Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.06.2019
ՄՇԱԿՈՒՅԹ


«Ուրախությունից կգոռամ երեւի»

Այսպես կարձագանքի Հայաստանի ներկայացուցիչը «Եվրատեսիլում» հաղթելու դեպքում

Համաեվրոպական երգի ամենամյա մրցույթին՝ «Եվրատեսիլին» մեկ ամիս է մնացել։ Մրցույթը կանցկացվի Թել Ավիվում, մայիսի 14—ին, 16—ին եւ 18—ին։
Ինչպե՞ս են ընթանում նախապատրաստական աշխատանքները։ Մրցույթի հայաստանյան ներկայացուցիչը՝ Սրբուհի Սարգսյանը (Սրբուկ) իր օրակարգի, անելիքների ու զգացողությունների մասին պատմեց «ՀՀ»—ին։
—Կարճ ժամանակ անց Ձեզ կտեսնենք «Եվրատեսիլի» բեմին։ Ի՞նչ զգացողություններ ու հույզեր ունեք, հատկապես որ երկրորդ կիսաեզրափակիչում հանդես եք գալու առաջին համարի ներքո։
—Իսկապես կարճ ժամանակ է մնացել, չափազանց կարճ (ժպտում է)։ Զգացողություններս ինչպես մրցույթի նախապատրաստական սկզբնական փուլում, այնպես էլ հիմա չափազանց խառն են։ Նույնիսկ հիմա ավելի եմ դժվարանում նկարագրել, թե ինչ եմ զգում ու որքան դժվար է միշտ կազմ—պատրաստ լինել՝ երգելու, պարելու, նկարահանվելու, հարցազրույց տալու համար։ Այս շարքն անվերջ է… Ինչ վերաբերում է առաջինը ելույթ ունենալուն, ապա դա վստահաբար ավելացնում է պատասխանատվության զգացումը։
—Նախապատրաստական աշխատանքները ո՞ր փուլում են, ամբողջությամբ պատրա՞ստ եք արդեն մրցույթին։
—Այժմ գտնվում եմ փրոմո—տուրերի շրջանում։ Նոր եմ վերադարձել Ամստերդամից, շուտով մեկնելու եմ Մադրիդ։ Զուգահեռաբար նախապատրաստվում ենք բեմական ելույթիս՝ անվերջ փորձեր, նկարահանումներ, էլի փորձեր՝ վոկալի, բեմական շարժուձեւի, հագուստի։
—«Եվրատեսիլի» յութուբյան պաշտոնական էջում «Walking out» տեսահոլովակը այս պահի դրությամբ ամենաշատ դիտումներ եւ հավանումներ ունեցողներից է։ Դա հաղթանակի համար կանխատեսումներ անելու հիմք տալի՞ս է։
—«Եվրատեսիլում» ամեն ինչն է կարեւոր, սակայն գլխավորն այն երգն է, որով ներկայանալու ես եւ թե ինչպես ես կատարելու այն։ «Եվրատեսիլը» երգի մրցույթ է, որն իր շուրջը կարեւորում է նաեւ այլ բաղադրիչներ։ Իսկ ինչ վերաբերում է տեսահոլովակի դիտումներին, ապա ինձ իրականում դա ուրախացնում է, որովհետեւ դա խոսում է այն մասին, որ երգը եւ տեսահոլովակի կոնցեպտը սիրվել են, իսկ դա հենց այն է, ինչ պետք է արտիստին։
—Հասարակության շրջանում հաճախ է տեսակետ հնչում, թե «Եվրատեսիլն» ավելի շատ քաղաքականություն է, քան երգի մրցույթ։ Ոմանք անգամ առաջարկում են պարզապես չմասնակցել։ Դուք ի՞նչ եք կարծում։
—Նման մտքերով ու տրամադրվածությամբ հաստատ չարժե գնալ մրցույթին մասնակցելու։ Ես գնում եմ երգի տոնի, նոր ծանոթություններ ձեռք բերելու, ներկայացնելու այն, ինչ սիրում եմ։ Մնացածը ցույց կտա ժամանակը։
—Ո՞ր երկրի ներկայացուցչին եք համարում Ձեզ մրցակից եւ ինչո՞ւ։
—Մրցակից են բոլոր մասնակիցները՝ առանց բացառության։ Բոլորն էլ ուժեղ են, տաղանդավոր։ Բոլորս էլ պայքարելու ենք առավելագույն լավ արդյունք ցույց տալու համար։
—Ժամանակից առաջ ընկնելով, մի պահ պատկերացնենք՝ հաղթել եք...  Ինչ եք կարծում, ինչպե՞ս կարձագանքեք այդ լուրին։
—Ուրախությունից կգոռամ երեւի։ Ու հաստատ կսկսեմ արագ—արագ խոսել, քանի որ զգացողություններս ու էմոցիաներս կխեղդեն ինձ։ Առաջ Աստված։
—Կա՞ մրցույթին վերաբերող այնպիսի գաղտնիք կամ նորություն, որը կուզեիք կիսել մեր ընթերցողների հետ։
—Սիրով կցանկանամ տեղեկացնել, որ շուտով իմ երկրպագուները հնարավորություն կունենան լսելու «Walking out» երգի դաշնամուրային քավրը, ինչպես նաեւ ռեմիքսը։ Հուսով եմ, որ նրանք կսիրեն նաեւ երգի նոր տարբերակները։
—Ձեզ հրաշալի ելույթ եւ հաղթանակ ենք մաղթում։
—Անչափ շնորհակալ եմ ջերմ արձագանքի համար։ Այն իսկապես ինձ ուժ է տալիս։
Թամարա ՄՈՒՐԱԴՅԱՆ

10-04-2019





26-06-2019
Հայաստանը յուրաքանչյուր հայի հայրենիքը պիտի դառնա գործնականում
Հարցազրույց սփյուռքի գործերի գլխավոր հանձնակատար Զարեհ Սինանյանի հետ



26-06-2019
Պոլսո հայոց պատրիարքի ընտրություններին ընդառաջ
Թեկնածուն թուրքական իշխանությունների համար ընդունելի պետք է լինի

Թամարա ...


26-06-2019
Վիճակը նետված է վաղուց
Ողջ ազգը սեւեռվում է վիճակի վրա

Թադեւոս ԽԱՉԱՏՐՅԱՆ
t.khachatryan@hhpress.am

Մեկ-մեկ ...


26-06-2019
Այսուհետ գործելու ենք փոփոխված հարկային օրենսգրքով
Մինչեւ աշնանային նստաշրջան օրենսդիրը կներկայացնի նոր փոփոխություններ

Լուսինե ՄԽԻԹԱՐՅԱՆ
l.mkhitaryan@hhpress.am




26-06-2019
Դիվանագիտական խողովակներով կհստակեցվեն Մակրոնի՝ Հայաստան պետական այցի ժամկետները
Հարցազրույց Ֆրանսիայում ՀՀ դեսպան Հասմիկ Տոլմաջյանի հետ

Ֆրանսիայի ...


26-06-2019
Հենրիկ Բաբախանյան
Կար ժամանակ, երբ ես տարիքով կրտսեր էի իրենցից. հիմա ...


26-06-2019
Հայերը գնահատում են գիտությունն ու կրթությունը
Հանրապետության նախագահ Արմեն Սարգսյանն առաջարկել է գիտության ու ...



26-06-2019
«Խաղաղության ամենամեծ բրդուճը» կպատրաստվի Ենոքավանում
Տեղի կունենա ամենամյա «ՀայԲույս» ...

26-06-2019
Պարտադիր չէ՝ բոլորը երաժիշտ դառնան
Մայրաքաղաքի ու մարզերի երաժշտական ու ...

26-06-2019
Նոր սահմանափակումները՝ ընդդեմ կառավարման ողջ համակարգի
Էմմա ԲԵԳԻՋԱՆՅԱՆ
e.begijanyan@hhpress.am



26-06-2019
Հայաստանի ֆուտբոլի ընտրանու հաղթաթուղթը
Հարձակվող Գեւորգ Ղազարյանի կարծիքով, դա ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO