Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.06.2019
ԱՅԼՔ...


Ազատության եւ «մանիպուլյացիայի» արանքում

ԱԱԾ-ն պայքարելու է կեղծ օգտատերերի դեմ

Գործադիր իշխանության ղեկավարը երեկվա նիստում հայտարարեց, որ մեր երկրում խոսքի եւ տեղեկատվության ազատությունը երաշխավորված է, բայց «որոշ հանցավոր շրջանակներ միլիոններ են ծախսում սոցցանցերում, լրատվամիջոցներում հասարակական կարծիքի մանիպուլացիաներ անելու համար»։
Այնուհետեւ նկատելով, որ դա ազգային անվտանգության խնդիր է, դիմեց ԱԱԾ տնօրենին՝ հույս հայտնելով, որ ծառայությունը կկարողանա այս հարցում ապահովել կոնկրետ արդյունքներ։ «Այդ մանիպուլյացիաները պետք է շատ կոշտ հակահարված ստանան»,–ասաց վարչապետը։ Միաժամանակ երկրորդեց, որ Հայաստանի Հանրապետությունում խոսքի եւ արտահայտվելու ազատության իրավունքը կասկածի տակ չի դրվում. «Սա անառարկելի արժեք է մեզ համար եւ կարմիր գիծ է, որ մենք չենք կարող անցնել»։
Նիստից հետո լրագրողները ցանկացան որոշ պարզաբանումներ ստանալ ԱԱԾ տնօրենից՝ ինչ է դա նշանակում, ինչպես է տարվելու այդ պայքարը։ Ի պատասխան՝ Արթուր Վանեցյանը պարզաբանեց, որ կեղծ օգտատերերի՝ «ֆեյքերի» դեմ պայքարը պետք է լինի շատ զգույշ, մտածված։ «Ու եթե գրառումների մեջ, լինի ֆեյք թե սովորական անձ, չլինի հանցակազմ, այդտեղ իրավապահ մարմինները որեւէ գործունեություն իրականացնելու առիթ չեն ունենա»,–նշեց Վանեցյանը։
Իսկ եթե գրառման մեջ հանցակազմ կա, այդ դեպքում ԱԱԾ—ն ու մնացած իրավապահ մարմինները «պարտավոր են արձագանքել եւ իրականացնել համապատասխան միջոցառումներ, որպեսզի կանխեն ու բացահայտեն այդ հանցագործությունը»։
Հարց է ծագում՝ «մանիպուլյացիա» ասվածի տակ ի՞նչ է հասկացվելու։ «Մանիպուլյացիան այն է, որ արտահայտությունները կամ գրառումները, որոնք արվում են, այն թեմաները, որոնք տարածվում են սոցցանցերում անանուն օգտատերերի կողմից, կարող են հասարակության շրջանում բերել այնպիսի տրամադրություններ, որոնք կարող են հանգեցնել ինչ—ինչ հետեւանքների»,—բացատրեց Վանեցյանը։ Հետո, երբ կրկին հարցադրումներ հնչեցին, ԱԱԾ տնօրենը հստակեցրեց, թե չի ուզում մտնել բառախաղի մեջ, բայց շեշտեց՝ գործընթացը կատարվելու է «շատ ուշադիր, շատ զգույշ, որեւէ դեպքում չի վնասվելու խոսքի ազատությունը»։
Իսկ ի՞նչ ձեւով է տարվելու պայքարը՝ օրենսդրական փոփոխությա՞մբ, թե՞... «Այս պահին պատրաստ չեմ այդ հարցին պատասխանել,–ասաց ԱԱԾ տնօրենը,–տեսաք, նոր տեղի ունեցավ այդ խոսակցությունը, հարցերը նոր առաջացան, այդ իսկ պատճառով թողեք, որ մի քիչ ուսումնասիրենք եւ բոլոր հուզող հարցերին կպատասխանենք։ Վարչապետն իր հանձնարարության վերջում շատ կարեւոր հայտարարություն արեց, որ այդ բոլոր աշխատանքները պետք է կատարվեն այնպես, որ հանկարծ վնաս չտրվի խոսքի ազատությանը, դա ամենակարեւոր սկզբունքն է, որին մենք հետեւելու ենք»։

Կաշառք տվողը չէ հայտնողը

Անդրադարձ եղավ առանձնապես խոշոր չափերով կաշառք վերցնելու մեջ մեղադրվող առողջապահության նախարարի տեղակալ Արսեն Դավթյանի ձերբակալության հարցին։ «Առողջապահության փոխնախարարը ձերբակալվել է կաշառք ստանալու պահին, մնացածը քննությունը ցույց կտա»,—առայժմ այսքանն ասաց Վանեցյանը։
Իսկ ինչո՞ւ կաշառք տվողը չի ձերբակալվել, նա՞ է եղել ԱԱԾ—ին հայտնողը։ «Եթե կաշառք տվողը ԱԱԾ—ին նախօրոք ասեր, նրա նկատմամբ մեղադրանք չէր առաջադրվի եւ կազատվեր պատասխանատվությունից»,—հնչեց պատասխանը։
Այդ դեպքում ինչո՞ւ է կաշառք վերցնողը կալանավորվել, իսկ տվողը՝ ստորագրությամբ բաց թողնվել։ «Առաջադրվել է մեղադրանք, բայց հաշվի առնելով նրա առողջական վիճակն ու տարիքը՝ խափանման միջոցը կալանք չի ընտրվել»,—պարզաբանեց Վանեցյանը։
Հ. Գ. ԱԱԾ տնօրեն Արթուր Վանեցյանը խոսելով մոր՝ Մարգարիտ Ազարյանի, վարչապետի աշխատակազմի կադրերի եւ անձնակազմի կառավարման վարչության պետի պաշտոնից ազատման մասին՝ նկատեց, որ չի ուզում այդ հարցը քննարկել, քանզի վարչապետի որոշումները առհասարակ չեն քննարկվում, դրանք պետք է կատարվեն։
Այո, բայց այդ ազատումը շատերը հենց Վանեցյանի դեմ քայլ են համարում։ «Որոշումը հրապարակված է կառավարության պաշտոնական կայքում, ազատվել է իր դիմումի համաձայն»,–ասաց ԱԱԾ տնօրենը։
Լրագրողները դիտարկեցին, որ վարչապետի խոսնակն այլ բան է ասել։ «Վարչապետի խոսնակի մեկնաբանությունը ես որեւէ կերպ մեկնաբանելու ցանկություն չունեմ։ Ինչ ասվել է, ասվել է։ Այս գործընթացը մի անձնավորեք։ Իմ մայրն աշխատել է պետական համակարգում շատ երկար տարիներ, երբ ես դպրոցական եմ եղել, նա շարունակել է աշխատել պետական համակարգում այն ժամանակ, երբ ես նշանակվել եմ ԱԱԾ տնօրեն, եւ իմ աշխատանքն ու իմ մոր աշխատանքը իրար մի կապեք»,—եզրափակեց ԱԱԾ տնօրենը։
Արմենուհի ՄԵԼՔՈՆՅԱՆ

05-04-2019





26-06-2019
Հայաստանը յուրաքանչյուր հայի հայրենիքը պիտի դառնա գործնականում
Հարցազրույց սփյուռքի գործերի գլխավոր հանձնակատար Զարեհ Սինանյանի հետ



26-06-2019
Պոլսո հայոց պատրիարքի ընտրություններին ընդառաջ
Թեկնածուն թուրքական իշխանությունների համար ընդունելի պետք է լինի

Թամարա ...


26-06-2019
Վիճակը նետված է վաղուց
Ողջ ազգը սեւեռվում է վիճակի վրա

Թադեւոս ԽԱՉԱՏՐՅԱՆ
t.khachatryan@hhpress.am

Մեկ-մեկ ...


26-06-2019
Այսուհետ գործելու ենք փոփոխված հարկային օրենսգրքով
Մինչեւ աշնանային նստաշրջան օրենսդիրը կներկայացնի նոր փոփոխություններ

Լուսինե ՄԽԻԹԱՐՅԱՆ
l.mkhitaryan@hhpress.am




26-06-2019
Դիվանագիտական խողովակներով կհստակեցվեն Մակրոնի՝ Հայաստան պետական այցի ժամկետները
Հարցազրույց Ֆրանսիայում ՀՀ դեսպան Հասմիկ Տոլմաջյանի հետ

Ֆրանսիայի ...


26-06-2019
Հենրիկ Բաբախանյան
Կար ժամանակ, երբ ես տարիքով կրտսեր էի իրենցից. հիմա ...


26-06-2019
Հայերը գնահատում են գիտությունն ու կրթությունը
Հանրապետության նախագահ Արմեն Սարգսյանն առաջարկել է գիտության ու ...



26-06-2019
«Խաղաղության ամենամեծ բրդուճը» կպատրաստվի Ենոքավանում
Տեղի կունենա ամենամյա «ՀայԲույս» ...

26-06-2019
Պարտադիր չէ՝ բոլորը երաժիշտ դառնան
Մայրաքաղաքի ու մարզերի երաժշտական ու ...

26-06-2019
Նոր սահմանափակումները՝ ընդդեմ կառավարման ողջ համակարգի
Էմմա ԲԵԳԻՋԱՆՅԱՆ
e.begijanyan@hhpress.am



26-06-2019
Հայաստանի ֆուտբոլի ընտրանու հաղթաթուղթը
Հարձակվող Գեւորգ Ղազարյանի կարծիքով, դա ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO