Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.04.2019
ՏՆՏԵՍՈՒԹՅՈՒՆ


Մեծացել է երկրի ներդրումային գրավչությունը

Ո՞ր ոլորտներում են ծրագրերն իրատեսական

Գործարարության խթանման ոլորտը, ներդրումային դաշտը, բիզնես միջավայրի բարելավումը ՀՀ կառավարության առաջնահերություններից են, եւ այս ուղղությամբ կառավարության անդամները մշտապես հայտնել են իրենց պատրաստակամությունը երկկողմ քննարկումներ ծավալելու գործարար շրջանակների հետ։
Սփյուռքահայ մի խումբ գործարարներ օրեր առաջ ՀՀ վարչապետ Նիկոլ Փաշինյանին են ներկայացրել տարբեր ներդրումային ծրագրեր եւ դրանց շուրջ քննակումներ ծավալել։ Սփյուռքահայ ներդրողների խմբի պատվիրակության ղեկավար, Հայաստանի գործատուների հանրապետական միության նախագահ Գագիկ Մակարյանը նշել էր, որ արտերկրից մոտ ժամանակներս պատրաստվում են Հայաստան ժամանել նոր ներդրողներ, եւ գոհունակություն է հայտնել ներդրողների շրջանում նկատվող ակտիվությունից։ Ի՞նչ ուղղությամբ են դեպի Հայաստան նոր ներդրումներն ուղղվելու, եւ գործարարների հետ ինչպիսի ընթացք են ունեցել գործարար բանակցությունները, զրուցեցինք Գագիկ Մակարյանի հետ։
Նախատեսվող ներդրումային ծրագրերը հիմնականում ուղղվելու են էներգետիկայի, շինարարության, նորագույն տեխնոլոգիաների ոլորտներին։ Խոսքը վերաբերում է գազատուրբինների վրա էլեկտրաէներգիայի ստացմանը՝ Իրանի սահմանի վրա ՀԷԿ—ի կառուցմանը, արեւային էներգետիկային եւ բիոթերմիկ ստորգետնյա տաք ջրերի օգտագործման հնարավորություններին։
«Այս նախագծերը դեռ ուսումնասիրման փուլում են եւ մեր գործընկերները խոստացան ուսումնասիրել Հայաստանի հնարավորությունները»,–հայտնեց Գագիկ Մակարյանը՝ նշելով, որ սփյուռքահայ գործընկերները հետաքրքրված են նաեւ երկրի քաղաքաշինության, կառուցապատման ոլորտով։ Մասնավորապես, նախատեսվում է շուրջ 20 մլն ներդրում կատարել, կառուցել առանձնատներ։ Երրորդ ոլորտը, որով գործարարները զրուցել են կառավարության անդամների հետ, ուղղված է եղել նորագույն տեխնոլոգիաներին։ Նշվել է, որ Հայաստանն ունի ներուժ դիտարկվելու որպես տեխնոլոգիական զարգացած ՏՏ պրոդուկտ արտահանող երկիր՝ օգտագործելով նաեւ Հայաստան—ԵԱՏՄ, Հայաստան—ԵՄ համագործակցության հնարավորությունները։ Ընդհանուր ներդրումային ծավալը 750 մլն դոլար է, որից 100 մլն դոլարը ակնկալվում է մինչեւ տարեվերջ ներդնել։
Մի քանի ամսից կներկայացվեն ծրագրերի նախագծերը, այդ ուղղությամբ մրցույթ կհայտարարվի։ Գագիկ Մակարյանի տեղեկացմամբ, որքան էլ սփյուռքահայ ներդրողները, հանդիպել ու զրուցել են կառավարության անդամների հետ եւ հայտնել իրենց հետաքրքրությունն եւ ցանկությունը Հայաստանում ներդրումներ իրականացնելու, այդուհանդերձ ,իրենք պետք է որոշակի ընթացակարգեր անցնեն՝ մասնակցելով պետգնումների մրցույթներին։ Ներդրողներն ԱՄՆ —ի մեր հայրենակիցներն են, ի տարբերություն օտարերկրյա ներդրողների, նրանք ավելի հստակ գիտեն Հայաստանի օրենսդրությունն ու բիզնես միջավայրը։ Ի տարբերություն Եվրոպայի հայ գործարարների՝ ՌԴ ներդրողներն ավելի զգուշավոր են դարձել։ Սակայն, ընդհանուր առմամբ, հեղափոխությունից հետո ներդրողների շրջանում ակտիվությունը մեծացել է որոշ գործոնների պատճառով։ Դրանցից կարեւորները, ըստ զրուցակցիս, կոռուպցիայի եւ ստվերի նվազումն է, մենաշնորհային դաշտի վերացումը, բիզնես միջավայրի բարելավումը։
Ինչպես նկատեց Մակարյանը, նախկինում այս առումով խնդիրներ կային եւ էականորեն խոչընդոտում էին նոր ներդրումների ներգրավմանը։ Այժմ իրավիճակն այլ է. «Այս ներդրողները բավական բանիմաց են, հստակ տիրապետում են ֆինանսների եւ բիզնեսի կառավարման հմտություններին»։
Բացի այդ, նա մի կարեւոր նկատառում ընդգծեց։ Հայաստանն աշխարհում այն եզակի երկրներից է, որը կոնֆլիկտներ չունի աշխարհի երկրների հետ գործարարության տեսնակյունից։ Նախ երկիրը պատժամիջոցների մեջ չէ, ունի ԵԱՏՄ—ի հետ հանգիստ գործակցելու իրավունք, ԵՄ—ի հետ ազատ առեւտրի ռեժիմում է, ԱՄՆ—ի հետ ունի GSP համակարգ, Իրանի հետ ազատ տնտեսական առեւտրի գոտի, ԵՄ—ի հետ GSP+ համակարգ։ Այս ամենը վկայում է, որ Հայաստանը կարող է դառնալ նաեւ լավագույն հարթակ պրոդուկտների մշակման եւ արտահանման համար։
750 մլն դոլարը, որը կարող է աճել, ակնկալվում է ներդնել 3 տարվա ընթացքում։ Ինչպես վերը նշեցինք, եթե մրցույթում ներդրողները բոլոր ընթացակարգերն անարգել անցնեն, ապա ծրագրի ներդրման արդյունքում մինչեւ տարեվերջ կբացվեն 300—400 աշխատատեղեր։ Ներդրումային ծրագրեր են սպասվում նաեւ Ֆրանսիայից եւ Չինաստանից։ Ընդհանուր ծավալը կկազմի 50 մլն դոլար։
Ըստ Հայաստանի գործատուների հանրապետական միության նախագահի, իրենք ներդրումային դաշտին խոչընդոտող գործոնների վերաբերյալ փաստաթուղթ են ներկայացրել ՀՀ կառավարություն։ Որքան էլ Հայաստանը փորձում է մեծացնել հետաքրքրությունը ներդրումային դաշտի նկատմամբ, այդուհանդերձ, կան խնդիրներ, որոնք խոչընդոտում են ներդրումային դաշտի բարելավմանը։ Դրանցից Գագիկ Մակարյանն առանձնացրեց մի քանիսը՝ հավասար պայմանների ապահովումը, տեղական եւ օտարերկրյա ներդրողներին արտոնություններ տրամադրելը, օրենքով չարգելված ցանկացած տնտեսական ճյուղում ներդրումային ծրագրեր իրականացնելու հնարավորությունների մեծացումը, մտավոր արդյունաբերական սեփականության իրավունքի պաշտպանության ապահովումը եւ այլն։
Լուսինե ՆԱԶԱՐՅԱՆ

10-04-2019





19-04-2019
Միավորողը նույն պատմական անցյալն է
Մի օր Սերբիայի խորհրդարանը կճանաչի Հայոց ցեղասպանությունը

Հայ-սերբական ...


19-04-2019
Հայաստանին պայմանների թելադրումն անընդունելի է
Ադրբեջանի պահվածքը չի նպաստում փոխվստահության մթնոլորտին

Ադրբեջանի ԱԳ ...


19-04-2019
Ում է խանգարում ՊՎԾ պետը
Դավիթ Սանասարյանը կասկածների մասին չի հնչեցնում

Պետական վերահսկողական ...


19-04-2019
Կնախաձեռնվեն սահմանադրական փոփոխություններ
«Լուսավոր Հայաստանը» եւ «Բարգավաճ Հայաստանը» եւս պատրաստակամ են ...


19-04-2019
Կարգավորումը կարող է լինել միայն քաղաքական
ԱԳ նախարար Զոհրաբ Մնացականյանի հարցազրույցը ֆրանսիական «Լը Ֆիգարո» ...


19-04-2019
Հանդիպումներ նախագահի նստավայրում
Հանրապետության նախագահ Արմեն Սարգսյանը երեկ հյուրընկալել է Հայաստանի Հանրապետության ...


19-04-2019
Վարչապետն ընդունել է ԱՄՆ կոնգրեսականների պատվիրակությանը
Վարչապետ Նիկոլ Փաշինյանը երեկ ընդունել է ԱՄՆ կոնգրեսականների պատվիրակությանը, ...



19-04-2019
Կառուցվածքային փոփոխություններից ոչ բոլորն են գոհ
Մտահոգությունները վերաբերում են ...

19-04-2019
«Խելոք» կովերի համար՝ «խելացի» անասնաշենքեր
Գոմատիրոջը մնում է քաղել ...

19-04-2019
Որ Երեւանը կրիտիկական Նեապոլ չդառնա
Ինչ առաջարկեց Երեւանի քաղաքապետն ու ինչ ...

19-04-2019
Մարզադպրոցներում կան լուծման սպասող շատ հարցեր
Մեր թերթում ՀՀ վաստակավոր մարզիչ Պողոս Գրիգորյանի ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO