Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

18.10.2019
ՄՇԱԿՈՒՅԹ


Կենսագրություն ունեցող բանաստեղծ էր

Տեղի ունեցավ հուշ-ցերեկույթ՝ նվիրված Մկրտիչ Սարգսյանի հիշատակին

Բանաստեղծ, արձակագիր, ՀԽՍՀ մշակույթի վաստակավոր գործիչ Մկրտիչ Սարգսյանի ծննդյան 95—ամյակի առիթով երեկ Ավետիք Իսահակյանի անվան կենտրոնական գրադարանում տեղի ունեցավ հուշ—ցերեկույթ, որին ներկա էին գրչակից ընկերներն ու գրական աշխարհի ներկայացուցիչներ, բանաստեղծի հարազատները։ Հնչեցին գրողի ստեղծագործություններից հատվածներ, մտերիմները պատմեցին հիշողություններ։ Գրականության ոլորտի ներկայացուցիչները երախտագիտությամբ նշում էին բանաստեղծի թողած գրական ժառանգության, գրականության զարգացման գործում ունեցած ծանրակշիռ ավանդի մասին։ Մկրտիչ Սարգսյանն իր երկրային կյանքն ավարտեց 2002 թվականի հունիսի 23—ին։
«Գնաց» բանաստեղծը մտահոգություններով։ Որդին՝ «Հայաստան» հրատարակչության տնօրեն Վահագն Սարգսյանը, «ՀՀ»—ի հետ զրույցում ասաց, որ կյանքի վերջին տարիների նրա մտատանջության պատճառը մեր երկրի, մեր պետականության կառուցման, կայացման խնդիրն էր։ «Չէր ընդունում օրվա իշխանության կատարած ավերածությունները, մի տեսակ նաեւ ընդդիմանում էր, հոդվածներով խոսում էր, որովհետեւ իրենք՝ պատերազմ տեսած այս սերունդը, հասել էր ինչ—որ մի հանգրվանի, երբ կարելի էր ստեղծել բարվոք պետական միջավայր, այդ սերունդը տեսնում էր դրա կործանումը, իրենց երազանքների փլուզումը։ Գրական առումով այդ շրջանը շատ անհաջող էր, ճգնաժամային, գրքեր չէին հրատարակվում, թերթերը տպվում էին անկանոն պարբերականությամբ։ Գրողների միությունը ոչ բարվոք վիճակում էր։ «Հոգեհանգիստ» բանաստեղծության մեջ իր սենդակիցներին պարզապես հոգեհանգստի էր կոչում, որովհետեւ այլեւս անելիք չունեին, իրենց դրոշը խունացել էր»,–նշեց Վահագն Սարգսյանը։ Նա նաեւ տեղեկացրեց, որ բանաստեղծի մահից հետո հրատարակել են նրա անտիպ ժողովածուները։ Առանձին հրատարակությամբ ընթերցողին ներկայացվեց բանաստեղծի նամականիները։ Հիմա նախապատրաստում են հոդվածների, հարցազրույցների եւ ելույթների ժողովածուն։
«Հայկական հանրագիտարան» հրատարակչության գլխավոր խմբագիր, տնօրեն Հովհաննես Այվազյանի խոսքով՝ Մկրտիչ Սարգսյանն աշխարհի առաջ «բաց» մարդ էր, աշխարհի հետ հարաբերվելու խնդիրներ չուներ, շիտակ էր։ «Մի շատ լավ հատկություն ուներ՝ իր հայրենակից բանաստեղծներին, ովքեր բավական շատ էին թեւի տակ, կանչում էր եւ ասում. «Ի՞նչ անեմ ձեզ համար, որ մի բանի կարողանաք հասնել»։ Սկսնակ եւ փորձառու բանաստեղծների բանակ էր պտտվում իր շուրջը։ Գրական դաշտում, որ հազար ու մի բաներ են տեղի ունենում, ինքը շիտակ էր մնում հարաբերությունների մեջ։ Իր ճակատով պայքարեց Պարույր Սեւակի վերջին գիրքը կալանքից հանելու համար։ Նա նաեւ գրականության մեջ հեղինակություն ունեցող անձ էր, կարող էր ճանաչված Սեւակի հարցում պատասխանատվություն վերցնել կենտկոմի առաջ։ Ժամանակին կենտկոմում էր աշխատել, այնտեղի բարքերը գիտեր եւ այդ ամենը օգտագործում էր ի շահ գրական աշխարհի բարեկեցության»,–պատմում է Այվազյանը։
Բանաստեղծ, թարգմանիչ, հրապարակախոս Հարություն Հովնաթանը, որը վերջերս ընթերցողի սեղանին դրեց «Երանելի Մկրտիչ Սարգսյանը» գիրքը, շեշտում է՝ ազգին, ժողովրդին, հայրենիքին նվիրված մարդ էր. «Պատերազմի մասնակից է եղել, մինչեւ վերջ կռվել է, եւ երբ ասում են՝ Մկրտիչ Սարգսյանը պատերազմի թեմաներով է գրում, այդպես չէ, նա իր կյանքն է գրում, որովհետեւ զինվոր էր, եւ գրում է նրանց մասին, ովքեր ընկան։ Ընկածների մեջ նա տեսնում էր իրեն»։ Հիշում է՝ այն ժամանակ կար գրական «մաֆիա», բոլորի հետ լավ էր, բայց նրանց օրենքներով չէր ապրում։ Առանձնանում էր։ Որպես ընտանիքի հայր՝ հրաշալի էր, որպես ընտանիքի զավակ՝ դարձյալ կատարյալ էր։ «Ամեն առումով տարբերվում էր, նա բարոյական նկարագիր ուներ։ Կենսագրություն ունեցող մարդ էր, իսկ գրողը պետք է կենսագրություն ունենա։ Իր տեսակի մեջ բարի, հոգատար, հետաքրքրվում էր գրողների կյանքով, օգնում էր, կարեկցում։ Լավություն անող մարդ էր, բայց երբեք չէր ակնկալում փոխադարձություն»,–շեշտեց բանաստեղծի ընկերը։
Անդրադառնալով «Երանելի Մկրտիչ Սարգսյանը» գրքին՝ ասաց, որ դրանում տեղ են գտել բանաստեղծի հետ ունեցած իր հանդիպումները, զրույցները, մեկնությունները նրա ստեղծագործությունների վերաբերյալ։ Փորձել է տալ Մկրտիչ Սարգսյանի գրական դիմանկարը՝ պատերազմի դաշտում եւ պատերազմից հետո։ «Նա միշտ կարեւոր պաշտոններ է ունեցել՝ գրողների միության քարտուղար, «Հայպետհրատի» գլխավոր խմբագիր։ Ամեն օր ծառայել է գրականությանը, բայց երբեք չի պրոպագանդել իր գրածը։ Հանգիստ, թաքուն ստեղծագործել է։ Ճշմարիտ գրող էր եւ գրում էր ոչ թե սիրո մասին, այլ իսկապես սիրում էր, ոչ թե հայրենասիրության մասին էր խոսում, այլ իսկապես հայրենասեր էր»,–ասաց Հ. Հովնաթանը։
Լիանա ՍԱՐԳՍՅԱՆ

13-04-2019





18-10-2019
Համապարփակ լուծում հին խնդիրներին
Հայագիտական առարկաների դասավանդումը դպրոցներում կուժեղացվի

Լուսինե ՄԽԻԹԱՐՅԱՆ
l.mkhitaryan@hhpress.am


Վերջին ...


18-10-2019
Սիրիայում բոցավառվող տեսակի արգելված զենք է կիրառվել
Ո՞ր կողմն է գործադրել՝ ապացուցելը դժվար է լինելու

Թամարա ...


18-10-2019
10 մլն եվրո՝ Արարատի եւ Արմավիրի մարզերին
Հումքի մթերումների սուբսիդավորման ծրագրում փոփոխություն եղավ

Արմենուհի ՄԵԼՔՈՆՅԱՆ
a.melqonyan@hhpress.am


Կառավարությունը ...


18-10-2019
Գեղարվեստի կենարար ուժը
ՀՀ ԳԱԱ թղթակից անդամ, ՀՀ գիտության վաստակավոր գործիչ, տնտեսագիտության ...


18-10-2019
Բիբլիական լեռը ներկայանում է յուրովի
ՀԱՊ-ում բացվել է «Արարատ. սրբազան լեռը» խորագրով ցուցահանդեսը

Լիանա ...


18-10-2019
Պարտադիր, բայց առանց գնահատման
«Շախմատ» առարկայի դասավանդման շուրջ քննարկումներն ակտիվ փուլում են

Լուսինե ...


18-10-2019
«Ձեր խնդիրները մեր մշտական ուշադրության կենտրոնում են»
Վարչապետը հանդիպել է զոհված զինծառայողների մայրերի հետ

Վարչապետ ...



18-10-2019
Սոցցանցերը եւ մարդկային հարաբերությունների նոր մշակույթը
Հաշվարկված է, որ աշխարհի բնակչության 40 տոկոսը, ...

18-10-2019
Զբոսաշրջային ակտիվությունն ակնհայտ է
Բայց դրանից «գլուխներս չպետք է ...

18-10-2019
Վարչապետն ընդունել է Ճապոնիայի վարչապետի հատուկ խորհրդականին
Վարչապետ Նիկոլ Փաշինյանը երեկ ընդունել է Ճապոնիայի ...

18-10-2019
«Մեր գլխավոր նպատակն օլիմպիական ուղեգիր նվաճելն էր»
Գերմանիայում անցկացված սպորտային մարմնամարզության ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO