ղարաբաղյան հակամարտությունն օգտագործել սեփական քարոզչական նպատակներով, այդ թվում ամրապնդելով սեփական դիրքերը։ Իհարկե, հայկական կողմը հստակ ցույց տվեց, մասնավորապես Դավիթ Տոնոյանի հայտարարությամբ, եւ քայլեր է ձեռնարկում ցույց տալու միջազգային հանրությանը եւ առաջին հերթին Ադրբեջանին, որ Հայաստանի հետ ուժի դիրքերից խոսելն ուղղակի անիմաստ է։
–Այս անգամ էլ, փաստորեն, Ադրբեջանի նախագահը հակամարտության լուծման երեք սկզբունքներից առանձնացրեց այն, ինչն իրեն է ձեռնտու՝ տարածքային ամբողջականության սկզբունքը։ Խնդրեմ Ձեր մեկնաբանությունը։
–Բնականաբար, երեք սկզբունքներն ու վեց տարրերը ընտրողաբար մեկնաբանելն Ադրբեջանի ավանդական մոտեցումներից է, եւ, իհարկե, դա որոշակիորեն աղավաղում եւ խեղաթյուրում է հակամարտության գործընթացում առաջ քաշված սկզբունքներն ու տարրերը, թերեւս դրանով է նաեւ պայմանավորված, որ ՀՀ վարչապետը եւս առաջ քաշեց գաղափարը, որ անհրաժեշտ է միանման մեկնաբանել երեք սկզբունքներն ու վեց տարրերը։ Տարիներ շարունակ Ադրբեջանը փորձում է միակողմանիորեն եւ սեփական շահերից ելնելով որոշակի մեկնաբանություններով հանդես գալ։ Հետաքրքիր է նաեւ այն հանգամանքը, որ բանակցությունների շրջանակում Ադրբեջանը խոսում է այլ լեզվով, սակայն վերադառնալով Բաքու, այդ երկրի իշխանությունները հանդես են գալիս այլ մեկնաբանություններով, եւ նախօրեին Փաշինյանի՝ «Ֆեյսբուքի» ուղիղ եթերում նման ակնարկներ կային։ Կարելի է ենթադրել, որ Վիեննայում Ալիեւի բառակազմը էապես տարբերվել է հետո արված հայտարարություններից։ Իհարկե, նման պրակտիկան պատիվ չի բերում եւ խոսում է անսկզբունքայնության մասին։ Այդպիսի պրակտիկան պետք է դադարեցնել, որովհետեւ պատճառաբանելը, թե ներքին լսարանի համար են արվում մեկնաբանությունները, հիմնավոր չեն։ Այսօր ցանկացած նմանօրինակ հայտարարություն կարող է վնասել բանակցային գործընթացին։
–Ալիեւը Փաշինյանի հետ հանդիպումը կարեւորել է «այդ թվում՝ բանակցությունների գոյություն ունեցող ձեւաչափի հաստատման տեսանկյունից»։
–Կարեւոր արձանագրում պետք է լինի, բանակցային ձեւաչափի վերաբերյալ քննարկում եղել է, ըստ էության պետք է դրանով հաստատենք, որ հայկական կողմի առաջ քաշած հարցը մտել է օրակարգ։ Ադրբեջանը, եթե մինչ այդ անգամ չէր ուզում լսել այդ մասին, որովհետեւ ամեն կերպ մերժում էր, այդուհանդերձ, հայկական կողմը կարողացավ Վիեննայի հանդիպման օրակարգ մտցնել այդ հարցը։ Դա բավականին կարեւոր է՝ հաշվի առնելով այն հանգամանքը, որ բանակցությունները ընթանում էին ԵԱՀԿ Մինսկի խմբի համանախագահների միջնորդությամբ։ Երկրորդ արձանագրումը հետեւյալն է՝ հայկական կողմը տվյալ հարցը բարձրաձայնելիս այնքան միամիտ չէր, որ մտածեր՝ Արցախը մեկ օրում կամ մեկ հանդիպման ընթացքում հնարավոր է՝ վերադառնա բանակցային սեղանի շուրջ, իհարկե՝ ոչ։ Դա միայն հայկական կողմից կախված չէ։ Երկարատեւ գործընթաց է, եւ անհրաժեշտ են հետեւողական ջանքեր, որպեսզի ինչ—որ պահ համանախագահների, նաեւ Ադրբեջանի մոտ ամրապնդվի ընկալումը, որ առանց Արցախի լիարժեք մասնակցության հնարավոր չէ առաջ շարժվել բանակցային գործընթացում, հնարավոր չէ ունենալ արդյունավետ բանակցություններ։ Հայկական կողմը, իհարկե, այդ ուղղությամբ քայլեր իրականացրել է եւ իրականացնում է։ Եվ հնչում են նաեւ մեկնաբանություններ, թե տեսեք՝ Վիեննայի հանդիպմանը ներկա չէր Արցախի Հանրապետության ներկայացուցիչը, հետեւաբար, ադրբեջանական կողմին հաջողվեց հաղթել։ Իհարկե, դա միամտություն եւ պարզունակ մոտեցում է տվյալ խնդրին։
–Բանակցությունների ձեւաչափի փոփոխության մասին մեր կողմից խոսք չկա։ Այս պարագայում ի՞նչ հաստատման մասին է Ալիեւի խոսքը։
–Ադրբեջանը քարոզչական աշխատանք է տանում, որպեսզի ցույց տա, թե իբր հայկական կողմը փորձում է փոխել ձեւաչափը։ Ալիեւի կողմից որոշակի մանիպուլյացիաներ են արվում։ Օրակարգում ձեւաչափի փոփոխության հարց չկա եւ, իհարկե, չի էլ կարող լինել։ Ընդհակառակը, հայկական կողմը միշտ հանդես է եկել ձեւաչափի պահպանման ուղղությամբ։ Մինչդեռ Ադրբեջանը տարիներ շարունակ փորձել է եւ այսօր էլ փորձում է որոշակի փոփոխությունների ենթարկել միջնորդական ձեւաչափը։ Գաղտնիք չէ, որ ամեն կերպ փորձում են համանախագահ դարձնել նաեւ Թուրքիային, փորձում են ղարաբաղյան հակամարտության կարգավորման գործընթացը տեղափոխել միջազգային այլ հարթակներ։ Իսկ հայկական կողմը ոչ միայն պնդում է, որ բանակցությունները պետք է ընթանան ԵԱՀԿ Մինսկի խմբի համանախագահների հովանու ներքո, այլեւ պնդում է, որ արդյունավետ բանակցությունների համար պետք է վերականգնել դրա լիարժեքությունը։ Ինչպե՞ս կարելի է բանակցել մի խնդրի վերաբերյալ, որի հիմնական կողմը չի մասնակցում այդ բանակցություններին։ Դա տրամաբանական չէ։ Խոսքը լեգիտիմության եւ մանդատի սկզբունքների մասին է։ Տվյալ պարագայում արցախի ժողովուրդը վստահության քվեն տվել է իր իշխանությանը, եւ, հետեւաբար, նա պետք է ներկայացնի Արցախի ձայնը։
Թամարա ՄՈՒՐԱԴՅԱՆ

03-04-2019





26-06-2019
Հայաստանը յուրաքանչյուր հայի հայրենիքը պիտի դառնա գործնականում
Հարցազրույց սփյուռքի գործերի գլխավոր հանձնակատար Զարեհ Սինանյանի հետ



26-06-2019
Պոլսո հայոց պատրիարքի ընտրություններին ընդառաջ
Թեկնածուն թուրքական իշխանությունների համար ընդունելի պետք է լինի

Թամարա ...


26-06-2019
Վիճակը նետված է վաղուց
Ողջ ազգը սեւեռվում է վիճակի վրա

Թադեւոս ԽԱՉԱՏՐՅԱՆ
t.khachatryan@hhpress.am

Մեկ-մեկ ...


26-06-2019
Այսուհետ գործելու ենք փոփոխված հարկային օրենսգրքով
Մինչեւ աշնանային նստաշրջան օրենսդիրը կներկայացնի նոր փոփոխություններ

Լուսինե ՄԽԻԹԱՐՅԱՆ
l.mkhitaryan@hhpress.am




26-06-2019
Դիվանագիտական խողովակներով կհստակեցվեն Մակրոնի՝ Հայաստան պետական այցի ժամկետները
Հարցազրույց Ֆրանսիայում ՀՀ դեսպան Հասմիկ Տոլմաջյանի հետ

Ֆրանսիայի ...


26-06-2019
Հենրիկ Բաբախանյան
Կար ժամանակ, երբ ես տարիքով կրտսեր էի իրենցից. հիմա ...


26-06-2019
Հայերը գնահատում են գիտությունն ու կրթությունը
Հանրապետության նախագահ Արմեն Սարգսյանն առաջարկել է գիտության ու ...



26-06-2019
«Խաղաղության ամենամեծ բրդուճը» կպատրաստվի Ենոքավանում
Տեղի կունենա ամենամյա «ՀայԲույս» ...

26-06-2019
Պարտադիր չէ՝ բոլորը երաժիշտ դառնան
Մայրաքաղաքի ու մարզերի երաժշտական ու ...

26-06-2019
Նոր սահմանափակումները՝ ընդդեմ կառավարման ողջ համակարգի
Էմմա ԲԵԳԻՋԱՆՅԱՆ
e.begijanyan@hhpress.am



26-06-2019
Հայաստանի ֆուտբոլի ընտրանու հաղթաթուղթը
Հարձակվող Գեւորգ Ղազարյանի կարծիքով, դա ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO