Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԳԻՏՈՒԹՅՈՒՆ


Մենք էլ պակաս խելացի չենք

Իրական շանսեր ունենք Իսրայելից հաջողակ երկիր դառնալու

Հայ գիտնականը ցանկացած պատվեր ի վիճակի է իրականացնելու՝ օրինակ, ռազմական ոլորտում։ Ռազմական ոլորտում վերջին տարիների ընթացքում տպավորիչ արդյունք է գրանցվել, որովհետեւ հստակ պատվերը տրվում է։ Այդ մասին ասում է ԿԳՆ գիտության կոմիտեի նախագահ Սամվել Հարությունյանն ու հավատացնում, որ մեր երկիրը կարող է լուրջ արդյունքներ գրանցել՝ եւ ոչ միայն ռազմարդյունաբերության, այլեւ բժշկության ոլորտներում։
«ՀՀ»—ի հետ զրույցում նա ասաց. «Վերջին 4—5 տարիներին ռազմական արդյունաբերության ոլորտին բավական ուշադրություն է դարձվում։ Գոյություն ունի վարչապետին առընթեր ռազմարդյունաբերության խորհուրդ, եւ այդ խորհրդին առընթեր կա ռազմատեխնիկական խորհուրդ։ Ռազմարդյունաբերության խորհրդի նախագահը վարչապետն է, իսկ դրան առընթեր ռազմատեխնիկական խորհրդի նախագահը ես եմ։ Մենք ծրագրեր ենք իրականացնում նոր զինատեսակներ ստեղծելու, եղած զինատեսակները կատարելագործելու ուղղությամբ։ Հիմնական նպատակը միայն մեր պետության սեփական կարիքները ինչ—որ ձեւով հոգալը չէ։ Եթե ռազմական արդյունաբերության մեջ տալիս ենք ռազմական արտադրանք, կարող ենք նաեւ վաճառել։ Ռազմական արդյունաբերությունը տնտեսության զարգացման կարեւորագույն խթանը կարող է հանդիսանալ»։
Հարությունյանը նկատում է, որ տարբեր երկրների պատմությունը ցույց է տալիս, որ պետությունների զարգացման հիմքում պետք է դրվի մի քանի հետաքրքիր գաղափար, որոնք կարող են պետությունը վատ վիճակից հասցնել զարգացած երկրների վիճակին։ Օրինակ է բերում Իսրայելը, որտեղ ռազմական արդյունաբերությունը դարձավ խթան պետության ուժեղացման եւ զարգացման համար, դրան նպաստեց նաեւ դեղաբանությունը։ «Մեծ երկրներում մի փոքր այլ սխեմաներ են աշխատում, օրինակ՝ ԱՄՆ—ն հզոր երկիր դարձավ տիեզերքի ուսումնասիրման ու ռազմարդյունաբերության ոլորտներում իրականացրած աշխատանքներով։ Սովետական Միությունը նույնպես աշխարհի հզորներից էր ռազմական արդյունաբերության շնորհիվ»,—հետհայացք գցեց՝ ավելացնելով՝ կարծում է, որ Հայաստանին նույն ճակատագիրն է սպասվում։ Գիտության կոմիտեի նախագահը համոզված է՝ մենք իրական հնարավորություններ ունենք դառնալու շատ հզոր ռազմական արդյունաբերություն ունեցող երկիր։ Դրա նախապայմանները, ասում է, որ ունենք. «Խորհրդային ժամանակներում ռազմարդյունաբերության ոլորտում մենք բավականին մեծ տեսակարար կշիռ ենք ունեցել Հայաստանում, եւ որոշ ավանդույթներ դեռ պահպանվում են։ Եվ եթե այդ ավանդույթները կիրառենք, ապա կարող ենք ունենալ շատ լուրջ ռազմական արդյունաբերություն, որն իր հետեւից շատ բաներ կտանի։ Ինչո՞ւ չէ՝ նաեւ բժշկության ոլորտը, մոլեկուլային դեղաբանության ոլորտը։ Այս ոլորտները կարող են դառնալ կարեւորագույն խթանիչները Հայաստանի՝ տեխնիկապես զարգացած երկիր լինելու գործում։ Համոզված եմ, որ այդ ուղղությամբ էլ մենք գնալու ենք, որովհետեւ այլ ճանապարհ չեմ տեսնում»։
Ըստ մեր զրուցակցի, սովորաբար, այն երկրները, որոնք ունենում են ինտելեկտուալ լուրջ ռեսուրսներ, բայց բնական ռեսուրսներից աղքատ են, օրինակ՝ Իսրայելը, Ճապոնիան, Հարավային Կորեան, հիմնականում այդ ուղղություններն են ընտրում։ Հայաստանն էլ բացառություն չի համարում։ Հարությունյանը բարձրաձայնում է, որ մենք էլ վաղ թե ուշ ունենալու ենք շատ լուրջ ռազմական արդյունաբերություն. «Ես գրեթե համոզված եմ»։
Իսկ դիտարկմանը՝ փաստորեն, հնարավոր է գա ժամանակ, երբ կկարողանանք համեմատվել, օրինակ, Իսրայելի հետ՝ պատասխանեց. «Տա Աստված։ Իսրայելցիները, Ձեզ թվում է՝ ինչ—որ արտառոց ժողովո՞ւրդ են, ու մեզանից շատ ավելի խելացի՞ են՝ ոչ, այդպես չէ։ Մենք էլ պակասը չենք եւ իրական շանսեր ունենք նույնիսկ Իսրայելից ավելի հաջողակ երկիր դառնալու, եթե ճիշտ աշխատենք, համերաշխ լինենք, պետական մտածողություն ունենանք, կուսակցական շահերից ելնելով մեկս մյուսի վրա ցեխ չշպրտենք, օգտագործենք մեր բոլոր հնարավոր ռեսուրսները՝ անկախ կուսակցական պատկանելությունից»։
Նա ընդգծում է, որ մեր երկրի ամենամեծ ու թանկարժեք ռեսուրսը մարդկային ռեսուրսն է։ Եվ անկախ այդ մարդկային ռեսուրսի կուսակցական պատկանելությունից, այն պետք է առավելագույնը արդյունավետ օգտագործել։ Ասում է. «Ես այդպես եմ մտածում։ Եթե այս ամենը հաշվի առնենք, մեր պետությունը կունենա շատ լուրջ հաջողություններ»։ Ապա հավելում է, որ որոշ երկրների փորձը հարկավոր է լուրջ ուսումնասիրել։
Թամարա ՄՈՒՐԱԴՅԱՆ

20-04-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO