Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.04.2019
ԼՂՀ


Արցախցին իր բանուգործին է

Իսկ Ադրբեջանը պետք է զսպի իր ախորժակը

«Ազատ Արցախը ողջունում է Ձեզ». Արցախի մուտքի մոտ կարդում ես, ցուցանակի մոտ լուսանկարվում ու առաջ շարժվում դեպի ազատ Արցախ։
Վառոդի հոտն Արցախի օդը չի պղտորել։ Արցախի օդի անգամ թարմության ու մաքրության հոտն ես զգում։ Իսկ սահմանում խաղաղությունն այնպես է պահպանվում ու հսկվում, որ ներսում միայն բնության ձայներն ու արցախցու բարբառն են լսվում՝ «լոխ լյավա»։
Այստեղ կյանքն ընթանում է բնականոն հունով։ Ու սահմանի այն կողմից կռվի ու պատերազմի մասին հնչող հոխորտանքները չեն փոխում բնակիչների առօրյան ու օրակարգը՝ ղարաբաղցին իր բանուգործին է։
Մարտակերտի շրջանից տիկին Սիլվան ամուսնու ու որդու հետ շտապում էր դստեր ընտանիքին հյուր։ Ասում է. «Մեզ մոտ կռիվներ եղել են, բայց հիմա վիճակը համեմատաբար նորմալ է։ Պատերազմի մասին խոսակցություններից չենք վախենում, արդեն սովորել ենք, սովորական է արդեն, չենք էլ պատրաստվում թողնել—գնալ։ Մի անգամ արդեն ինքս փախուստ տեսել եմ՝ 1992—ին։ Բայց հետո մեր գյուղ ենք վերադարձել»։ «Կիրովաբադը հենա, էն սարի հետեւն ա,–ասում է Արտաշը ու ավելացնում, որ պատերազմից չեն վախենում, բայց չեն էլ ուզում, որ լինի.–Ջահելներն ափսոս են՝ իրենցն էլ, մերն էլ»։
Շուշեցի Սուսաննայի աղոթքները նաեւ խաղաղության ու սահմանները պահող տղաների համար են։ Շուշիի Ղազանչեցոց Ս. Ամենափրկիչ եկեղեցում աղոթելուց հետո, երկար ժամանակ նստում է եկեղեցու բակում, մտորում, իսկ թոռներն այս ու այն կողմ են վազվզում, խաղում ու երբեմն հետեւում հարեւանությամբ ֆուտբոլի դաշտում ընթացող խաղին։ Խաղացողները ապագա ֆուտբոլիստներն են, որոնք ամեն սխալի արձանագրումից հետո դիմում էին մարզչին՝ «պա հո՞ւնց անիմ»։
Շուշիից հետո, Ստեփանակերտում արդեն կյանքն ավելի եռուն էր։ Փողոցներում՝ ամենուր այս ու այն կողմ շտապող մարդիկ էին՝ շաբաթվա առաջին աշխատանքային օրն էր։ Բայց Արցախ այցելած զբոսաշրջիկների ուղղությունը առաջին հերթին «Մենք ենք մեր սարերը», կամ, ինչպես ասում են, «Դեդո—բաբոյի» հուշարձանն էր։ Գալ Արցախ ու չտեսնել «Տատիկ—պապիկը»՝ նույնն է, ինչ Արցախից հեռանաս առանց «ժենգյալավ հաց» համտեսելու։ Եվ երեւի չկա որեւէ արցախցի տնային տնտեսուհի, որի դանակի տակով, իր համար այդքան պարզ, իսկ զբոսաշրջիկների համար նույնքան բարդ հնչեղությամբ կանաչիներն անցած չլինեն։ Ժենգյալով հացի հարցում արցախցու ձեռագիրը տարբերվող է։
Առհասարակ, Արցախի հարցում բնությունն այլ ձեռագիր է բանեցրել։ Եվ միայն Արցախում լինելով ու Արցախը տեսնելով կարելի է հասկանալ Ադրբեջանի ախորժակի ու պահանջների պատճառը։ Բայց որ այդ ախորժակն այդպես էլ «բաց» է մնալու ու չի հագեցվելու՝ աքսիոմա է։
«Էս հողն ու ջուրը մեր պապերից ենք ժառանգել ու պահպանելու ենք մինչեւ վերջ։ Այսօր էլ Երեւանից եկել եմ այստեղ՝ աղջկաս ծանոթացնելու իր հողին ու ջրին»,–ասաց ղարաբաղցի Արմենն ու լուսանկարում հավերժացրեց նորածին Աննայի առաջին տուրը դեպի Արցախ՝ Դադիվանք։
Թամարա ՄՈՒՐԱԴՅԱՆ
Ստեփանակերտ—Երեւան

12-04-2019





26-04-2019
Պարզապես չէր սիրում շատ երեւալ
Բայց գործն էր երեւում, ու այսուհետ բացը կերեւա



26-04-2019
Խցերի «վոլչոկների», «զոն նայողների» ու wi-fi սարքերի մասին
ԱԱԾ-ի խուզարկությունն ու արդարադատության նախարարի պարզաբանումը

Կառավարության երեկվա ...


26-04-2019
Ազդարարվել է նախագահական նոր ծրագրի մասին
Հանրապետության նախագահ Արմեն Սարգսյանը երեկ տիկնոջ՝ Նունե Սարգսյանի հետ ...


26-04-2019
Վարչապետն ընդունել է Լիոնի քաղաքապետի առաջին տեղակալին
Վարչապետ Նիկոլ Փաշինյանն ընդունել է Լիոնի քաղաքապետի առաջին տեղակալ ...


26-04-2019
«Հայաստանը տեսնում եմ ուժեղ երկիր»
Նիկոլ Փաշինյանն ու Աննա Հակոբյանը հյուրընկալել են ամերիկահայ ...


26-04-2019
Իրավունք, պարտականություն, թե ծառայություն
Համատիրությունների «մատի եւ մատանու արանքում»

Մինչեւ «թավշյա հեղափոխությունը» ...


26-04-2019
Պետի տեղակալը կդառնա՞ պետ
Պարզաբանում է Արգիշտի Քյարամյանը

Պետական վերահսկողական ծառայության ղեկավարի ...



26-04-2019
Այդպես էլ եղավ. ես հետ եկա, ու ինքը չկա…
«Համով կգրես». այս հորդորն էի ստանում ամեն անգամ ...

26-04-2019
Բացառությունները ճիշտ չէ որպես օրինաչափություն ներկայացնել
Երեւանի քաղաքապետարանը ...

26-04-2019
Մեր խնդիրը լուծեցինք միայն անհատական ցատկերում
Ինչպես արդեն տեղեկացրել ենք, ջրացատկորդներ Լեւ ...
USD
EURO
RUR
GEL
Եղանակը Երևանում
գիշերը +4... +6
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO